मूक चेलाकू 13:31 - Korwa Bible

³¹ अरू हाँय सुदा गलील छतर अते, एरुसलेम सहर वरीकू वेजेडा हँकुःआ होड़कू एचेरेय, एचे ञेलयान। दो नुँहू हँकुःआ होड़कू, अबूरिकुःआ होड़कू एचेरे हाँयरिकुःआ हिदइतदार इदानकुःआ।

मूक चेलाकू 13:31 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:16

हनते ईसूरिकुःआ गारहो मूक चेलाकू गलील छतरराः मीटोंग पहाड़ अगी तोराकू। हनानाः पहाड़रेकू सेन लगा हँकू एचेरे ईसू मड़ंगरेय कतातेरा।

लूका 24:48

नाःआ जमा कताराः हिदइतदारकू अँननपे हवे।

एहुना 15:27

अपे ईंग सुदा ईंगराः सेवा बुँहड़ी वरीतेपे दोहोना। हनालगा अपे हों ईंग बदीरे हिदइतपे कता उदुः।

मूक चेलाकू 1:11

अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

मूक चेलाकू 1:22

एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”

मूक चेलाकू 1:3

ईसू कटसिया सहावतेडखन कुरूसरेय गोएगनेन तयोमरे हाँय जीयत इदानिया, माःआन मुरुक सताय चिनहाकून हँकुःआ होड़कू एचेरे चालीस दिन वरीय एचे उदुःतेरा अरू भगवानराः राइज बदीरेय कता उदुःतेरा।

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

मूक चेलाकू 10:39

एहूदिया छतररे अरू एरुसलेम सहररे हाँय एचेकेरा हना जमाकूनराः हिदइतदारकू इदानलेःआ। हँकुःआ होड़कू हाँय कुरूसरेकू ठोंकाव गोएगगोतेडीग।

मूक चेलाकू 10:41

हाँय जमा होड़कू एचेरे मेरेय एचे ञेलगान मनदो भगवान सुनावतेडकुःआ हँकुःआ हिदइतियाकू एचेरेय एचे ञेलयान। हाँय जियाव रेमकिया हना तयोमते हाँय सुदाकू जोम-ञूया, हँनकुःआ होड़कू एचेरेय एचे ञेलयान।

मूक चेलाकू 2:32

भगवान ननाँय ईसू गोएगतो होड़कू अतेय जियाव रेमकिरिया अरू अले जमाकू नाःआ सताय कताराः हिदइतदारकू इदानलेःआ।

मूक चेलाकू 3:15

अपे जीव तुलादार ईसूपे एचे ञेड गोएग एंडातिरिया। मनदो भगवान हाँय गोएगतो होड़कू अतेय जियाव रेमकिरिया। अले नाःआ कताराः हिदइतदारकू इदानलेःआ।

मूक चेलाकू 5:32

नाःआ कताकूनराः हिदइतदार अले अरू भगवानकू मनावता हँकुःआ होड़कू लगा भगवान एमेयता हाँयग सुद बिरुवा हों इदा।”