2 तिसलूनिका 3:2 - Korwa Bible

² जमा होड़कू ईसू मसी एचेरे मेरकू बिसवासगेता। हनालगा बेलूर अरू कसूर होड़कू अते भगवान अले बनसावले लगा होँपे अरजीगे।

2 तिसलूनिका 3:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 17:17

दो ईसू चेलाकू एचेरेय कताया, “ने बेलूर अरू गुनमिन बिसवासगे होड़कू, अपे सुदा तुमिस वरीयिंग दोहोनता? तुमिस वरी अपेयिंग सहाव?” हनते ईसू कतातेड, “माँय नंडा ईंग एचेरेपे अगूगेय।”

मती ओजाःतेरा भगवानराः नपाय सरवन 23:23

ने पचघुचिया नियम चेडदार होड़कू अरू फरीसी होड़कू, अपे दोपे ठीकयना। अपे फुदेना अड़ाः, सोंप अरू जीराकूनराः दस बंटारे मी बंटा भगवान लगापे एमेयता। मनदो अपे मोसेसराः नियमराः मइद कताकूनपे अड़ाःगोडता। अपे नाःआ जमाकून भगवान लगापे एमेय घड़ीन बिसवास अरू सोगा घड़ीन नपाय जीवपे जियाः दो नपाय दोहोकुःआ।

लूका 18:8

ईंगपे अयूम, भगवान ओहेन हँकुःआ होड़कू लगाय फड़ियावगेता। मनदो मनुवारीग बेटात कुदा वेग मेला चउंदीसरिकुःआ होड़कू हाँय एचेरेकू बिसवासगेता जा?”

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 13:50

मनदो एहूदाकू हना सहररिकुःआ मरंग मरंग होड़कू अरू भकतीनकू दोहोना अदोम गिरहत अइमीकू, पउलूस अरू बरनाबास बदीरेकू एचे रीसवाकुःआ। हँकुःआ होड़कू पउलूस अरू बरनाबास बदीरे कड़ीगकू एचे रेमतेरा अरू हँकूराः सिमान अतेकू एचे उडुंगगोतेडकू।

मूक चेलाकू 14:2

मनदो ईसू एचेरे मेरकू बिसवासगाड हँकुःआ एहूदाकू, बेगर एहूदाकू एचेरे बिसवासी होड़कू बदीरे बेलूर बेलूर कतावाडकूखनकू एचे रीसवाकुःआ।

मूक चेलाकू 17:5

मनदो तोनोंग एहूदाकू इराते पेरेगनेनखन तोनोंग तोनोंग बेलूर होड़कूकू एचे जुमावतेरा अरू जमा सहररे कड़ीगकू एचे रेमतेरा। अरू आसोन ञावीग होड़राः ओड़ाः अगीकू सेनेडा अरू पउलूस अरू सिलास होड़कू तलारे अगूकिन लगाकू ओंगलेःआ।

मूक चेलाकू 25:27

ईंग ओंगोलरे तोनोंगीग तोलतो होड़राः बदीरे तोनोंगाः जाः बड़रा इदान दो हना नपायते मेरिंग ओजाःगे वरी हाँयग होड़ कइसर मरंग राजा एचेरे वारगेय लगा कोवानेःआ।”

मूक चेलाकू 28:24

हाँय कतातेरा हना कता अदोम होड़कू मंजूरवातेरा, मनदो अदोम होड़कू मेरकू बिसवासगाड।

रूमी 10:16

मनदो मुरुक होड़कू नपाय सरवन मेरकू मनेवागाड। भगवानराः बड़रा कतायीग होड़ एसयाह कतातेरा, ने परबू, इये अलेराः सरवनकू बिसवासकेरा?

रूमी 15:31

ईंग एहूदिया छतरिंग सेन मेला हंडाकुःआ बेगर बिसवासी होड़कू अते भगवान ईंगराः जीवे बनसावगे लगापे अरजीगे। अरू एरुसलेम सहररिकुःआ बिसवासी होड़कू ईंग इदीयता हना बिहिरीतेकू ननाय जुवाः लगा होँपे अरजीगोड ञवन।

1 कुरिंती 15:32

अरू इपीसी सहररिकुःआ होड़कू ईंग मुरुककू घंटावतिरिंगा अरू पहाड़ जानरकू इया ईंग सुदाकू लड़ाइनेना। गोएगतो होड़कू मेरकू जियाव रेमकुः दो नाःआ इयाःआ घंटाव चिला लगायिंग सहावकेःआ? गोएगतो होड़कू ओरोकू जियाव रेमनेन दो, “गपामिन अबू गोनेग जुवाःता, दो मान हमा अबू जोम-ञूय अरूबू मंजागे।”

1 तिसलूनिका 2:18

अरू सतायरे ईंग पउलूस, घड़ी घड़ी सेन लगायिंग कुरनिसगेःआ, मनदो कलउ अलेय रोंकावगोतेडले।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।