2 तिसलूनिका 2:2 - Korwa Bible

² भगवानराः बड़रा कता होड़कूराः कताते सहे एटाः तोनोंगाः बड़राते सहे अले ञावते तोनोंगीग ओजाःतेरा हना चिठीते तोनोंगीग होड़ अपे एचेरेय कतायता, ईसू मसी कुदा वेगकिया, माःआन। दो हना बड़राते अपेराः जीव ओहेन अहापे कुंभलावगे अरू अहापे बयावगुः।

2 तिसलूनिका 2:2 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:24

हना बेला मुरुक बगरा होड़कू लबरा घड़ीनकू कतायता, ईंग मसी हवे अरू ईंग भगवानराः बड़रा कतायीग होड़ हवे, माःआन। हँकू मुरुक चिनहाकून अरू बयाव जुवाः इयाःआ बुताकून एचेवाडखन भगवानरिकुःआ सुनावतो होड़कू हों बहकावकू लगाकू कुरनिसगेता।

मरकूस 13:7

अपे एटाः एटाः देसरे लड़ाइ होयाःराः बदीरेपे अयुमे दो, अलोपे बोर। नाःआ इयाःआ लड़ाइ मड़ंगरे होनोयाः लगा इदा। मनदो हनमेला टुटीगगुःराः बेला कोवानेःआ।

लूका 21:19

कटसिया सहाव घड़ीन अपेराः जीवपे बनसाव दोहोगोडता।

लूका 21:9

लड़ाइ बुँहड़ीनता अरू होड़कू बलवादता हना बदीरेपे अयुमेता, मनदो अपे अहापे हदरावगुः। नाःआ इया मड़ंग होनोयाःता। मनदो हनमेला चउंदीस ओहेन ओरो टुटीगनेना।”

एहुना 14:1

ईसू अनँयग चेलाकू एचेरेय कतातेरा, “अपेराः इंदरी अहापे कुंभलावगे। भगवान एचेरेपे बिसवासगे अरू ईंग एचेरे होँपे बिसवासगोड ञवन।

एहुना 14:27

ईंग अपे जीविंग सलसतगेता। ईंग इनिंग अपे जीविंग सलसतगेता, मनदो चउंदीसरिकुःआ होड़कू सलसतगेता हना इया कोवान। हनालगा अपेराः जीव अहापे कुंभलाव ओवा अरू अहापे बोर।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

1 कुरिंती 14:32

भगवानराः बड़रा कता होड़कू अँननकूराः अलंगकू रोंकाव अवेयता। नाःआ अते हँकू ओरे-ओरकू कता उदुः अवेयता।

1 कुरिंती 7:26

नाःआ बेलाराः कटसिया बदीरेयिंग ओंगलेता दो होड़कू हँकू कर करा उड़ी इदानकुःआ हनन इयाकू दोहोन हँकू लगा नपाय इदा।

इपीसी 5:6

तोनोंगीग होड़ अँकूराः लबरा चेडतोते अलोकू अडिग अवेपे। बेलूर बुता एचेकेडखन भगवानराः कता मेरकू मनाःता हँकुःआ होड़कू एचेरे भगवान रीस रंजाव जुवाःताय।

1 तिसलूनिका 3:3

जेमहा अपे तोनोंगाः कटसिया मेला बिसवासरे अहापे हिटोः-डोबोःगुः। मनदो अपे सुदीयतना नाःआ इयाःआ कटसिया अबू जीवरे होनोयाःता।

1 तिसलूनिका 4:15

परबू ईसू कताकेरा हनानाः बड़राले कतायतना। अबू जीयत इदानबुःआ अरू ईसू मसी कुदा वेग वरी हों जिनियतबू दोहोन दो, गोएगकियाकू हँकुःआ बिसवासी होड़कू अते मड़ंग ईसू सुदा ओरोबू जुमावनेना।

1 तिसलूनिका 5:2

हनालगा हान तुमिस होयाःता हना बदीरे ईंगके अपे लगा ओओजाः कोवानेःआ।

2 तिसलूनिका 2:15

हनालगा ईंग अजी बोपोहकूतिंग, अपे ईसू मसीराः बिसवासरे बड़ियाड़गुःपे अरू अले अपे सुदा दोहोन मेलाले चेडतेडपेःआ अरू चिठीरेले ओजाःतेरा हना जमा कताकून मनावगोड ञवनपे।

2 तिसलूनिका 3:17

ईंग पउलूस इनिंग तिःईते ओजाःकेडखन अपेयिंग सलामतना। नान इया जमा चिठीराः टुटीगरे ईंगराः ञाविंग ओजाःगेता।

उदुःतो कताकून 19:20

मनदो हँकू हाँयग जानर अरू हाँय सुदा भगवानराः बड़रा लबराते कतायीग होड़ होंकू साबतेरा। भगवानराः बड़रा लबराते कतायीग होड़ जानर मड़ंगरे बयाव जुवाः इयाःआ चिनहाकूने एचेया। मड़ंगरे हाँय हना बयाव जुवाः इयाःआ चिनहाकूनते, हाँयग जानरराः चिनहाकू गोःतेरा अरू हाँयग जानरराः मुरतीकू सेवाःआ हँकुःआ होड़कूय अडिगतेडकुःआ। हँकिनकू साबतेरा हना तयोमरे, हँकिन बनर जिनियत जीयत सेंगेलराः हुडिंग समुंदररेकू रेमगे बोलोगोतेडकिन। हना सेंगेलराः हुडिंग समुंदररे लेटे दिरि हितकाःआ।