2 पतरस 3:14 - Korwa Bible

¹⁴ ईंगरिकुःआ अजी बोपोहकूतिंग, अपे नँवा सेरमो अरू नँवा ओत लगापे टकागोड ञवनतना दो, भगवानराः ओंगोलरे अपे सुद अरू बेगर गारबारतेःआ सलसतिया होड़कू दोहोन लगा अपे जीवपे होमगोड।

2 पतरस 3:14 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:26

दो होड़कू अपे एचेरेकू कताय, ञेलेयपे, माँय टयंगाब ततेररे इदानिया। दो अपे हना अगी अलोपे सेन। हँकू अपेकू कतावा, ञेलेयपे, माँय कुठरीरे इदानिया, दो अपे अलोपे बिसवासगे।

मती ओजाःतेरा भगवानराः नपाय सरवन 25:7

हनते जमा धंगड़ीकू रेमनेनखन अँनकूराः ढिबरीकूनकू सोझावतेरा।

लूका 12:43

मालिक वेग मेला हाँयग सेवकिया होड़ अनँयग बुता नपाय एचेयतेय ञेलेयता दो हाँयग सेवकिया होड़राः जीव नपाय दोहोनता।

लूका 2:29

अरूय कताया, “परबू, ईंग आमरीग सेवकिया हवे अरू आमराः जबान इयाम एचेयकेरा, दो नुँहू ईंग सलसतमे गोएग ओवायिंग।

1 कुरिंती 1:8

भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

पिलिपी 1:10

जेमहा अपे ननपायते नपाय कता जमालेःआपे सुदी अवेय, अरू ईसू मसी कुदा वेग वरी सुद अरू बेगर गारबारतेःआ नपाय लूर-नेवन अपे जीवरे होया जुवाः।

पिलिपी 2:15

नाःआ अते अपे बेलूर ओंगोलरिकुःआ होड़कू तलारे भगवानरिकुःआ लइंकू इया बेगर गारबार अरू सुद जीवपे जियाव अवेनता। दो हँकुःआ होड़कू तलारे अपे टेडेगतो इपीलकू इयापे दोहोनता।

पिलिपी 3:20

मनदो अबूराः राइज सेरमो देस हवे अरू सेरमो देस अतेय कुदा वेगता अबूरीग सडावदार परबू ईसू मसी लगाबू टकागोड ञवनतना।

1 तिसलूनिका 3:13

परबू ईसू आँयगरिकुःआ जमा सुद होड़कू सुदाय कुदा वेगता, हनमेला हाँय अबूरीग अपांग भगवानराः मड़ंगरे अपेराः जीव बेगर गारबारते अरू सुदे तुलावाडखन बड़ियाड़गे लगाले अरजीतना।

1 तिसलूनिका 5:23

जमा होड़कू लगा सलसते एमेयता हाँयग भगवान जमा बरानाःते अपेराः जीव सुदे दोहोगे अरू परबू ईसू मसी कुदा वेगता हना दिन वरी अपेराः देह, जीव अरू हनसा बेगर कसूरते दोहोगे लगा होयिंग अरजीतना।

1 तिमुतियूस 6:14

आमिंग हुकुमवामतना, परबू ईसू मसी अरीने कुदा वेग वरी जमा हुकुमकून बेगर गारबारतेम मनावगोड ञवन।

इबरानी 9:28

हनन इया मसी हों मुरुक बगरा होड़कूराः कसूर बराव एंडागे लगा मिनी तुरहाय बलिदाननेना। दो मसी अरू मी तुरहाय वेगता। हाँय होड़कूराः कसूर, अरू चलाः एएंडा लगा ओरोय वेजेडा। मनदो हाँयकू टका ञवनता हँकुःआ होड़कू सडावकू लगाय वेगता।

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

1 पतरस 1:7

तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।

2 पतरस 3:1

ने ईंगरिकुःआ अजी बोपोहकूतिंग, ईंग अपे लगा बार नमार चिठीयिंग ओजाःगेतना। नाःआ बनर चिठीते अपेराः सताय इंदरी एचे उहियार घड़ीनिंग कता बहालगेतना।

2 पतरस 3:16

हाँयग पउलूस अनँयगराः जमा चिठीकूनरे नाःआ कताकूने उदुःगेतना। हनारे तोनोंग तोनोंग कताकून बुझाः लगा मसकिल इदा। अरू बोको-बुकली होड़कू भगवानराः कागदराः एटाः सरवनकूनकू एचेयता हनन इया हाँयराः सरवन होंकू बदलावगोडता, जेमहा हँकू अँनकू लाय एंडा जुवाः।

1 एहुना 3:3

तोनोंगीग होड़ ईसू मसी इया होयाः लगाय असराता दो, ईसू मसी सुद इदानिया हनन इया, हाँयग होड़ अनँयग आँयग सुदगुः लगा इदा।