मूक चेलाकू 10:47 - Korwa Bible

⁴⁷ हनते पतरस कतातेड, “नँकुःआ होड़कू सुद बिरुवाकू पवावयान दो बतिसमा गोगोः अते तोनोंगीग नँकू रोंकाव अवेकूताय जा? नँकू अबू इया सुद बिरुवाकू पवावकिया।”

मूक चेलाकू 10:47 ပူးပေါင်းရင်းမြစ်များ

मूक चेलाकू 10:44

दो पतरस पनरसारगे मेला, भगवानराः सरवनकू अअयूमा हँकुःआ जमा होड़कू सुद बिरुवातेकू पेरेगयान।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

मूक चेलाकू 8:12

मनदो पिलिप भगवानराः राइजराः नपाय सरवन अरू ईसू मसीराः ञाव बदीरेय परसारतेरा दो हँकुःआ जमा होड़कू, मरदकू अरू अइमीकू, हाँयराः कता बिसवासकेडखन बतिसमाकू गोःतेरा।

मूक चेलाकू 8:36

दो हँकिन सेनेन सेन दूररे हना संडक कुटीरे दाः दोहोना। दो हाँयग मरंग हातपात होड़ कतातेरा, “ञेलमे नंडा दाः इदा। ईंग बतिसमा एमे अते तोनोंग टटी-बेड़ा इदा जा?”

रूमी 10:12

भगवानराः ओंगोलरे एहूदाकू अरू बेगर एहूदाकू जमाकू मिनी इदानकुःआ, अरू तोनोंगीग एटाः कोवाकुःआ। जमाकू लगा मिनीटोंग परबू इदानिया अरू हाँय एचेरेकू अरजीता, हँकुःआ होड़कू मिनी जीवकियानखने सडावकूता।

रूमी 4:11

इबराहीम खतनानते मनाड़ंग भगवान एचेरेय बिसवासतेरा। हनालगा हाँय भगवानराः ओंगोलरे बेगर गारबार होड़े बड़ाँवनेना अरू अनँयगराः देहरे मीटोंग चिनहा इयाय खतनानेना। बेगर खतनाते हों भगवान एचेरेकू बिसवासकेडखन भगवानराः ओंगोलरे बेगर गारबार होड़कूकू बड़ाँःता हँकुःआ होड़कूरीग खुटिपरिया होड़ इबराहीम बड़ाँवकिया।