मूक चेलाकू 13:42 - Korwa Bible

⁴² हनते पउलूस अरू बरनाबास हना अरजी ओड़ाः अते सेन मेला, होड़कू हँकिन दरवाःआ हना लोड़ोनराः दिनरे नाःआ कता अरूकिन परसार उदुःगे लगाकू कतातेरा।

मूक चेलाकू 13:42 ပူးပေါင်းရင်းမြစ်များ

मती ओजाःतेरा भगवानराः नपाय सरवन 11:21

“ने कोरेसीन सहररिकुःआ होड़कू, अरू ने बेतसइदा सहररिकुःआ होड़कू, अपे दोपे ठीकयना, अपेराः जीव नपाय ओरो दोहोनेना। अपे तलारे भगवान बुतातेरा हना जंगरराः बुता, सूर अरू सइदा सहररिकुःआ होड़कू तलारे होयाःकुः दो, हँकू ओहेन बोराराः सोनहेकू तुसिंगकेःआ अरू ओबरे दुड़ुःकियानखन कसूर अते जीवकू कुदाकेःआ।

मती ओजाःतेरा भगवानराः नपाय सरवन 19:30

मनदो मड़ंगरे इदानकुःआ, हँकुःआ होड़कू अते मुरुक बगरा होड़कू तयोम जुवाःता अरू तयोमरे इदानकुःआ, हँकुःआ होड़कू अते मुरुक बगरा होड़कू मड़ंग जुवाःताकू।”

मती ओजाःतेरा भगवानराः नपाय सरवन 9:18

नाःआ कता ईसू बनाड़रा बड़रा मेला मी होड़ अरजी ओड़ाःरीग हातपात होड़ हंडाय वेजेडा। हाँय ईसू काटतरे उकुड़ोमवाडखने कतातेड, “ईंगरीग बिटींग नुँनुँहूय गोएगयना। मनदो आम वेगकियानखन हाँय चोटरे तिःईम मंडाव दो हाँय जियाव जुवाःताय।”

मूक चेलाकू 10:33

हनालगा ईंग आम एचेरे होड़कू ओहेनिंग वारतेडकुःआ अरू आम नंडाम वेगकिया दो ननपाय इदा। दो भगवान आम एचेरे अलेय कता उदुःवा लगा तोनोंगाःआय कतातेरा दो हना अयूमगे लगा नुँहू अले जमाकू भगवान मड़ंगरे इदानलेःआ।”

मूक चेलाकू 13:14

हनते हँकिन पिरगा अते पिसिदिया छतरराः अंतकिया सहररेकिन सोदोरनेना अरू लोड़ोनराः दिनरे एहूदाकूराः अरजी ओड़ाःरेकिन सेनेडा अरू हंडाकिन दुड़ुःयान।

मूक चेलाकू 28:28

हनालगा अपे सुदीयापे, भगवान होड़कूय सडावता हना नपाय सरवन नुँहू बेगर एहूदाकू लगा हों इदा अरू हना हँकू बिसवासगेता।”