2 तिमुतियूस 4:7 - Korwa Bible

⁷ ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

2 तिमुतियूस 4:7 ပူးပေါင်းရင်းမြစ်များ

लूका 11:28

दो ईसू कताया, “नाःआ इया कोवानेःआ, भगवानराः सरवने अयुमेता अरूय मनाःता, हनाँयग होड़राः जीव-जहन भगवान भल-भलायवाता।”

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

एहुना 17:6

नाःआ चउंदीस अते ईंगमे जिमावातेरा, हँकुःआ होड़कू एचेरे आमिंग एचे सुदीगोतेडा। हँकू आमरिकुःआ दोहोना अरू आम हँकू ईंगमे जिमावातेरा अरू हँकू आमराः सरवनकू मनेवारा।

एहुना 4:34

दो ईसू हँकू एचेरेय कताया, “ईंगे वारकेरा हाँयराः ओंगोल इयायिंग सेन अरू बुतायिंग बुता पुराव। ननानाः हवे ईंगराः जोम जिनिस।

मूक चेलाकू 13:25

दो एहुना आँयग सेवा चबागे मेलाय कतातेरा, अपे ईंग मसी हवे माःआनपे ओंगलेयिंगतना जा? बुरी, ईंग ना लवे। मनदो ईंग तयोमरेय वेगता हाँयगराः चाटीराः डोरा हों लड़ा जुकूर ईंग कोवायिंगा, माःआन।

मूक चेलाकू 20:24

मनदो ईंग ईंगराः जीव इनिंग लगा तोनोंग नपाय इया मेरिंग ओंगोलतना, जेमहा परबू ईसू ईंग एचेरेय जिमाकेरा हना बुता अरू सेवायिंग एचे पुराव अवेय। अरू हना बुता ननानाः हवे। भगवान जमा होड़कूय मयावारा हना नपाय सरवन होड़कू एचेरेयिंग परसार उदुःगे लगा इदा।

गलातिया 2:2

भगवान ईंगे कतावातेरा, आम एरुसलेममे सलाव जुवाः, माःआन। हनालगा ईंग हंडा तोरायिंग। हंडाले सोदोरनेनखन, बिसवासी होड़कूरिकुःआ मरंग मरंग मूक होड़कू सुदा, एटाःरेले जुमावनेना। बेगर एहूदाकू एचेरे नपाय सरवन कता उदुःगे लगा ईंगराः मड़ंगःआ अरू नुँहुःआ सेसा-दुरात, सदाःआ अहा होयाः लगा, हना सरवन बदीरे हँकुःआ मूक होड़कू एचेरे एकलायिंग कतातेरा।

पिलिपी 1:30

ईंगके परावनेना हना कटसियापे ञेलतेरा अरू नुँहू हों ईंग सेने पारतना हनानाः कटसियाराः बदीरेपे अयुमेतना। अरू अपे हों हनानाः कटसियातेपे सेने पारतना।

1 तिमुतियूस 1:18

ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,

1 तिमुतियूस 6:12

बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

1 तिमुतियूस 6:20

ने तिमुतियूस, भगवान आम एचेरेय जिमाकेरा हना नपायतेम जतन हड़ाःगे। बेगर लूर बड़रा अरू कनहून माःआन लबरातेकू कतनता हना जमा कताकूनते तोनोरेम दोहोन।

2 तिमुतियूस 1:14

अबू जीवरेय दोहोनता, हाँयग भगवानराः सुद बिरुवाते आम एचेरेय जिमाकेरा हना सताय सरवनमे जतनगे।

2 तिमुतियूस 3:10

ने तिमुतियूस, ईंग करा उड़ी भगवानराः सरवन होड़कूयिंग चेडतेरा अरू ईंगराः लूर-नेवन अरू ईंगराः बिसवास अरू ईंग करा इयायिंग सहावगोड ञवना अरू करा इया होड़कूयिंग अलार-दुलारकेरा अरू करा उड़ी कटसियायिंग सहाव पारगोतेडा हना होंम सुसुदीतना।

उदुःतो कताकून 3:10

ईंग कतातेरा, अपे सहाव घड़ीन ईंग एचेरेपे बिसवासगोड ञवन अरू ईंगराः हना कता अपे मनावनेना। हनालगा जमा चउंदीसरिकुःआ होड़कू अंदजावकू लगा कटसिया होयाःतान मेला अपे हना अंदजावरेयिंग बनसाव दोहोपेता।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।

उदुःतो कताकून 6:11

हनते हँकू जमाकू तुसिंगे लगा मेमेडटोंग मेमेडटोंग काट वरीःआ झोलोंग उजड़ सोनहे भगवान एमेवातेडकुःआ। अरू हँकूय कतावाड, “ईंगरिकुःआ सेवकियाकू अरू अपेरिकुःआ बिसवासी वपक बोपोहकूतापे अँननपे इयाकू ञेड एंडाकूता। हँकू जमाकू अरीनकू ञेड एंडाकू वरी अपे मी घड़ी अरूपे लोड़ोन।”