मूक चेलाकू 1:11 - Korwa Bible

¹¹ अरू हँकिन कतातेड, “ने गलीलरिकुःआ होड़कू, अपे नंडा चड़ाँकियानखन चिला लगापे संगीलगेतना? अपे अते सेरमो देस अगी भगवान गोःयडिया हनाँयग ईसू करा इया तोराया हनन इयाय कुदा वेगता।”

मूक चेलाकू 1:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 16:27

मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।

मती ओजाःतेरा भगवानराः नपाय सरवन 16:28

अपे ईंगपे अयूम! नंडा चड़ाँत इदानकुःआ नँकुःआ होड़कू अते अदोम होड़कू, मनुवारीग बेटातराः राइज बुँहड़ीत अरीनकू ञेल वरी ओरोकू गोएगनेना।”

मती ओजाःतेरा भगवानराः नपाय सरवन 24:30

हनते मनुवारीग बेटातराः चिनहा सेरमोरे होयाःता। अरू चउंदीसरिकुःआ जमा जइत होड़कू फिकीर घड़ीनकू इयामता। अरू हनमेला हँकू मनुवारीग बेटात मुरुक जंगर अरू विड़चेड़तो मरसल इया बदरीरे वेगतोकू ञेलेयता।

मती ओजाःतेरा भगवानराः नपाय सरवन 25:31

“मनुवारीग बेटात मरंग राजा इया सेरमो देसरिकुःआ बराहीलकू सुदाय वेगता हनमेला, हाँय अनँयगराः गदीरे भगवानराः हातपाततेय दुडुःता।

मरकूस 13:26

हनमेला जमा होड़कू मनुवारीग बेटात, मुरुक जंगर अरू मरसलते बदरीरेय वेगतोकू ञेलेयता।

मरकूस 14:70

दो पतरस अरूय कतातेड, “ईंग ना लवे।” मी घड़ी तयोमरे हंडा चड़ाँकुःआ हँकुःआ होड़कू पतरस एचेरेकू कतातेड, “आम गलील छतररीग होड़ हवे, हनालगा आम हों हँकुःआ होड़कू अते मी होड़ हवे।”

मरकूस 16:19

दो परबू ईसू हँकू सुदा बड़रानेन तयोमरे सेरमो देस अगी भगवान रेम गोःयाडीग अरू आँयग खउना तिःई गतररेय दुड़ुःयना।

लूका 21:27

हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।

लूका 24:5

हँकुःआ अइमीकू बोरतेकू एकलाःआ अरू हुटुयानकू। हँकिन हँकुःआ अइमीकू एचेरेकिन कताया, “जीयत होड़ गोएगतो होड़कू तलारे अपे चिला लगापे ञमेयतना?

एहुना 14:3

हंडा ततेरिंग तुलागोड दो ईंग कुदा वेगकियानखन अपेयिंग गोःयापेता अरू ईंग दोहोनता हना ततेररे अपे होँपे दोहोनता।

मूक चेलाकू 1:2

अरू सेरमो देस अगी भगवान रेम गोःगे अते मड़ंग हाँय आँयगरिकुःआ सुनावतो मूक चेलाकू एचेरे भगवानराः सुद बिरुवाते हुकुमकूने एमेवातेडकुःआ हनायिंग ओजाःकेरा।

मूक चेलाकू 1:22

एहुना ईसू बतिसमाय एमेवातिरिया हना बेला वरीते ईसू अबू अते सेरमो देस अगी भगवान रेम गोःयाया हना वरी अले सुदाय दोनोहोना। हाँय एटाःकू एचेरे ईसू गोएगनेन तयोमरे जियाव रेमकिया, हना कता अले सुदा हिदइत उदुःगे लगा इदा।”

मूक चेलाकू 1:9

हाँय नाःआ बड़रा कनाता कताय तयोमरे, हँकुःआ होड़कू मड़ंग अते सेरमो अगी भगवान हाँये रेम गोःतेरा अरू हँकू हाँय ञेनेल ञेलरे बदरीरेकू ञेल केड़ेगोतेडिग।

मूक चेलाकू 13:31

अरू हाँय सुदा गलील छतर अते, एरुसलेम सहर वरीकू वेजेडा हँकुःआ होड़कू एचेरेय, एचे ञेलयान। दो नुँहू हँकुःआ होड़कू, अबूरिकुःआ होड़कू एचेरे हाँयरिकुःआ हिदइतदार इदानकुःआ।

मूक चेलाकू 2:7

नँकुःआ होड़कू जमाकू गलील छतररिकुःआ होड़कू ना लवे जा?

मूक चेलाकू 3:12

पतरस नाःआय ञेलतेड दो हाँय हँकू एचेरेय कतातेरा, “ने इसराएलरिकुःआ होड़कू, नाःआ कताते अपे चिला लगापे बयावयना? अले अँननलेराः जंगरते सहे नपाय जीवते नाँयग होड़ले नपायतेरा माःआन ओंगोलकेडखन चिला लगा अलेपे कियोः-कोबोःवातना?

मूक चेलाकू 3:21

भगवानराः बड़राकू कतायता हँकुःआ सुद होड़कू मड़ंग जूगरेकू कता उदुःतेरा हनन इया भगवान जमाकूने नँवा अरीने तुलागे वरी, ईसू सेरमो देसरे दोहोन लगा इदा।

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

1 तिसलूनिका 4:16

हनमेला नाःआ इया होयाःता। परबू ईसू अनँयग आँयग सेरमो देस अतेय उतराव वेगता अरू हुमइसकेय हुकुमगेता। दो भगवानरीग मरंगीग बराहीलराः अरो अयमुःता अरू मी होड़ भगवानरीग बराहील सोहनाईए ओंगता। हनते गोएगयनाकू हँकुःआ बिसवासी होड़कू मड़ंगकू जियाव रिमुःता।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

उदुःतो कताकून 1:7

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!