2 पतरस 1:6 - Korwa Bible

⁶ अरू कनहूनदारपे दोहोन मेला अपेराः जीव ओंगोल समझाव घड़ीनपे दोहोगे, अपे ओंगोल समझाव घड़ीन जीवपे जियाः मेला अपे जमा बेला सहाव घड़ीनपे दोहोन। अरू सहाव घड़ीन दोहोन मेला भगवानराः ओंगोल इयापे दोहोन।

2 पतरस 1:6 ပူးပေါင်းရင်းမြစ်များ

लूका 21:19

कटसिया सहाव घड़ीन अपेराः जीवपे बनसाव दोहोगोडता।

लूका 8:15

नपाय ओतरे लोजोरनेना हना बिहान नाःआ इया होड़कू हवे, हँकू सरवन अयूमवाडखन मुरुक नपायते अँकू जीवरेकू दोहोगोडता अरू सहाव घड़ीन नपायते जोःओ जोःता।”

मूक चेलाकू 24:25

भगवानराः ओंगोल इया जियाः लगा अरू अनँयग आँयगते ओंगोल बुझावकियानखन जियाः लगा अरू दरवाःआ हना फड़ियावराः बदीरे पउलूस कता उदुःगेःआ। हनमेला पेलिकस मुरुके बोरोनेनखने कताया, “निनिन मिनाः बगरायना। नुँहू सलाव जुवाःमे। एटाः बेला अरूयिंग एचे राःमेता।”

रूमी 15:4

भगवानराः कागदरे मनाड़ंगते ओजाःतो इदा हना कताकून अँननबू चिडुः लगाकू ओजाःकेरा। हना सरवनते अबू सहाव घड़ीन बहालतेबू दोहो अवेनता। अरू हनालगा अबू भगवान एचेरेबू असरा अवेयता।

रूमी 2:7

तोनोंग तोनोंग होड़कू सहाव घड़ीन नपाय बुताकू बुतागोड ञवनता। हँकुःआ होड़कू भगवान अगीते मान मरजइत अरू मेर गुजुःता हना देह पवाः लगाकू चहाःतना। हँकुःआ होड़कू लगा भगवान ओरो टुटीगनेना हना जीवे एमेवाकूता।

रूमी 8:25

मनदो नुँहू अबू एचेरे कोवानेःआ, हनानाः लगाबू असराता दो, हन अरीनबू पवाः वरी सहाव घड़ीनबू तंगीगोड ञवनतना।

1 कुरिंती 9:25

एनेगताकू हँकुःआ होड़कू गोसो जुवाःता हना सकमराः खोपा इमान पवाः लगा जमालेःआ मुरुक सहाव घड़ीनकू पिरिसटिकगेता। मनदो अबू कहियो ओरो कहीनेना हना इमान पवाः लगा सहाव घड़ीन भगवानराः बुताबू एचेयतना।

2 कुरिंती 6:4

मनदो अलेराः नपाय बुताते होड़कू सुदीबाःगोडता, हँकू भगवानरिकुःआ सताय सेवकियाकू हवे, माःआन। अले सिकिसतारे अरू संतावरे अरू गरीबगुःरे मुरुक सहाव घड़ीनले दोहोना।

गलातिया 5:23

सुधा होड़कू अरू जमा बरानाः ओंगोल समझाः होड़कूबू बड़ाँःता। नाःआ इयाःआ लूर-नेवन बदलारे, तोंनोंगाः नियमकून कोवानेःआ।

कुलूसी 1:11

अपे भगवानराः अगामाः जंगरते, अपेराः जीव जमालेःआते बड़ियाड़कियानखन बहालगुः घड़ीन जमा बरानाः कटसियापे सहाव अवेय।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

2 तिसलूनिका 1:4

हनालगा अले अपे बदीरे भगवानराः कलसियाकूनरिकुःआ बिसवासी होड़कू एचेरे अपे भल-भलावातेडखनले कतायता, एटाः होड़कू हँकूकू संतावतना अरू हँकू एचेरे हलकइनकू अगूतना। हनते हों हँकू सहाव घड़ीन असतिरकू दोहोनता अरू हँकू बिसवास मेरकू अड़ाःगेता, माःआन।

2 तिसलूनिका 3:5

भगवान करा इया अबूय दुलारकेरा अरू ईसू मसी करा इया कटसियाय सहावतेरा हना अगी अपेराः जीवे अगुवाइवापे लगाले अरजीतना।

1 तिमुतियूस 2:10

मनदो, नपाय बुताकूनते अनँयग आँयग सींगराः लगा इदा। भगवानकू जागता, हँकुःआ अइमीकू ननन इयाकू होयाः दो नपाय इदा।

1 तिमुतियूस 2:2

आम, राजाकू अरू सरकाररिकुःआ हातपात होड़कू लगा अरजीगे लगा इदा, जेमहा अबू सलसतरे अरू बेगर बोरते भगवान जाग घड़ीन सुद जीवबू जियाव अवेन।

1 तिमुतियूस 3:16

अरूबू कबुलाःता हना बिसवास मुरुक गहीर सताय इदा। होड़कूराः सुरइत मुरइतरेय जनमावनेना, बेगर गारबारते इदानिया माःआन सुद बिरुवा कता उदुःतेरा सेरमो देसरिकुःआ बराहीलकू हाँयकू ञेलतेरा, होड़कू हाँय बदीरे जमा जइत होड़कू एचेरेकू परसार उदुःतेरा, चउंदीसरिकुःआ होड़कू हाँय एचेरेकू बिसवासतेरा, अरू मान मरजइत सुदा सेरमो देस अगी भगवान रेम गोःयडिया।

1 तिमुतियूस 6:11

मनदो ने भगवानरीग होड़ तिमुतियूस, नाःआ इयाःआ ललची कताते तोरेम दोहोन। भगवानराः ओंगोलरे बेगर गारबारते धरमिया होड़ बड़ाँवकियानखन बिसवास अरू अलार-दुलारते ओंगोल समझाव घड़ीन सुधा होड़ होयाः लगाम होमगोड।

1 तिमुतियूस 6:3

भगवानराः ओंगोल इयाबू जियाव अवेनता हना चेडरे, अरू अबूरीग परबू ईसू मसीराः सताय सरवनरे तोनोंगीग मेरेय रायगुःता, अरू नाःआ अते एटाः इयाःआ चेड होड़कूय चेडता दो,

1 तिमुतियूस 6:6

मनदो अबू संतोक घड़ीन भगवानराः ओंगोल इयाबू जियाः दो, हनारे अबू लगा मुरुक नफा इदा।

2 तिमुतियूस 3:5

हँकुःआ होड़कू धरमराः भेसरेकू दोहोनता, मनदो भगवानराः जंगर ओरोकू मनावनेना। हनन इयाकुःआ होड़कू अते तोनोरेम दोहोन।

तितूस 1:1

ने तितूस, भगवानरीग सेवकिया अरू ईसू मसीरीग मूक चेला ईंग पउलूस अगीते मसी सलाम। दो भगवानरिकुःआ सुनावतो होड़कूराः बिसवास बड़ियाड़गे लगा ईंगके जिमात इदा, जेमहा भगवानराः ओंगोल इयाःआ सताय बदीरे हँकूराः कनहून बडे जुवाः,

तितूस 1:8

मनदो हाँयग मूक होड़ नेत-नेवारकू लगा इदा अरू नपाय बुता एचेगे लगा मंजूरे दोहोन। हाँय सताय, सुद अरू ओंगोल समझावीग होड़ दोहोन लगा इदा अरू तुड़ेंग-तपेग होड़ अलोय होयाः।

तितूस 2:2

सपायाड़कू अँननकूराः जीव संभाड़गे लगा अरू नपाय सुरताते बिसवासरे बड़ियाड़ अरू अलार-दुलारते अरू सहाव घड़ीनरे मान मरजइतगे इयाकू जियाः लगाम चेडकू।

इबरानी 10:36

अपे सहावगोड ञवन लगा इदा, जेमहा भगवानराः हिछा पुरावकेडखन हाँय जबानकेरा हनापे पवाव जुवाः।

इबरानी 12:1

भगवान एचेरेकू बिसवासतेरा हँकुःआ जमा होड़कू अबूराः चाइरो गतर, बदरी इया हिदइतदारकू इदानकुःआ। हनालगा मान अबू रोंकावबूता हनाकून अरू अबू दाःबूता हना कसूरकूनबू चलाः एंडाय। अरू भगवान अबू लगाय संजोड़केरा हनानाः बतकाः, सहाव घड़ीनबू बतकाव ञवन।

इबरानी 6:12

अरू सुखवार अलोपे होयाः, मनदो बिसवास अरू सहाव घड़ीन भगवानराः जबानरे इताडदारकू इदानकुःआ हँकुःआ होड़कू इया अपे होँपे एचेय।

इबरानी 6:15

दो इबराहीम सहाव घड़ीने दोहोना अरू भगवान जबानतेरा हनाय पवावनेना।

2 पतरस 1:3

भगवानराः सगरावतो जंगरते, अनँयग ओंगोल इया नपाय जीवबू जियाः लगा जमाकूने एमेवाडबुःआ। अरू अनँयग लगा अबूय राःकेडबुःआ हाँयग ईसू, अगम मरंग अरू नाय नपाय इदानिया माःआनबू सुदीकेड अते नाःआ जमाकूनबू पवावकिया।

2 पतरस 3:11

नाःआ इया जमालेःआ पघलाव एंडान लगा इदा दो, अपे करा इया होड़कू बड़ाँः लगा इदा? अपे सुद लूर-नेवनतेःआ अरू भगवानराः ओंगोलरे बेगर गारबारतेःआ जीव जियाः लगा इदा।

उदुःतो कताकून 1:9

ईंग एहुना, ईसू मसी एचेरे बिसवासगे अते अपेरीग वगापे हवे। भगवान अबूरीग राजा हवे अरू अपे इया ईंग हों ईसू मसीराः राइज बदीरे संतावतो इदानिंगा अरू कटसियायिंग सहावतना। मड़ंगरे भगवानराः सरवनिंग परसारतेड अते अरू ईसू बदीरे ईंग चेडतेडकू अते हँकू ईंग पतमोस डुगुरेकू उडुंग एंडागोतेडिंग।

उदुःतो कताकून 13:10

बिसवास बदीरे सींगगेय लगा इदानिया, हाँयग होड़ सिनिंगगुःता। अरू बिसवास बदीरे तलवइरते ञेड एंडागेय लगा इदानिया हाँयग होड़ तनलवइरतेय ञेड एंडनता। हनालगा नाःआ जमाकून होयाः हों भगवानरिकुःआ सुद होड़कू सहाव घड़ीन बिसवासगोड ञवन लगा इदा।”

उदुःतो कताकून 14:12

नाःआते भगवानराः हुकुमकू मनाःता अरू ईसू मसी एचेरेकू बिसवासगोड ञवनता, हँकुःआ भगवानरिकुःआ सुद होड़कू सहाव घड़ीन दोहोन लगा इदा।

उदुःतो कताकून 2:2

“अपेराः बुतायिंग सुसुदीता। अपे मिहनइत घड़ीनपे बुताता अरू सहाव घड़ीनपे दोहोनता। अपे बेनेलूर होड़कू मेरपे सहाव अवेकूता। अपे हँकुःआ होड़कू जासतेडकूखन सुदीगोतेडकुःआ, नँकू अडिग होड़कू इदानकुःआ, माःआन। हँकू सतायरे मूक चेलाकू ना लवे, मनदो हँकू अँननकू अँकू कतनता, अले ईसूरिकुःआ मूक चेलाकू हवे, माःआन।