मूक चेलाकू 12:6 - Korwa Bible

⁶ पतरस एचे फड़ियाव लगा हरदोस ओंगलेःआ हना रइत पतरस बारटोंग सिकिड़ीते तोलतो बार होड़ सइनाकिन तलारेय अपीगा अरू एटाः अगुरा होड़कू जेहेल दुवाररे अगुरागे लगाकू दोहोना।

मूक चेलाकू 12:6 ပူးပေါင်းရင်းမြစ်များ

मती ओजाःतेरा भगवानराः नपाय सरवन 28:4

हंडा अगुरा लगाकू दोहोना हँकुःआ अगुरादारकू बोर घड़ीनकू एकलाःआ अरू गोएगतो होड़कू इयाकू होयायान।

मूक चेलाकू 12:5

दो पतरस जेहेलरे सींगतोय दोहोना हनमेला कलसियारिकुःआ होड़कू भगवान एचेरे हाँय लगा अरजी घड़ीनकू असेःआ।

मूक चेलाकू 21:33

हाँयग हातपात होड़ वेगवाडखन पउलूसे साबतेरा अरू हाँय बारटोंग सिकिड़ीते तोलेय लगाय हुकुमतेरा। हनते हाँय होड़कू एचेरेय होंबोरतेरा, “नाँय इये हवे अरू नाँय चिलाय एचेकेरा?”

मूक चेलाकू 28:20

हनालगा ईंग अपे सुदा जुमाः लगा अरू बुतुड़ु लगायिंग राःकेडपेःआ। इसराएल होड़कू मसी लगाकू असरागोड ञवनतना, अरू हाँय एचेरेयिंग बिसवासकेड अते नुँहू ईंग तोलतो इया इदानिंगा।”

मूक चेलाकू 5:23

“अले जेहेलराः दुवारकून सींगतो अरू अगुरा होड़कू दुवाररे चड़ाँतले ञेलतेडकुःआ, मनदो अले दुवारकूनले गीगतेड दो हंडा तोनोंगीग मेरकू दोहोगान।”

इपीसी 6:20

ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

इबरानी 13:6

दो अबू बेगर बोरतेबू कतायता, “परबू ईंगे संघरावाता, हनालगा ईंग ओरोयिंग बोरोनेना, होड़कू ईंग सुदा चिलाकू एचे अवेता?”