मूक चेलाकू 11:3 - Korwa Bible

³ हँकू कतातेड, “आम बेगर एहूदाकूराः ओड़ाःरे सेनेनखनमे जोमतेरा।”

मूक चेलाकू 11:3 ပူးပေါင်းရင်းမြစ်များ

मती ओजाःतेरा भगवानराः नपाय सरवन 9:11

दो फरीसी होड़कू नाःआ ञेलतेडखन ईसूरिकुःआ चेलाकू एचेरेकू होंबोरतेड, “अपेरीग गुरुजी चिला लगा मलगुजारी गोः होड़कू अरू एटाः कसूर होड़कू सुदाय जोमता?”

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

एहुना 18:28

हनते एहूदा होड़कूरिकुःआ मूक होड़कू ईसू कइपाराः ओड़ाः अते रूमी देसरीग हातपात होड़ पिलातूसराः गड़हीरे अंगुः बेलाकू गोःतिरिया। हँकू, छेप जुवाःताबू, माःआनते गड़हीरे मेरकू बोलोगान, जेमहा हँकू पसहा परोबकू मनाव अवेन।

मूक चेलाकू 10:23

दो पतरस हँकू आँयग सुदा हना रइत दोहोन लगा ओड़ाः पेंदारेय राः अदेरतेडकुःआ। एटाः दिन हाँय हँकू सुदाय सेनेडा अरू जोपा सहर अते तोनोंग तोनोंग बिसवासी होड़कू हों हाँय सुदाकू सेनेडा।

मूक चेलाकू 10:28

दो पतरस हँकू एचेरेय कतातेरा, “अपे नपायतेपे सुदीयतना अले एहूदाकू तोनोंगीग एटाः जइत सगा होड़ सुदा मेरले दोहोनता सहे हाँयग होड़राः ओड़ाःरे मेरले बोलता। मनदो ईंग तोनोंगीग होड़ सदाःआ अरू सुद कोवाया माःआन अलो कतावाय लगा भगवान ईंग एचेरेय एचे कताकेरा।

मूक चेलाकू 10:32

दो तोनोंगीग जोपा सहररे वारकेडखन होड़कू पतरस माःआनकू कतावायता, हाँयग सिमोनमे एचे राः अगू। हाँय सिमोन ञावीग चमार जइत होड़राः समुंदर धरीरे इदा हना ओड़ाःरेय दोहोनता, माःआन।

मूक चेलाकू 10:48

हँकुःआ होड़कू ईसू मसीराः ञावते बतिसमा एमे लगा पतरस हँकूय हुकुमवातेरा। हना तयोमरे हँकुःआ होड़कू पतरस अँकू सुदा तोनोंग दिन वरीय दोहोन लगाकू कतातेरा।

1 कुरिंती 5:11

मनदो ईंग अपे एचेरेयिंग कतायतना, बिसवासी होड़कू अते तोनोंगीग होड़ सनहा-सनही, सहे लुभिया होड़, सहे ककाड़ी होड़, सहे दारू बोः होड़, सहे अडिग होड़ इदानीग दो, हाँय सुदा अलोपे मेसान अरू अलोपे जोम-ञूया।

गलातिया 2:12

हाँयराः गारबार नाःआ दोहोना; एकूबरिकुःआ होड़कू हंडा अरीनकू वेग वरी बेगर एहूदा बिसवासी होड़कू सुदाय जोम-ञूया। मनदो हँकू वेजेड दो हाँय हँकू बोतोरते बेगर एहूदाकू सुदा जोम-ञूय लगाय अड़ाःगोतेड।

2 एहुना 1:10

अरू तोनोंगीग होड़ एटाः इया लबरा सरवने चेड उदुःवाकूता दो, हाँय आम ओड़ाःरे अलोम नेत-नेवारगेय अरू अलोम सलामगेय।