मूक चेलाकू 13:26 - Korwa Bible

²⁶ ने ईंगरिकुःआ वपक बोपोहकूतिंग, इबराहीमरिकुःआ नइड़-बाँस होड़कू अरू भगवानपे मान मरजइतता हँकुःआ जमा बेगर एहूदाकू, सडावबू लगा अबू एचेरे नाःआ सरवन भगवान वारकेरा।

मूक चेलाकू 13:26 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:6

मनदो अपे इसराएल जइतरिकुःआ केड़ेत भेड़ाकू इया इदानकुःआ हँकुःआ होड़कू एचेरेपे सेन।

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

लूका 1:69

हाँय अबू सडाव लगा मी होड़ जंगरदार होड़े वारकिरिया, अनँयग सेवकिया होड़ दाऊद राजाराः गोतोर अते मी होड़ होड़े वारकिरिया।

लूका 1:77

आम होड़कूम कता उदुःवाता, भगवान होड़कूराः कसूर बराव एंडाकेडखने सडावकूता।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

एहुना 6:68

दो सिमोन पतरस कता कुदातेरा, “ने परबू, अले इये एचेरेले सेन? ओरो टुटीगनेना हना जीवराः सरवन दो अनम एचेरे इदा।

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

मूक चेलाकू 10:35

मनदो जमा जइत होड़कू अते भगवानकू मान मरजइतता अरू सताय बुताकूनकू एचेयता हँकुःआ होड़कूय मनेवाता।

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मूक चेलाकू 16:17

हाँयग धंगड़ी पउलूस अरू एटाः एटाः होड़कू तयोम अगी वेगवाडखन खिररी घड़ीने कताया, नँकुःआ होड़कू भाबी भगवानरिकुःआ होड़कू हवे। होड़कू अँकूराः कसूर दूर अड़ाःकेडखन सडाव जुवाःराः दूरकू उदुःतना, माःआन।

मूक चेलाकू 22:5

हनालगा नाःआ कता मूक पुजउरी अरू मरंग पंचाइतरिकुःआ होड़कू होंकू सुसुदीतना। ईंग हँकुःआ होड़कू अते दिमसकूसरिकुःआ एहूदाकू एचेरे चिठी गोःतेडखन हंडाकुःआ बिसवासी होड़कू एचे तोल अगूतेडकूखन एरुसलेमरे डंडियावकू लगायिंग सेनेडा।

मूक चेलाकू 28:28

हनालगा अपे सुदीयापे, भगवान होड़कूय सडावता हना नपाय सरवन नुँहू बेगर एहूदाकू लगा हों इदा अरू हना हँकू बिसवासगेता।”

मूक चेलाकू 3:26

भगवान आँयग बेटात ईसू गोएगतो होड़कू अतेय जियाव रेमकिरिया अरू हाँय अपे अँननपेराः कसूर अते जीव एचे कुदाकेडखन अपेराः जीव ननपायगे लगाय वारतिरिया।”

मूक चेलाकू 4:12

नाःआ चउंदीसरे होड़कू सडाः लगा अरू एटाः ञाव कोनोवानेःआ अरू अबू सडाव अवे लगा हाँय अड़ाःकेडखन तोनोंगीग एटाः होड़ कोवाया।”

मूक चेलाकू 5:20

हँकू एचेरेय कतातेरा, “दूपे, अपे भगवान ओड़ाःरेपे सेन अरू हंडा चड़ाँकियानखन नाःआ नँवा जीवराः कताकून जमा होड़कू एचेरेपे कता उदुःगे।”

रूमी 1:16

ईसूराः नपाय सरवनरेकू बिसवासगेता, हँकुःआ होड़कू सडाः लगा भगवानराः जंगर हना सरवनरे इदा। मड़ंगरे हाँय एहूदाकू अरू तयोमरे बेगर एहूदाकू होंय सडावता। हनालगा नाःआ नपाय सरवन कता उदुः लगा मेरिंग गियुःतना।

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।