मूक चेलाकू 12:19 - Korwa Bible

¹⁹ दो हरदोस राजा पतरस मुरुक अता पताय लगावतिरिया मनदो हाँय मेरेय ञामगडीग। हनालगा हाँय हँकुःआ अगुरा होड़कू जासतेडखन एचे ञेड एंडाकू लगाय हुकुमतेरा। हनते हरदोस राजा एहूदिया छतर अते कइसरिया सहर अगी सेनेडखन तोनोंग दिन वरी हंडाय दोहोना।

मूक चेलाकू 12:19 ပူးပေါင်းရင်းမြစ်များ

मती ओजाःतेरा भगवानराः नपाय सरवन 2:1

हरदोस, राजाय दोहोन मेला, एहूदिया छतरराः बेतलहेम सहररे ईसू जनमावनेना। दो तोनोंग दिन तयोमरे एहूदिया छतरराः पुरुब होराः देस अते एरुसलेम सहररे तोनोंग तोनोंग कनहूनदारकू सेनेडा।

मती ओजाःतेरा भगवानराः नपाय सरवन 2:13

हँकुःआ कनहूनदारकू कुदायान, हना तयोमरे परबू भगवानरीग बराहील सपनारे उसूप एचेरे सेनेडखने कताया, “रिमुःमे, लँइग अरू एंगात गोःकेडखन मिसिरी देस अगीम ञीर। हरदोस राजा लँइग ञेड गोजेय लगाय ओंगलेतना। हनालगा ईंग आम एचेरेयिंग कतायता हना बेला वरी हंडाम दोहोन।”

मती ओजाःतेरा भगवानराः नपाय सरवन 2:16

तयोमरे हरदोस राजा सुदीगोतेडे, “हँकुःआ कनहूनदार होड़कू ईंगकू अडिगकेरा।” दो हरदोस राजा मुरुके रीसनेन अरू हाँय आँयगरिकुःआ होड़कू बेतलेहेमरेय वारगोतेडकू। हाँय कनहूनदारकू अतेय सुदीतेरा हना बेला इया बेतलहेम सहररिकुःआ बार बरिस अते हुडिंग हुडिंग जमा हेरेल होनकूय एचे ञेड एंडा गोतेडकू।

मूक चेलाकू 12:18

निंदावा पतरसकू अगुरातेरा हँकुःआ होड़कू हाँयके करेगयना माःआनकू ओंगलेःआ अरूकू बोरोयान।

मूक चेलाकू 12:4

पतरसकू साबतिरिगखन तयोमरे हरदोस हाँय जेहेलरेय एचे सींगगोतेडीग। हाँय अगुरागे लगा चइर चइर होड़कू दोहोनता हँकुःआ चइरगोटोंग गउदाकू एचेरेय जिमातेरा। पसहा परोब तयोमरे जमा होड़कू मड़ंगरे पतरस फड़ियावगे लगा हरदोस ओंगलेःआ।

मूक चेलाकू 12:6

पतरस एचे फड़ियाव लगा हरदोस ओंगलेःआ हना रइत पतरस बारटोंग सिकिड़ीते तोलतो बार होड़ सइनाकिन तलारेय अपीगा अरू एटाः अगुरा होड़कू जेहेल दुवाररे अगुरागे लगाकू दोहोना।

मूक चेलाकू 16:27

दो जेहेलरीग अगुरा होड़ बेरेडनेनखन अरू जेहेलराः जमा दुवारकून गीगतोय ञेलतेरा दो हाँय ओंगोलतेरा, सींगतोकू दोहोना हँकुःआ होड़कू जमाकू ञीरयना। हनालगा हाँय आँयगराः तलवइरतेने उडुंगतेरा अरू अनँयग आँयग ञेड एंडान लगाय ओंगलेःआ।

मूक चेलाकू 21:8

एटाः दिन अले कइसरियाले सोदोरनेना अरू भगवानराः नपाय सरवन परसारीग होड़ पिलिपराः ओड़ाःरेले दोहोना। हाँय एरुसलेमरे ईसूरिकुःआ मूक चेलाकू संघरा एमेवा लगाय सुनावतेडकुःआ हँकुःआ सातगोटोंग सेवकियाकू अते मी होड़े दोहोना।

मूक चेलाकू 25:13

तोनोंग दिन तयोमरे अगरिपा राजा अरू आँयगरीग मेसेत बेरनिका पिसतूस सुदा जुमाः लगा कइसरियारेकिन वेजेडा।

मूक चेलाकू 27:42

दो सइना होड़कू तोलतोकू दोहोना हँकुःआ होड़कू अते तोनोंगीग अहा पउराव उडुंगकेडखन ञीरगुः अते हँकू ञेड एंडाकू लगा बुइदकू तुलातेरा।

मूक चेलाकू 8:40

मनदो भगवानराः सुद बिरुवा असदोद सहररे पिलिपे गोः सोदोरतिरिया अरू हाँय कइसरिया सहर अरीन सुदुरुः वरी जमा सहरकूनरे भगवानराः नपाय सरवन होड़कू एचेरे परसार उदुःवा घड़ीने सेना।