मूक चेलाकू 12:3 - Korwa Bible

³ नाःआ कता एहूदाकू लगा मंजूरयान हना हरदोस सुदीगोतेड दो हाँय पतरस होंय एचे साबतेरा। पसहा परोब अरू रुटीराः परोब मेलारे नाःआ कता होयानेना।

मूक चेलाकू 12:3 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:17

रुटीराः परोबराः मड़ंग दिन ईसूरिकुःआ चेलाकू ईसू एचेरेकू होंबोरतेरा, “ने गुरुजी, पसहा परोबराः रुटी जोम लगा अले करे सेनेकियानखन आम लगाले सरबहा हताड़गे?”

एहुना 12:43

नाःआ इया हँकू भगवानराः मान मरजइत अते होड़कूराः मान मरजइतकू मनेवातेरा।

एहुना 19:11

दो ईसू कता कुदातेरा, “भगवान आम हातपात मेरेय ओवाकेःमे दो ईंग एचेरे आमराः कही हातपात ओरो होयाकुःआ। हनालगा आम एचेरे ईंगे जिमाकेरा, हाँयग होड़राः कसूर मुरुक बगरा इदा।”

एहुना 21:18

आम ईंगमे अयूम! आम डिंघाम दोहोन मेला अनम सपड़ावकियानखन आम चहाःआ हनन अगीम सेना। मनदो आम डोकरान दो आम तिःईम लंबावता अरू तोनोंगीग एटाः होड़ आम सपड़ावकेडमेखन आम सेन लगा मेरेम चहाःता हना अगी आमकू गोःयामता।”

मूक चेलाकू 12:4

पतरसकू साबतिरिगखन तयोमरे हरदोस हाँय जेहेलरेय एचे सींगगोतेडीग। हाँय अगुरागे लगा चइर चइर होड़कू दोहोनता हँकुःआ चइरगोटोंग गउदाकू एचेरेय जिमातेरा। पसहा परोब तयोमरे जमा होड़कू मड़ंगरे पतरस फड़ियावगे लगा हरदोस ओंगलेःआ।

मूक चेलाकू 2:14

हनते पतरस ईसूरिकुःआ गारहगोटोंग मूक चेलाकू सुदा चड़ाँनेनखन हुमइसके जमा होड़कू एचेरेय परसार उदुःतेरा, “एहूदाकू अरू एरुसलेम सहररेपे दोहोनता अपे जमा होड़कू, तिंगीड घड़ीन ईंग बड़रापे अयूम अरू सतायपे सुदी।

मूक चेलाकू 20:6

मनदो अले रुटीराः परोब तयोमरे पिलिपी अते जहाजरेले सेनेडा अरू पाँच दिन तयोमरे हँकुःआ होड़कू सुदा तरोवास सहररेले जुमावनेना अरू हंडा सात दिनले दोहोना।

मूक चेलाकू 24:27

दो बार बरिस होयानेन तयोमरे पुरकियूस पिसतूस, पेलिकसराः बदलारे मरंग हातपात होड़े बड़ाँवयान। मनदो पेलिकस एहूदाकू एचे बहालकू लगा पउलूस तोलतो इयाय दोहो ओवातिरिया।

मूक चेलाकू 25:9

पिसतूस एहूदा मूक होड़कू एचे बहालकू लगा पउलूस एचेरेय कतातेरा, “आम बदीरे जाः बड़रा इदा हना ईंग फड़ियावगे लगा एरुसलेमरे सेन लगाम चहाःतना जा?”

मूक चेलाकू 4:13

दो हँकुःआ होड़कू पतरस अरू एहुनाराः डीड़कू ञेलतेरा अरू मुरुककू बयावयान। हँकू सुदीबाःगोतेड, नँकिन नियम बदीरे अलीगवार इदानकिना अरू ईसू सुदाकिन दोहोना, माःआन।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

1 तिसलूनिका 2:4

मनदो भगवान लुंबाड़ दोहोकेडकूखन नपाय सरवन कता उदुःगे लगाय जिमावाडकुःआ हँकुःआ होड़कू इयाले कतातेरा। हनालगा होड़कू एचे ननायकू लगा कोवान, मनदो अबूराः ओंगोले जासता हाँयग भगवान ननायगेय लगाले कतायतना।