मूक चेलाकू 14:17 - Korwa Bible

¹⁷ हनारे हों भगवान अनँयग बदीरे हिदइते एमेगोड ञवना अरू जमा होड़कू एचेरे मयावाडकूखन नपाय नपाये एचेया। हाँय अपे लगा दाःए एचे उयुःगेता अरू जमा बरानाः बिहानकून ओमोनकियानखन सत बेलारे जोःओकूने एमेयता। हाँय अपे लगा जमा बरानाः जोम जिनिसकून एमेवाडखन अपेराः जीवे बहालगोतेडा।”

मूक चेलाकू 14:17 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:45

नाःआ इयापे एचेय दो अपे सेरमो देसरे इदानिया हाँयग अपांग भगवानरिकुःआ लइंकूपे बड़ाँःता। भगवान नपाय अरू बेलूर होड़कू लगा बेरते मरसले एमेवाकूता अरू गारबार होड़कू अरू बेगर गारबार होड़कू लगा दाःए एचे उयुःता।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

मूक चेलाकू 14:18

नाःआमिन कतातेडखन होड़कू अँकिन लगा बलिदान अहाकू देगगे लगा लटे-सटेकिन रोंकावतेडकुःआ।

मूक चेलाकू 17:26

भगवान मिनी होड़ते चउंदीसरे दोहोन लगा चउंदीसरिकुःआ जमा जइत होड़कूय तुलाकेरा अरू हाँय हँकुःआ होड़कू करा देसरे अरू तुमिन बेलामिन दोहोन लगा इदा, हना जमाकूने ओंगोल दोहोकेरा।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।