2 पतरस 3:7 - Korwa Bible

⁷ मनदो भगवान अनँयगराः हनानाः सरवनते नुँहुःआ सेरमो अरू ओत सेंगेलते बाल लो एंडागे लगा फड़ियावराः दिन वरीय दोहोकेरा। हनमेला कसूर होड़कूराः फड़ियाव अरू लाय एंडान होया जुवाःता।

2 पतरस 3:7 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:15

अपे ईंगपे अयूम! फड़ियावराः दिनरे नाःआ सहररिकुःआ होड़कू, सोदोम अरू गोमोरा सहररिकुःआ बेलूर होड़कू अते बगरा डंडकू पवाःता।”

मती ओजाःतेरा भगवानराः नपाय सरवन 11:22

हनलगा फड़ियावराः दिनरे भगवान कोरेसीन सहर अरू बतसइदा सहररिकुःआ होड़कू, सूर सहर अरू सइदा सहररिकुःआ होड़कू अते मुरुके डंडियावकूता।

मती ओजाःतेरा भगवानराः नपाय सरवन 11:24

मनदो फड़ियावराः दिनरे भगवान कपरनहूम सहररिकुःआ होड़कू, सोदोम सहररिकुःआ होड़कू अते मुरुके डंडियावकूता।”

मती ओजाःतेरा भगवानराः नपाय सरवन 12:36

बेगर लूरराः बड़राकू कतागोडता, हँकूके फड़ियावराः दिनरे भगवान एचेरे आभा एएमे पराःता।

मती ओजाःतेरा भगवानराः नपाय सरवन 24:35

ओत अरू सेरमो टगाव जुवाःता, मनदो ईंगराः सरवन कहियो ओरो टगावनेना।”

मती ओजाःतेरा भगवानराः नपाय सरवन 25:41

हनते दिरही तिःई गतररिकुःआ होड़कू एचेरेय कतायता, ने सती-सरापतो होड़कू, मड़ंग वरीते कलउ अरू हाँयरिकुःआ बराहीलकू लगा संजोड़तो इदा अरू कहियो ओरो इड़ीगनेना हना संगेलरेपे सलाव जुवाः।

मरकूस 6:11

तोनोंग सहररिकुःआ होड़कू अपे मेरकू नेत-नेवारपे अरू अपेराः कता मेरकू अयूमगे दो हना सहर अते सेनेन सेन मेला काटराः धुंदराकून कोटा एंडागोडपे। दो नाःआ हँकुःआ होड़कू भगवान डंडियावकूता हनाराः चिनहा इया दोहोनता।”

एहुना 12:48

ईंग आड-बेकारकेडखन ईंगराः कता मेरेय मनाःता हाँयग होड़ फड़ियावगेय लगा मी होड़ फड़ियावदार इदानिया। ईंग कता उदुःतेरा हनानाः कताते टुटीगगुः दिनरे हाँयराः डड़ियाव होयाःता।

रूमी 2:5

आमराः जीव केटेगयना, अरू कसूर अते भगवान अगी जीव कुदागे लगा मेरेम चहाःतना। हनालगा भगवान सतायते जमा होड़कूय फड़ियावता हना दिन, हाँय आम सुदा मुरुके रीस जुवाःता अरू हाँय अते अरू बगरा डंडियावमे पवाःता।

1 कुरिंती 3:13

दो अंदजावराः दिनरे भगवान जमा होड़कूराः बुता नपाय इदा जा कोवान, हना सेंगेलतेय अंदजावगेता। अरू हनन इया मेमेड होड़राः बुता जमा होड़कू तलारे सेंगेलते भगवान एचे उदुःगेता।

पिलिपी 1:28

अपेकू घंटावता हँकुःआ होड़कू सुदा अहापे बोर। अपे डीड़तेपे दोहोन दो, हँकुःआ होड़कू सुदीगोडता, भगवान अबूय लाय एंडाबूता, मनदो हाँय हँकूय सडावकूता, माःआन।

2 तिसलूनिका 2:3

तोनोंग इया तोनोंगीग होड़ अपे अहाय अडिग अवेपे। होड़कू भगवान बदीरेकू अगड़-बगड़गोडता अरू कसूर रबूद होड़ अरीने एचे ञिलुः हना वरी, हना दिन ओरो होयानेना।

1 तिमुतियूस 6:9

गिरहत होयाः लगाकू ओंगलेता, हँकुःआ होड़कू एटाः एटाः इयाःआ ललचीराः कसूररेकू दाः जुवाःता अरू बेलूर बेलूर ओंगोल दूररेकू सलाव जुवाःता अरूकू लाय जुवाःता।

इबरानी 12:29

अरू अबू अलोबू लिड़िंगगेय, अबूरीग भगवान लाय एंडायीग सेंगेल हवे।

2 पतरस 2:9

हाँयकू सेवाता हँकुःआ होड़कू भगवान कटसिया अतेय सडावकू लगा अरू बेलूर होड़कू फड़ियावराः दिन वरी डंडियावगोड ञवन लगा होंय सुदीयता।

2 पतरस 3:10

अबू मेरबू टकायता हनमेला, इनिग होड़ वेगता हनन इया परबूराः दिन निचकाःता, अरू हना दिन सेरमो मुरुक हड़र-हुड़ूरकियानखन टगाव जुवाःता, अरू बेर, बांगो, इपीलकू अरू सेरमोराः जमालेःआ मिनी जूदा पघलाव एंडा जुवाःता। ओत अरू ओतराः जमा तुलात जिनिसकून हों लो एंडा जुवाःता।

2 पतरस 3:12

अपे भगवानराः दिन लगापे टकागोड ञवन अरू सेरमो अरू सेरमोराः जमालेःआ जिनिसकून मिनी जूदा सेंगेलते पघलाव जुवाःता हनानाः दिन ओहेन होयाः लगा हली हली बुतागोड ञवन लगा इदा।

1 एहुना 4:17

नाःआ इया अबू जीवरे दुलार उडु-बुडू जुवाःता, जेमहा ईसू नाःआ चउंदीसरेय जियावनेना हनन इया अबू हों जियाः दो, फड़ियावराः दिनरे अबू डीड़तेबू दोहो अवेनता।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।

उदुःतो कताकून 17:11

मड़ंगे दोहोना हाँयग जानर, अरू नुँहू गोएगतो इदानिया, हाँय जियाव रेमकियानखन आठ नमारीग राजाय बड़ाँःता। हनते हों हाँय सातगोटोंग राजाकू अते मी होड़े दोहोना अरू हाँय लाय एंडन लगा इदानिया।

उदुःतो कताकून 17:8

आम ञेलतिरिया हाँयग जानर, मड़ंगे दोहोना, अरू नुँहू गोएगतो इदानिया, अरू अनँयग एचे लाय एंडन लगा, पतालपूर अतेय उडुंग वेगता। चउंदीसराः बुँहड़ी अते, जीवराः कागदरे ञाव ओजाःतो कोवानेःआ, हँकुःआ होड़कू हाँयग जानर ञेलकेडखनकू बयाव जुवाःता। हाँयग जानर मड़ंगे दोहोना, अरू नुँहू गोएगतो इदानिया, अरू कुदा तयोमगुःताय। हनालगा हँकू हाँय ञेलकेडखनकू बयाव जुवाःता।

उदुःतो कताकून 20:11

हनते ईंग मीटोंग मरंग उजड़ गदीयिंग ञेलतेरा। अरू हना गदीरे मी होड़ दुड़ुःतोय दोहोना। ओत अरू सेरमो हाँय मड़ंग अते ञीरयान अरू हना ओको लगा ततेर मेर दोहोगान।

उदुःतो कताकून 21:1

हनते ईंग नँवा सेरमो अरू नँवा ओतिंग ञेलतेरा। जुनाःआ सेरमो अरू ओत टगाव एंडायान अरू समुंदर हों मेर दोहोगान।