2 कुरिंती 9:8 - Korwa Bible

⁸ भगवान अपेराः जीव-जहन जमालेःआतेय अहाल-बहाल अवेयता, जेमहा अपे जमा कताकूनरे, जमा बेला, अपेराः जमा जरूरइत जिनिसकून दोहोन अते, अपे जमा इयाःआ नपाय बुता बुता लगापे उडु-बुडू जुवाः।

2 कुरिंती 9:8 ပူးပေါင်းရင်းမြစ်များ

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।

1 कुरिंती 15:58

दो ईंगरिकुःआ अजी बोपोहकूतिंग, अपे ईसू एचेरेपे बिसवासगोड ञवन, अरू अलोपे टास-मासगुः। अनंगेर अंगेरते परबू लगापे बुतागोड ञवन। अपे सुदीबाःका, परबू लगापे मिहनइतगेतना हान, सदाःआ ओनोरो होयानेना।

2 कुरिंती 13:3

हनालगा ईंग कुदा वेग जुवाः दो, ओनोरोयिंग अड़ाःतेडकुःआ। मसी डंडियावपे लगा अबड़ कोवाया, मनदो हाँय अनँयगराः अगम जंगरते अपे एचेरे इदानिया।

2 कुरिंती 8:19

निनमिनाः एकला कोवान, कलसियारिकुःआ होड़कू हाँयकू सुनावकेरा, जेमहा अले बिहिरी इदी अटू लगाले सेन मेला, हाँय हों अले सुदाय सेन। अरू अलेराः नाःआ सेवाते परबूराः मान मरजइत होयाःता अरू अले होड़कू संघरावा लगा सपड़ावतो इदानलेःआ माःआनले उदुः अवेय।

2 कुरिंती 8:2

हँकू मुरुक कटसियाकू सहाव पारतेरा अरू मुरुक गरीबकू दोहोना। हनारे हों हँकू मुरुक बनाहालते एटाः होड़कूकू संघरावाःआ।

2 कुरिंती 8:7

अपे बिसवासरे बड़ियाड़ इदानपेःआ, नपायतेपे बुतुड़ुता अरू कनहूनदारकू इदानपेःआ। अपे जमालेःआ लगा ओसताज इदानपेःआ अरू अले मुरुकपे दुलारलेता। नाःआ जमा कताकूनरे अपे उडु-बुडू इदानपेःआ। हनन इया अपे नाःआ बिहिरी उतरावगेराः बुतारे होँपे उडु-बुडू इदीन।

2 कुरिंती 9:11

दो भगवान अपे जमालेःआतेय उडु-बुडूगोडपेता, जेमहा अपे जमा बेला देनहारकूपे बड़ाँव अवेन। अरू अले अपेराः बिहिरीराः जरूरइत इदा हँकुःआ होड़कूले एमेवा दो हँकू भगवानकू धनियाबादता।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

इपीसी 3:20

तुमिनबू असे अवेयता अरूबू ओंगोल अवेयता, हना अते मुरुक बगरा, अबू जीवरे अनँयगराः जंगरतेय एनेचे अवेयता,

पिलिपी 4:11

अपे अहापे ओंगले नाँय लगा तोनोंगाः हुडिंग बगरा इदा। हनालगा नाँय नाःआ इयाय कतायतना, माःआन। ईंग तोनोंगाः हाल-चालरे संतोकगे लगायिंग चेडकिया।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

2 तिसलूनिका 2:17

अपेराः जीवे हड़ियड़गे, अरू जमा इयाःआ नपाय बुतापे बुता अवेय लगा अरू जमा नपाय बड़रापे बड़रा अवेन लगाय बड़ियाड़गोडपे।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

2 तिमुतियूस 3:17

जेमहा भगवानरिकुःआ होड़कू जमालेःआते नपाय नपाय बुता बुतागे लगा उडु-बुडूत अरू सपड़ावतोकू दोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।