2 कुरिंती 9:2 - Korwa Bible

² अपे संघरावाकू लगा ओसताज इदानपेःआ हनायिंग सुसुदीतना। अरू ईंग मकिदुनिया राइजरिकुःआ बिसवासी होड़कू एचेरे अपे बदीरे नपायिंग कताकेरा, कोनालोम वरीते अकाया राइजरिकुःआ होड़कू संघरावाकू लगा ओसताज इदानकुःआ, माःआन अरू अपे ओसताज इदानपे अते हँकू होंकू ओसताजयना।

2 कुरिंती 9:2 ပူးပေါင်းရင်းမြစ်များ

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 24:17

मुरुक बरिस तयोमरे ईंगरिकुःआ गरीब एहूदाकू संघरावाकू लगा अरू भगवान बलिदान देगगे लगा एरुसलेमरेयिंग सेनेडा।

रूमी 15:26

मकिदुनिया राइजरिकुःआ अरू अकाया राइजरिकुःआ बिसवासी होड़कू अँनकूराः आन-धानते एरुसलेमरिकुःआ गरीब बिसवासी होड़कू संघरावाकू लगा बहालते बिहिरीकू उतराववाडकुःआ।

1 कुरिंती 16:15

ने ईंगरिकुःआ अजी बोपोहकूतिंग, अपे सुसुदीतना अकाया देसरे इसतपनूसराः ओड़ाःरिकुःआ होड़कू मड़ंग ईसू एचेरेकू बिसवासतेरा। हँकू भगवानरिकुःआ सुद होड़कू संघरावा लगा मुरुक सपड़ावतोकू दोहोनता।

2 कुरिंती 1:1

ने अजी बोपोहकूतिंग, भगवानराः हिछा इया ईसू मसीरीग मूक चेला इदानिंगा ईंग पउलूस, अबूरीग बिसवासी बोहोबू तिमुतियूस सुदा, अपे कुरिंती सहररे इदानकुःआ, भगवानराः कलसियारिकुःआ होड़कू लगा, अरू अकाया देसरे इदानकुःआ भगवानरिकुःआ एटाः सुद होड़कू लगा हों नाःआ चिठी ईंग ओओजाःतना।

2 कुरिंती 7:14

अपे बदीरे हाँय एचेरे ईंग मुरुक ईंग भल-भलायनेना। अरू अपे ईंग मेरपे गियू ओवाडिंगा। अले अपे बदीरेले कतातेरा हना जमाकून सताय दोहोना अरू हनन इया अपे बदीरे तितूस एचेरेले भल-भलायनेना हना हों सनाताय होयायान।

2 कुरिंती 7:4

ईंग मीटोंग ऊबमिनाः कता हों ईंग जीवरे दोहोकेडखन अपे एचेरे मेरिंग कता उदुःगेतना। ईंग अपे बदीरे भल-भलायतो इदानिंगा। अपे बदीरे ईंग अहाल-बहाल इदानिंगा अरू ईंगराः जमा कटसियारे ईंग मुरुक बनाहालते इदानिंगा।

2 कुरिंती 8:10

नाःआ कता बदीरे अपेराः नफा लगा ईंग मीटोंग सलाहिंग उदुःता। कोनालोमते बिहिरी उतराव लगा एकला कोवान मनदो हान जुमावगे लगा हिछा हों मड़ंगरे अँननपे एचेरे दोहोना।

2 कुरिंती 8:11

दो नुँहू हनानाःपे बुता पुराव, जेमहा अपेराः हिछा इया पुरावगे लगा सपड़ावतो इदानपेःआ हनन इया अपेराः पुंजी पसर इयापे एमे अवेय।

2 कुरिंती 8:19

निनमिनाः एकला कोवान, कलसियारिकुःआ होड़कू हाँयकू सुनावकेरा, जेमहा अले बिहिरी इदी अटू लगाले सेन मेला, हाँय हों अले सुदाय सेन। अरू अलेराः नाःआ सेवाते परबूराः मान मरजइत होयाःता अरू अले होड़कू संघरावा लगा सपड़ावतो इदानलेःआ माःआनले उदुः अवेय।

2 कुरिंती 8:24

हनालगा अपे एटाः होड़कूपे दुलारता हनन इया हँकुःआ होड़कू होँपे दुलारकू। दो अपे बदीरेले भल-भलायनेना हना हँकू सताय हवे माःआनकू सुदीबाःगोडता, अरू अपे सतायतेपे दुलारतना माःआन जमा कलसियारिकुःआ होड़कू होंकू सुदीबाःगोडता।

2 कुरिंती 8:8

ईंग अपे मेरिंग हुकुमवापेतना, मनदो एटाः कलसियारिकुःआ होड़कू बिहिरीकू एमे लगा ओसताज इदानकुःआ अरू हनानाः बिहिरी एमे बदीरे अपेराः दुलार सताय इदा जा कोवान हना अउल-तउलगे लगा नाःआ इयायिंग कतायतना।

1 तिसलूनिका 1:7

नाःआते मकिदुनिया राइजरिकुःआ अरू अकाया राइजरिकुःआ बिसवासी होड़कू, अपे इया नपाय जीवकू जियाः लगा चिनहापे बड़ाँवयना।

इबरानी 10:24

अबू एटाः होड़कू अलार-दुलार होड़ेंग लगा अरू नपाय बुताकूनकू एचेय लगा करा इयाबू संघरा अवेवाकूता, हना बदीरेबू ओंगोलगोड ञवन।