मूक चेलाकू 1:24 - Korwa Bible

²⁴ हनते हँकू अरजीतेड, “परबू, आम जमा होड़कूराः इंदीरीम सुदीतना। जूदा गोएगनेनखन डंडियावराः ततेर हाँय लगा भगवान दोहोवातेरा हना ततेर अगी हाँयराः बिरुवा तोराःआ।

मूक चेलाकू 1:24 ပူးပေါင်းရင်းမြစ်များ

लूका 16:15

दो ईसू हँकू एचेरेय कताया, “अपे एटाः होड़कू मड़ंगरे नपाय होड़कू इयापे एचे अडिगतना। मनदो भगवान अपेराः जीव जमाय सुदीतना। होड़कू मरंगकू ओंगलेता हना जिनिस भगवान मरंग मेरेय ओंगलेता।

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

मूक चेलाकू 14:23

पउलूस अरू बरनाबास मेमेडटोंग कलसिया लगा अगुवा होड़कूकिन सुनावतेरा अरू उपास अरू अरजी घड़ीन हँकिन हँकुःआ होड़कू बिसवासतेरा हाँयग परबू एचेरेकिन जिमागोतेडकू।

मूक चेलाकू 15:8

जमा होड़कूराः इंदरीय सुदीता हाँयग भगवान, अबूय सुनावकेरा अरू हँकुःआ होड़कू लगा आँयग सुद बिरुवा एमेतेडखने उदुःतेरा, ईंग अपे होयिंग सुनावकेडपेःआ, माःआन।

मूक चेलाकू 6:6

एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।

रूमी 8:27

सुद बिरुवा भगवानराः ओंगोल इया बिसवासी होड़कू लगाय अरजीता। भगवान जमाकूराः ओंगोले सुदीयता, अरू हाँय सुद बिरुवाराः ओंगोल होंय सुदीयता।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।