मूक चेलाकू 13:50 - Korwa Bible

⁵⁰ मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 13:50 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:23

अपे दोहोनता हना सहररे होड़कू अपेकू संतावपे दो, हना सहर अते एटाः सहर अगीपे ञीर जुवाः। अपे ईंगपे अयूम, अपे इसराएलराः जमा सहरकूनरे अरीनपे दँड़ा पुरावगे अते मड़ंग, मनुवारीग बेटात वेग जुवाःता।

मरकूस 15:43

अरमतिया सहररीग उसूप ञावीग मी होड़ होड़ दोहोना। हाँय एहूदाकूराः मरंग पंचाइतरीग मी होड़ होड़ दोहोना। अरू हाँय भगवानराः राइज बुँहड़ीनता हना बेला लगाय ततंगीःआ। हाँय डीड़तेडखन पिलातूस एचेरे तोराय अरू ईसूराः मुरदा दिरि लातरे मंडावगे लगाय असेतेरा।

मरकूस 5:17

हनते हँकुःआ होड़कू ईसू एचेरे असे घड़ीनकू कताया, “ने साहेब, आम अले सिमान अते सलाव जुवाःमे।”

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 14:4

मनदो हना सहररिकुःआ होड़कू बार बंटाकू बेगरावयान, अदोमकू एहूदाकू सुदा अरू अदोमकू ईसूरिकिनाः मूक चेलाकिन सुदा।

मूक चेलाकू 14:5

हना तयोमरे एहूदाकूरिकुःआ अरू बेगर एहूदाकूरिकुःआ मूक होड़कू हँकिन एचे बेग-हताकेडकूखन दिरिते तेके गोएगकिन लगाकू राइयान।

मूक चेलाकू 16:14

हँकुःआ अइमीकू अते मी होड़राः ञाव दोहोना लिदिया। हाँय मुरुक किमइतराः धुः-धुमइल रांगराः सोनहेकूनराः फेरवइत होड़े दोहोना। हाँय थायतिरा सहररीग होड़े दोहोना अरू भगवान जाग घड़ीने सेवातेरा। पउलूस कतातेरा भगवानराः हना नपाय सरवन बिसवासगे लगा परबू भगवान हाँयग लिदियाए एचे मनेवातेरा।

मूक चेलाकू 17:12

मुरुक एहूदाकू अरू मुरुक मरंग मरंग बेगर एहूदाकू, मरदकू अरू अइमीकू हों ईसू एचेरेकू बिसवासतेरा।

मूक चेलाकू 17:13

तिसलूनिकारिकुःआ एहूदाकू पउलूस बिरिया सहररे भगवानराः सरवने परसारगेतना माःआनकू अयूमतेरा दो हँकू हंडाकू सेनेडा अरू पउलूस बदीरे होड़कूकू एचे जुमावतेडखन कड़ीगकू रेमा।

मूक चेलाकू 17:17

हनालगा हाँय एहूदाकूराः अरजी ओड़ाःरे एहूदाकू अरू भगवानकू मान मरजइतता हँकुःआ बेगर एहूदाकू सुदा भगवानराः सरवने कता उदुः ञवना अरू सगर दिन हाँय बजाररे जुमाःतो होड़कू एचेरे भगवानराः सरवने कता उदुःतेरा।

मूक चेलाकू 17:4

तोनोंग तोनोंग एहूदाकू अरू भगवानकू मान मरजइतता हँकुःआ बेगर एहूदाकू अरू हना सहररिकुःआ तोनोंग तोनोंग मरंग मरंग अइमीकू हों नाःआ कता बिसवासकेडखन पउलूस अरू सिलास सुदा बिसवासी होड़कूराः गउदारेकू मेसायान।

मूक चेलाकू 18:7

हनते पउलूस अरजी ओड़ाः अते तीतियूस एसतूस ञावीग बेगर एहूदा होड़राः ओड़ाः तोराय। हाँयराः ओड़ाः अरजी ओड़ाः कुटीरे दोहोना अरू हाँय बेगर एहूदा होड़े दोहोना हों भगवान जाग घड़ीने सेवाःआ।

मूक चेलाकू 2:5

दो हनमेला एरुसलेम सहररे चउंदीसराः एटाः एटाः देसकून अते भगवानकू जागता हँकुःआ एहूदाकू दोहोना।

मूक चेलाकू 21:27

सात दिन होनोयाः बेला आसिया राइजरिकुःआ तोनोंग तोनोंग एहूदाकू पउलूस भगवानराः ओड़ाःरेकू ञेलतिरिया। हँकू जमा होड़कू पउलूस बदीरे कड़ीगकू एचे रेमा अरू हाँयकू साबतेरा,

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

मूक चेलाकू 6:12

दो हँकुःआ होड़कू इसराएल मूक होड़कू, चेडदार होड़कू अरू एटाः होड़कू इसतपनूस बदीरेकू बहकावतेडकूखन हँकू हाँय साबतिरिगखन मरंग पंचाइतरेकू एचे चड़ाँतिरिया।

मूक चेलाकू 8:1

साहूल हंडाय दोहोना अरू इसतपनूसराः गुजुःरे राययाने। हनमेला एरुसलेम सहरराः कलसियारिकुःआ होड़कू लगा संताव बुँहड़ीयान। अरू ईसूरिकुःआ मूक चेलाकू अड़ाःतेडखन जमा बिसवासी होड़कू एहूदिया छतर अरू समरिया छतररेकू ञीर सितिर-बितिरयान।

रूमी 10:2

ईंग सुसुदीतना, हँकुःआ होड़कू भगवान सेवा लगा मुरुक ओसताज इदानकुःआ। मनदो हँकू भगवानराः ओंगोल इया सेवागे लगा मेरकू सुदीयतना।

2 कुरिंती 11:26

कइन तुरहा सेन वेगरे ईंग लगा नईकूनराः सिकिसता, इनिग होड़कू अते सिकिसता, ईंगरिकुःआ जइत सगा होड़कू अते सिकिसता, बेगर एहूदाकू अते सिकिसता, सहररे सिकिसता, टयंगाब ततेररे सिकिसता, समुंदररे सिकिसता अरू लबरा बिसवासी होड़कू अते सिकिसता होयानेना।

1 तिसलूनिका 2:14

ने अजी बोपोहकूतिंग, हनन इया अपे हों ईसू मसी एचेरेकू बिसवासतेरा हँकुःआ एहूदिया छतररे भगवानराः कलसियारिकुःआ बिसवासी होड़कूरिकुःआ ञेल सिखात होड़कूपे बड़ाँवयना। हनालगा अपेरिकुःआ जइत सगा होड़कू, एहूदाकू हंडाकुःआ बिसवासी होड़कूकू एचे कटसियातेडकुःआ, हनन इया अपे होंकू एचे कटसियातेरा।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।