2 एहुना 1:8 - Korwa Bible

⁸ नँकुःआ अडिग जोम होड़कू अते आम सवासितीम दोहोन। हनाते भगवान लगाबू सेवाकेरा, हना सदाःआ ओरो होयानेना अरू भगवान अते आमराः सेवाराः जनामा इमानमे पवाव जुवाःता।

2 एहुना 1:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 24:4

दो ईसू हँकू एचेरेय कताया, “तोनोंगीग अपे अहाकू बहकाव अवेपे लगा सवासितीपे दोहोन।

मरकूस 13:23

नानलगा अपे जगलेपे दोहोन। नाःआ जमाकून होयाः अते मड़ंगरे अपे एचेरेयिंग उदुःवापेतना।

मरकूस 13:9

हनमेला अपे जगलेपे दोहोन। तोनोंग तोनोंग होड़कू पंचाइतरेकू साब इदीपेता अरू अरजी ओड़ाःरे अपेकू एचे ञेडपेता। ईंगराः ञाव बदीरे राजाकू अरू हातपात होड़कू मड़ंगरे अपेकू एचे चड़ाँपेता। अपे हनमेला हँकू मड़ंगरे ईंगरिकुःआ हिदइतदारकूपे होयाःता।

लूका 19:19

मालिक हाँयग सेवकिया होड़ भलावातेडखने कताया, आम हों पाँचटोंग सहररीग हातपात होड़मे बड़ाँव जुवाः, माःआन।

लूका 21:8

दो ईसू कताया, “तोनोंगीग अपे अहाकू बहकाव अवेपे लगा सवासितीपे दोहोन। मुरुक बगरा होड़कू ईंगराः ञावते अपे एचेरेकू वेगता अरूकू कतायता, ईंग हनाँय हवे, माःआन। अरूकू कतायता, चउंदीस टुटीगगुःराः बेला सोदोरयना, माःआन। मनदो अपे हँकू तयोम अलोपे सेन।

एहुना 4:36

इईरीग होड़ बुतातना अरू हनाराः मंजूरीय गोःगोतना अरू ओरो टुटीगनेना हना जीव लगाय बटुड़ाव अदेरगेतना। नाःआते वेवेरीग होड़ इईर होड़ सुदा बना होड़किन बहाल जुवाःता।

1 कुरिंती 15:8

ईंग सतवास जनमावतो लँइग इयायिंग दोहोना। हनते हों टुटीगरे ईसू ईंग एचेरे होंय एचे ञेलनेना।

1 कुरिंती 3:14

तोनोंगीग होड़ बिसवासी होड़कूराः बिसवासे बड़ियाड़गेडतान दो फड़ियावराः दिनरे भगवान अगीते हाँय इमाने पनावाःता।

1 कुरिंती 3:8

रोपायता हाँयग होड़ अरू दहवेता हाँयग होड़, हँकिन बना होड़राः ओंगोल मिनी दोहोनता, अरू जमाकू अँननकूराः बुता इया बनीकू पवाःता।

गलातिया 3:4

नाःआमिन अपे सेसा-दुराकिया, हना दो सदाःआयना जा? मेनेर होयागना।

गलातिया 4:11

दो अपे लगा ईंग सेसा-दुराकिया, हना सदाःआ होया जुवाःता माःआन ओंगोल खोबराः घड़ीन, अपे बदीरे ईंग जीव कुहकाःतना।

पिलिपी 3:16

दो अबू चेडकिया हनन इया सनालावगोड ञवन लगा इदा।

इबरानी 10:32

अपे मड़ंगाः कताकूनपे उहियार अगू। भगवानराः सताय सरवनराः मरसल अपे पवावनेना हना तयोमरे मुरुक कटसियापे सहाव पारतेरा अरू अपे बिसवासरे बड़ियाड़पे दोहोना।

इबरानी 10:35

हनालगा अपे डीड़कियानखन भगवान एचेरेपे असरागोड ञवन। दो भगवान अपे मरंग इमाने एमेवापेता।

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

उदुःतो कताकून 3:11

ईंग ओनोहेन वेग लगा इदानिंगा। अपे एचेरे इदा, हना बिसवासरेपे सनालावगोड ञवन, जेमहा तोनोंगीग अपेराः पगरी अलोकू उतराव अवेय।