मूक चेलाकू 11:29 - Korwa Bible

²⁹ दो हंडाकुःआ चेलाकू अँननकूराः पुंजी पसारकून एहूदिया छतररिकुःआ बिसवासी होड़कू संघरावाकू लगाकू एमेतेरा।

मूक चेलाकू 11:29 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

एहुना 2:2

दो ईसू अरू आँयगरिकुःआ चेलाकू हों हना बियाहरे टिवाकू एमेवातेडकुःआ।

मूक चेलाकू 1:15

दो मी दिनरे अंदांज मी सव बीस बिसवासी होड़कू मिनीरेकू जुमावनेना। अरू हँकू तलारे पतरस चड़ाँनेन

मूक चेलाकू 11:1

ईसूरिकुःआ मूक चेलाकू अरू एहूदिया छतररिकुःआ जमा बिसवासी होड़कू अयूमकेरा बेगर एहूदाकू हों भगवानराः सरवन अयूमकेडखनकू मनेवाडा।

मूक चेलाकू 11:26

हाँय सुदाय जुमावनेन दो अंतकियारे साहूले अगूतेरा। हँकिन मी बरिस वरी हना कलसियारिकुःआ होड़कू सुदाकिन दोहोना, अरू मुरुक होड़कूकिन चेड ञवना। चेलाकू अंतकिया सहररे मड़ंग मसी होड़कू माःआनकू एचे कतानेना।

मूक चेलाकू 13:52

मनदो अंतकियारिकुःआ चेलाकू भगवानराः सुद बिरुवाते पेरेगतोकू दोहोना अरू हँकू मुरुक बहालतेकू दोहोना।

मूक चेलाकू 14:20

तयोमरे लिसितरारिकुःआ चेलाकू जुमावनेना अरू हाँयराः चइरो गतरकू चड़ाँनेन दो हाँय रेमनेनखन सहर अगीय कुदा सेनेडा। एटाः दिन पउलूस अरू बरनाबास दिरबे सहर अगी तोराकिन।

मूक चेलाकू 14:22

अरू बिसवासी होड़कू बिसवासरेकिन एचे बड़ियाड़तेडकुःआ अरू ईसू मसीरे भरसागोड ञवन लगाकिन कता बहालगोतेडकू। हँकिन कताया, अबू मुरुक कटसिया सहाव घड़ीन भगवानराः राइजरेबू बोल लगा इदा, माःआन।

मूक चेलाकू 24:17

मुरुक बरिस तयोमरे ईंगरिकुःआ गरीब एहूदाकू संघरावाकू लगा अरू भगवान बलिदान देगगे लगा एरुसलेमरेयिंग सेनेडा।

मूक चेलाकू 4:34

हँकुःआ होड़कू अते तोनोंगीग एचेरे हुडिंग बगरा मेर दोहोगान। ओड़ाः दोहोड़कून दोहोना हँकुःआ होड़कू हना जमाकूनकू अकिरिंगतेरा

मूक चेलाकू 6:1

दो हनानाः दिनरे बिसवासी होड़कू मुरुककू बगरागोड ञवना। दो उनानी भासीकू बड़राता हँकुःआ बिसवासी होड़कू इबरानी भासीकू बड़राता हँकुःआ बिसवासी होड़कू बदीरेकू कुरबुराःआ, सगर दिनराः जोजोम जिनिसकूनराः हटिंगरे अलेरिकुःआ रंडियाहीनकू लगा गुन लकनकू हटिंगवाकूतना, माःआन।

मूक चेलाकू 9:19

हना तयोमरे हाँय जोमा अरू हाँयराः जीव बड़ियाड़यान।

मूक चेलाकू 9:25

मनदो चेलाकू हाँय रइत मेला सहरराः हताराः बुचाःते मीटोंग दउड़ारे हाँयकू टुवांग लोजोरतेरा।

1 कुरिंती 13:5

सहे गियुः इया मेरेय सलाःता। हाँय अनँयग नफा लगा मेरेय ओंगलेता, सहे ओहेन मेरेय रिसुःता। हाँय एटाःकूराः गारबार, अनँयग जीवरे मेरेय ओंगोल दोहोयता।

गलातिया 2:10

हँकू अले एचेरे मिनीटोंग कताकू कतातेरा, अपे गरीब होड़कूपे संघरावाकू लगापे उहियारगोड ञवन। अरू नाःआ बुता जमा बेला एचेय लगा ईंग इनिंग सपड़ावतोयिंग दोहोना।