मूक चेलाकू 14:26 - Korwa Bible

²⁶ मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 14:26 ပူးပေါင်းရင်းမြစ်များ

मूक चेलाकू 11:19

इसतपनूस गोएगनेन तयोमरे होड़कू एरुसलेम सहरराः कलसियारिकुःआ होड़कू मुरुककू संतावकुःआ। हनालगा हँकू अते मुरुक बगरा बिसवासी होड़कू हना ततेरतेकू ञीरबाःयान अरू फिनिका छतर, सइपरास डुगु अरू अंतकिया सहररेकू सोदोरयान। हँकू एहूदाकू एचेरे एकला नपाय सरवनकू कता उदुःतेरा।

मूक चेलाकू 11:20

दो सइपरास डुगुरिकुःआ अरू कुरेन सहररिकुःआ अदोम बिसवासी होड़कू अंतकिया सहररे वेजेडखन बेगर एहूदाकू एचेरे परबू ईसूराः नपाय सरवनकू उदुःवाकुःआ।

मूक चेलाकू 11:23

हाँय हंडा सोदोरनेनखन भगवानराः मया हँकुःआ होड़कू एचेरे ञेलतेडखन मुरुके बहालयान। अरू हँकू जमा इंदरीते परबू ईसू एचेरे बिसवास हड़ाःगोड ञवनकू लगाय कता बहालगोतेडकू।

मूक चेलाकू 11:26

हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।

मूक चेलाकू 11:27

हननमेला एरुसलेम अते अदोम भगवानराः बड़रा कता होड़कू अंतकिया सहररेकू वेजेडा।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:21

दो पउलूस अरू बरनाबास दिरबे सहररिकुःआ होड़कू एचेरे भगवानराः नपाय सरवनकिन परसार उदुःतेरा अरू मुरुक बगरा होड़कू ईसू एचेरे बिसवासकेडखन चेलाकू बड़ाँवयान। हनते हँकिन लिसितरा सहर, इकुनियुम सहर अरू पिसिदिया छतरराः अंतकिया सहररेकिन कुदा सेनेडा।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 15:22

हनते ईसूरिकुःआ मूक चेलाकू अरू कलसियारिकुःआ अगुवा होड़कू जमा बिसवासी होड़कू सुदा अँकूरिकुःआ तोनोंग तोनोंग होड़कू सुनावतेडखन पउलूस अरू बरनाबास सुदा वारकू लगाकू रायनेना। बिसवासी होड़कू अते बार होड़, कलसियारिकिनाः अगुवा होड़किन दोहोना हँकिनाः जूदा (हाँयराः एटाः ञाव दोहोना बरसाबास) अरू सिलासकू सुनावतेरा, जेमहा पउलूस अरू बरनाबास सुदा अंतकियाकिन सेन।

मूक चेलाकू 15:30

दो हँकुःआ चइरगोटोंग होड़कू, कलसियारिकुःआ होड़कू वारतेडकुःआ अरू हँकू अंतकिया सहर तोराकू। हंडा सेनेडखन हंडाकुःआ बिसवासी होड़कू एचेरेकू जुमावनेन अरू हँकू हना चिठीकू एमेवातेडकुःआ।

मूक चेलाकू 15:40

मनदो पउलूस सिलासे सुनावतेरा, अरू बिसवासी होड़कू परबू हँकिने संभाड़किन लगाकू अरजीतेरा अरूकू वारगोतेडकिन।

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

रूमी 15:19

ईंग बयाव जुवाः इयाःआ बुता अरू चिनहाकूनिंग एचेय लगा, हाँय सुद बिरुवाराः जंगरे एमेवारिंगा। नाःआ इया एरुसलेम सहर अते इलुरिकूम छतर वरी ईंग ईसू मसीराः नपाय सरवन मुरुक बगरा होड़कू एचेरेयिंग परसार उदुःकेरा।

2 कुरिंती 1:12

अलिंग नपाय इंदरीते बहालगुः घड़ीनलिंग कतायतना, चउंदीसरे, बिसेक अपे सुदा अलिंगराः लूर-नेवन भगवान जुकूर, सुद अरू सताय इदा। अरू अलिंग अँननलिंगराः कनहूनते कोवान, मनदो भगवान मयावाडलिंगा हनानाः अतेलिंग जियाःतना।

गलातिया 2:11

पतरस अंतकिया सहररेय वेजेडा दो ईंग घंटावतिडिगखन हाँय एचेरेयिंग कतातेड, आम गारबारकेरा, माःआन।

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

कुलूसी 1:28

हनाँय बदीरेले परसारगेतना अरू भगवान अलेय एमेवाडलेःआ हना कनहूनते जमा होड़कूले सेतावतना अरूले चेडकूतना, जेमहा मसीराः बिसवासरेकू उडु-बुडूयना हँकुःआ जमा होड़कू भगवान मड़ंगरेले जिमा अवेकू।

कुलूसी 4:17

अरू अरकिपूस एचेरेपे कताय, “परबू आमे जिमावारा, हना सेवा एचे पुरावगे लगाम ओंगोल दोहोबाःका।”

2 तिमुतियूस 4:2

भगवानराः सरवनमे परसार। अरू सगर बेला परसारगे लगा सपड़ावतोम दोहोन। मुरुक सहाव घड़ीन होड़कूम मंदरावकू अरूम डंटावकू अरूम कता बहालवाकू अरू भगवानराः सरवन नपायतेम चेडकू।