मूक चेलाकू 13:14 - Korwa Bible

¹⁴ हनते हँकिन पिरगा अते पिसिदिया छतरराः अंतकिया सहररेकिन सोदोरनेना अरू लोड़ोनराः दिनरे एहूदाकूराः अरजी ओड़ाःरेकिन सेनेडा अरू हंडाकिन दुड़ुःयान।

मूक चेलाकू 13:14 ပူးပေါင်းရင်းမြစ်များ

लूका 4:16

ईसूकू असूल हरातेरा हनानाः नसरत गाँवरे हाँय वेगनेना। दो ईसू एहूदाकूराः रिवाज इया लोड़ोनराः दिनरे अरजी ओड़ाःरे सेनेडखन भगवानराः कागद अते बछाव उदुःगे लगाय चड़ाँनेना।

मूक चेलाकू 13:42

हनते पउलूस अरू बरनाबास हना अरजी ओड़ाः अते सेन मेला, होड़कू हँकिन दरवाःआ हना लोड़ोनराः दिनरे नाःआ कता अरूकिन परसार उदुःगे लगाकू कतातेरा।

मूक चेलाकू 13:44

दो एटाःआ लोड़ोनराः दिनरे बरोबइर हना सहररिकुःआ जमा होड़कू परबूराः सरवन पउलूस अरू बरनाबास अते अअयूम लगाकू वेजेडा।

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मूक चेलाकू 13:5

हँकिन सइपरास डुगुराः सलामीस सहररेकिन सोदोरनेन दो हँकिन हंडाःआ अरजी ओड़ाःरिकुःआ एहूदाकू एचेरे भगवानराः सरवनकिन परसार उदुःतेरा। एहुना हँकिन सुदा संघरा होड़ इयाय दोहोना।

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 16:13

दो एटाः लोड़ोनराः दिनरे अले हना सहरराः हता दुवार बहरी नई अगीले सेनेडा। अले ओंगोलतेरा, नंडा अरजीगे लगा होड़कू जुमावता, माःआन। अले हंडाले दुड़ुःनेन अरू जुमावतो अइमीकू सुदाले बुतुड़ुःआ।

मूक चेलाकू 17:2

पउलूस मड़ंगरेय एचेतेरा हनन इया पेय हपता वरी लोड़ोनराः दिनरे एहूदाकू सुदा भगवानराः नियमकूनते हँकूय चेडगोड ञवना।

मूक चेलाकू 18:4

जनामा लोड़ोनराः दिनरे पउलूस अरजी ओड़ाःरे सेनेवाडखन एहूदाकू अरू बेगर एहूदाकू सुदाय कता होड़ेंगा अरू हँकू एचे बिसवासकू लगाय कुरनिसगेःआ।

मूक चेलाकू 19:8

हनते पउलूस पेय महिना वरी हना सहररे एहूदाकूराः अरजी ओड़ाःरे घड़ी घड़ी सेनेडखन बेगर बोतोरतेय कताया अरू भगवानराः राइज बदीरेय कतागोड ञवना।

मूक चेलाकू 9:20

हनते साहूल तोनोंग दिन दिमसकूसरिकुःआ चेलाकू सुदाय दोहोना।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।