मूक चेलाकू 1:16 - Korwa Bible

¹⁶ अरूय कतातेड, “ईंग अजी बोपोहकूतिंग, मड़ंगरे भगवानराः सुद बिरुवाते दाऊद राजा जूदा बदीरेय कतातेरा हना कता पुराः दोहोना। हाँयग जूदा, ईसू साब लगाकू वेजेडा हँकुःआ होड़कूय अगुवाइतेडकुःआ।

मूक चेलाकू 1:16 ပူးပေါင်းရင်းမြစ်များ

मती ओजाःतेरा भगवानराः नपाय सरवन 26:14

हनते ईसूरिकुःआ बारहगोटोंग मूक चेलाकूतेन अते मी होड़ जूदा इसकरियोती मरंग पुजउरीकू एचेरेय सेनेडा।

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मती ओजाःतेरा भगवानराः नपाय सरवन 26:54

मनदो भगवानराः कागदरे ओजाःतो इदा हना नाःआ इया पुराः लगा इदा।”

मती ओजाःतेरा भगवानराः नपाय सरवन 26:56

मनदो नाःआ जमाकून भगवानराः बड़रा कता होड़कू ओजाःतेरा हना कता पुराः लगा होयाकिया।” हनते जमा मूक चेलाकूतेन ईसू अड़ाःतिरिगखनकू ञीरयान।

मरकूस 12:36

दो दाऊद अनँयग आँयग सुद बिरुवाते पेरेगनेनखने कतातेरा, भगवान ईंगरीग परबू एचेरेय कतातेरा, ईंग आमरिकुःआ मुदइ होड़कू हरुवावकेडकूखन आमराः काट चोडुः लगा अरीनिंग तुलाकू वरी ईंगराः खउना तिःई गतर दुडुःकियानखन आम ईंग सुदाम राइजकू।

मरकूस 14:43

ईसू कनताय कताय मेला बारहगोटोंग मूक चेलाकू अते मी होड़े दोहोना, हाँयग जूदा वेगनेना। मरंग पुजउरीकू अरू नियम चेडदार होड़कू अरू इसराएलरिकुःआ मूक होड़कू हों आँयग सुदा मुरुक बगरा होड़कूय अगू सोदोरतेरा। हँकुःआ होड़कू तलवइरकून अरू हापकून साबतेडखनकू वेजेडा।

लूका 22:47

ईसू चेलाकू सुदा बुनुतुड़ुःआय मेला मुरुक बगरा होड़कू हंडाकू जुमावयान। दो बारहगोटोंग चेलाकूतेनरे जूदा ञावीग चेला हँकुःआ होड़कू मड़ंग मड़ंगे वेगनेना। अरू हाँय ईसू अंजोडतिरिगखने सलामतिरिया।

एहुना 10:35

अरू भगवानराः कागदराः कता, लबरा ओरो होयानेना। भगवानराः सरवनकू मनेवातेरा हँकुःआ होड़कू भगवानकू माःआने कतावातेडकुःआ,

एहुना 13:18

ईंग सुनावकेडकुःआ, हँकूयिंग सुसुदीतना। नुँहू अपे जमाकू बदीरे मेरिंग कतायतना, मनदो भगवानराः कागदरे ओजाःतो इदा हना कता होनोयाः लगा इदा। ईंग सुदाय जोमा हाँयग होड़, ईंगरीग मुदइ होड़े बड़ाँवनेना।

एहुना 17:12

ईंग हँकू सुदा चउंदीसरेयिंग दोहोन मेला आमराः ञावराः जंगरते हँकूयिंग बनसाव हड़ाःकुःआ। लायगुः लगा भगवान दोहोतिरिया हनाँयग चेला एकला भगवानराः कागदरे ओजाःतो इयाय लायगुःता।

एहुना 19:36

भगवानराः कागदरे ओजाःतो इदा हनन इया होनोयाः लगा नाःआ होयानेना। हाँयराः तोनोंगाः जांग ओरोकू टोटाःतेरा,

मूक चेलाकू 1:20

दो पतरस अरूय कतातेड, “सेरेंगकून कागदरे नाःआ इया ओजाःतो इदा, हाँयरिकुःआ जमाकू नरी नठी एंडा जुवाःकू, अरू हँकू तोनोंगीग हना ओड़ाःरे अहाकू दोहोन। अरू तोनोंगीग हाँय बदला हाँयराः मूक बुताय गोःगे

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

मूक चेलाकू 13:38

हनालगा ईंगरिकुःआ अजी बोपोहकूतिंग, नाःआ कता अपे सुदीगे लगायिंग चहाःतना। नाःआ नपाय सरवनलिंग परसार उदुःगेतना, नाँयग होड़ ईसूते अपेराः कसूर भगवान बराव एंडागेता,

मूक चेलाकू 15:13

हँकिन बड़रा उरियावनेन दो एकूब कतातेरा, “ने वपक बोपोहकूतिंग, ईंगपे अयूम!

मूक चेलाकू 15:7

हँकू मुरुककू कता होड़ेंगा अरू हना तयोमरे पतरस हँकू तलारे चड़ाँनेनखने कताया, “ने वपक बोपोहकूतिंग, अपे नाःआ कतापे सुसुदीतना। तोनोंग बरिस मड़ंगरे बेगर एहूदाकू ईंगते भगवानराः नपाय सरवन अयूमकेडखन बिसवासगे लगा अपे अते भगवान ईंगे सुनावकेरा।

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

मूक चेलाकू 2:37

नाःआ बड़राकू अयुमेःआ दो हँकुःआ होड़कूराः जीव कोड़-बिड़ावनेनखन पतरस अरू एटाः मूक चेलाकू एचेरेकू कतातेड, “वपक बोपोहकूताले, अले करा इयाले करजुः?”

मूक चेलाकू 22:1

“ईंग वपक बोपोहकूतिंग अरू ईंग अपांग इया इदानपेःआ होड़कू, अपे ईंग कतायता हना कतापे अयूम।”

मूक चेलाकू 23:1

एहूदाकूराः मरंग पंचाइतरिकुःआ होड़कू एचेरे पउलूस तिंगीड घड़ीन ञेलतेडखने कताया, “ईंगरिकुःआ वपक बोपोहकूतिंग, नुँहू वरी ईंग भगवानराः मड़ंगरे नपाय इंदरीते हाँयराः सेवायिंग सेवाकेरा।”

मूक चेलाकू 23:6

दो पउलूस सुदीगोतेड हँकुःआ होड़कू अते अदोम होड़कू सदूकी होड़कू अरू अदोम होड़कू फरीसी होड़कू हवे माःआन अरू हाँय हुमइसके कताया, “ईंग वपक बोपोहकूतिंग, ईंग इनिंग फरीसी होड़ इदानिंगा, अरू मी होड़ फरीसी होड़रीग बेटात हवे। ईंग असरागेतना गोएग गुराः तयोमरे होड़कू जियाव रिमुःता अरू हना असरा बदीरे फड़ियाव लगा नंडा ईंगकू एचे चड़ाँतिरिंगा।”

मूक चेलाकू 28:17

पेय दिन तयोमरे पउलूस रूमी सहररिकुःआ एहूदाकूरिकुःआ मूक होड़कूय एचे राः जुमावतेडकुःआ। दो हँकू जुमावनेन दो हाँय हँकू एचेरेय कतातेरा, “ने वपक बोपोहकूतिंग, ईंग अबूरिकुःआ होड़कू बदीरे अरू अबूरिकुःआ खुटिपरिया होड़कूराः रिती-बिधी बदीरे तोनोंगाः गारबार मेरिंग एचेगरा। हनारे हों हँकू एरुसलेमरे ईंगकू साबतेडखन रूमी देसरिकुःआ होड़कू एचेरेकू जिमागोतेडिंगा।

मूक चेलाकू 28:25

हँकू अँननकू अँकू अड़ा-चउकीयान अरू अदोमकू सेन लगाकू सपड़ाःआ दो पउलूस नाःआ इयाय कतातेड, “भगवानराः बड़रा कता होड़ एसयाहते सुद बिरुवा अपेरिकुःआ खुटिपरिया होड़कू एचेरे नाःआ कता सनाताए कतातेरा,

मूक चेलाकू 7:2

दो इसतपनूस कतातेड, “ईंगरिकुःआ वपक बोपोहकूतिंग अरू इसराएल होड़कूराः मरंग पंचाइतरिकुःआ होड़कू, अपे ईंगपे अयूम। अबूरीग खुटिपरिया होड़ इबराहीम मेसोपोटोमिया देसरेय दोहोन मेला भगवान हाँय एचेरे दरसननेनखने कतातेरा,

1 पतरस 1:11

मसीराः सुद बिरुवाते हँकुःआ होड़कू, मसी करा उड़ी कटसियाय सहावता अरू हना तयोमरे भगवान हाँय करा उड़ीय मान मरजइतगेयता, हना बदीरे मड़ंगरेकू कता उदुःतेरा। हनालगा भगवानराः बड़रा कता होड़कू, नाःआ जमाकून करा इया होयाःता अरू तुमिस होयाःता, हना सुदीगे लगा मुरुककू कुरनिस सोतेडा।

2 पतरस 1:21

भगवानराः बड़रा कता होड़कू अँननकूराः हिछा इया सहे एटाः होड़कूराः ओंगोल इया कता उदुःगे लगा कहियो मेरकू ओंगोलगाड। मनदो सुद बिरुवाराः अगुवाइते भगवान अगीतेकू कता उदुःतेरा।

2 पतरस 2:21

हँकू भगवानराः सताय अरू बेगर गारबारतेःआ दूर सुदीकेडखन सुद जीव जियाःराः हुकुमकू आड-बेकारवा अते, हँकू हनानाः दूर कहियो अहाकू सुदीकेः दो, हँकू लगा अरू नपाय दोहोकुःआ।