मूक चेलाकू 14:23 - Korwa Bible

²³ पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 14:23 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:21

[नाःआ इयाकुःआ भूतकू बेगर उपासतेःआ अरजीरे मेरकू उडुंगगुःता।”]

मरकूस 3:14

ईसू हँकू अते बारहगोटोंग होड़कूय नुमाड़तेरा अरू आँयगरिकुःआ मूक चेलाकूय बड़ाँवतेडकुःआ। हँकू ईसू सुदा दोहोन लगा अरू एटाः होड़कू एचेरे सेनेवाडखन परसारगे लगाय नुमाड़तेडकुःआ।

लूका 2:37

अरू हनते हाँय चउरासी बरिस वरी रंडियाहीने दोहोना। हाँय जमा बेला भगवानराः ओड़ाःरे भगवान जागवाडखन सेवारेय दोहोना अरू रइत दिन उपास घड़ीन भगवान एचेरेय अरजीःआ।

लूका 23:46

अरू ईसू खिररीनेनखने कताया, “ने अपांग, ईंग बिरुवा आम एचेरेयिंग जिमायतना।” अरू नाःआ कतावाडखन हाँय मिनी तुरहाय सहेडतेरा।

मूक चेलाकू 1:22

एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”

मूक चेलाकू 1:24

हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ।

मूक चेलाकू 11:30

हँकू हनन इयाकू एचेतेरा अरू एरुसलेमराः कलसियारिकुःआ अगुवा होड़कू एचेरे एमेय लगा बरनाबास अरू साहूल एचेरे पुंजी पसारकू एमेगोतेड।

मूक चेलाकू 14:26

मड़ंगरे अंतकियारिकुःआ बिसवासी होड़कू पउलूस अरू बरनाबास, परसार बुता लगा सेनेन मेला हँकिन लगा भगवान एचेरेकू अरजीःआ। हना बुता हँकिन चबातेडखन अतलिया अते हँकिन जहाजते अँननकिनराः सिरिया छतरराः अंतकिया सहर अगीकिन कुदा सेनेडा।

मूक चेलाकू 15:23

हँकू हँकिन तिःईरे नाःआ चिठीकू एमे ओतोंगगोडतेरा। अले अपेरिकुःआ वपक बोपोहकू, ईसूरिकुःआ मूक चेलाकू अरू कलसियारिकुःआ अगुवा होड़कू, अंतकिया सहर, सिरिया सहर अरू किलिकिया छतररिकुःआ बेगर एहूदा बिसवासी होड़कू लगा अले अगीते मसी सलाम।

मूक चेलाकू 15:4

हँकिन एरुसलेमकिन सोदोरनेन दो कलसियारिकुःआ बिसवासी होड़कू, ईसूरिकुःआ मूक चेलाकू अरू कलसियारिकुःआ अगुवा होड़कू हँकिनकू नेत-नेवारतेडकिना। दो हँकिन हँकू एचेरे भगवान अँकूतेय एचेतेरा हना जमाकूनकिन कता उदुःतेरा।

मूक चेलाकू 15:6

हनते ईसूरिकुःआ मूक चेलाकू अरू कलसियारिकुःआ अगुवा होड़कू नाःआ कता बदीरे कता होड़ेंग लगा मिनीरेकू दुड़ुःयान।

मूक चेलाकू 20:17

मिलेतूस अते पउलूस इपीसीराः कलसियारिकुःआ अगुवा होड़कूय एचे राःतेरा।

मूक चेलाकू 20:32

नुँहू ईंग भगवान एचेरेयिंग जिमापेतना अरू भगवान अपेय मयावाडपेःआ हना सरवन अपेराः जीव बड़ियाड़केडखन भगवान सुदकेडकुःआ हँकुःआ जमा होड़कू सुदा इताडपे पवाः लगा संघरावापेता।

2 कुरिंती 8:19

निनमिनाः एकला कोवान, कलसियारिकुःआ होड़कू हाँयकू सुनावकेरा, जेमहा अले बिहिरी इदी अटू लगाले सेन मेला, हाँय हों अले सुदाय सेन। अरू अलेराः नाःआ सेवाते परबूराः मान मरजइत होयाःता अरू अले होड़कू संघरावा लगा सपड़ावतो इदानलेःआ माःआनले उदुः अवेय।

1 तिमुतियूस 5:1

ने तिमुतियूस, सयाँड़ होड़कू अहम डंटावकू अरू अपांग इया ओंगोलकेडकूखन समझावकूमे अरू हुडिंग डिंघाकू बोपोहोकूताम इयाम ओंगोलकू।

1 तिमुतियूस 5:22

तोनोंगीग होड़राः बोःरे ओहेन तिःई खेपाकेडखन मूक होड़ अहाम बड़ाँवगेय। अरू आम तोनोंगीगराः कसूररे अहम मेसान अरू अनम आम सुदमे दोहोन।

2 तिमुतियूस 1:12

हनालगा ईंग नाःआ जेहेलरे हों हाँय लगा कटसिया सहाव लगा मेरिंग गियुःतना। अरू ईंग इये एचेरेयिंग बिसवासकेरा हनायिंग सुसुदीयतना, अरू हनानाः दिन वरी ईंग एचेरेय जिमाकेरा हनानाः संभाड़गे जुकूर इदानिया माःआनिंग पनकियाबाःगोतेडा।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

तितूस 1:5

ने बेटा, ईंग करेत डुगूरे आमिंग अटूतेडमेःआ, जेमहा कलसियाराः बुता मेरिंग चबा अवेगाड हना बुता चबागे लगा अरू ईंग कतावातेडमेःआ हनन इया, जमा सहरकूनराः कलसियारे अगुवा होड़कूम सुनावकू।

एकूब 5:14

बेमरियारे इदानीग दो हाँय कलसियारिकुःआ अगुवा होड़कूय राः अरू हँकू परबूराः ञावते सुनुम तिलाःकिरिगखन, हाँय लगाकू अरजी।

1 पतरस 5:1

ईंग कलसियारीग मी होड़ अगुवा होड़ इदानिंगा अरू ईसू मसीराः कटसिया इनिंग ईंग ञेलतेरा। अरू दरवाःआ हना दिनरे भगवान जमाकू मड़ंगरेय एचे ञेलेयता हना मान मरजइत हाँय सुदा ईंग होयिंग पवाःता। दो ईंग कलसियारिकुःआ अगुवा होड़कू समझाव घड़ीनिंग कतावाकूतना,

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

2 एहुना 1:1

भगवान सुनावतिरिया हाँयग अइमी अरू आँयगरिकुःआ लइंकू लगा ईंग अगुवा होड़, नाःआ चिठीयिंग ओजाःगेतना। ईंग अपे मुरुकिंग दुलारपेतना। मनदो ईंग एकला कोवान, भगवानराः सताय कताकू सुसुदीतना हँकुःआ जमा होड़कू हों ईंग सुदाकू दुलारपेता।

3 एहुना 1:1

ईंग मूक होड़, सतायिंग दुलारगेयतना ईंगरीग सउंगता गयूस लगा नाःआ चिठीयिंग ओओजाःतना।