2 तिमुतियूस 2:21 - Korwa Bible

²¹ तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

2 तिमुतियूस 2:21 ပူးပေါင်းရင်းမြစ်များ

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

1 कुरिंती 5:7

अबूरीग ईसू मसी पसहा परोबराः भेड़ा होन इया अबू लगाय बलिदानयना। अरू अपे बेगर सेबेल सोड़ा सोलोंगतो गोहोम गुंडा इया इदानपेःआ। दो हना गोहोम गुंडा नपाय दोहोन लगा, हना जुना सेबेल सोड़ा रेमगे एंडागोडपे।

2 कुरिंती 7:1

ने ईंगरिकुःआ वपक बोपोहकूतिंग, भगवान अगीते अबू लगा नाःआमिन जबानकून इदान दो, अबू अबूराः देह अरू बिरुवा मइलावगोडता हना जमालेःआतेबू सुदगे अरू भगवानराः अकूस मनाः घड़ीन जमालेःआतेबू सुद इदीन।

2 कुरिंती 9:8

भगवान अपेराः जीव-जहन जमालेःआतेय अहाल-बहाल अवेयता, जेमहा अपे जमा कताकूनरे, जमा बेला, अपेराः जमा जरूरइत जिनिसकून दोहोन अते, अपे जमा इयाःआ नपाय बुता बुता लगापे उडु-बुडू जुवाः।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

2 तिमुतियूस 2:16

भगवान मेर मान मरजइतगेयता अरू होड़कू भगवानराः दूर अतेकू बनाहकाव जुवाःता हना इयाःआ बेलूर बड़राते तोरेम दोहोन।

2 तिमुतियूस 2:20

मीटोंग मरंग ओड़ाःरे सोना अरू चाँदीराः डिकची भंडाकून दोहोनता। हना ओड़ाःरे चटू, तवा अरू हाप-दबीकून हों दोहोनता। तोनोंग तोनोंग ननपाय बुता लगाकू उडुंगगोडता अरू तोनोंग तोनोंग सगर दिनराः बुता लगाकू उडुंगगोडता।

2 तिमुतियूस 3:17

जेमहा भगवानरिकुःआ होड़कू जमालेःआते नपाय नपाय बुता बुतागे लगा उडु-बुडूत अरू सपड़ावतोकू दोहोन।

2 तिमुतियूस 4:11

ईंग सुदा लूका एकला इदानिया। ईंगराः सेवारे संघरा एमेवायिंग लगा मरकूस होंम अगूगेय।

तितूस 3:1

ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

1 पतरस 1:22

अपे सताय कता मनावकेडखन अपेराः जीवपे सुदकेरा, जेमहा अपे अँननपे सतायते अपेराः इनिंदरी इंदरीते अरूपे अलार-दुलार होड़ेंग।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।