2 कुरिंती 6:7 - Korwa Bible

⁷ अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

2 कुरिंती 6:7 ပူးပေါင်းရင်းမြစ်များ

मरकूस 16:20

हनते चेलाकू जमा देसरे सेनेवाडखन नपाय सरवन होड़कूकू परसार उदुःवातेरा। परबू ईसू हँकू जमा एचेगे लगा डीड़े एमेवाकुःआ। अरू हँकू बयाव जुवाः इयाःआ बुताकूनकू एचेःआ अते परबूराः सरवन सताय हवे माःआने उदुःगेःआ। आमीन!]

मूक चेलाकू 11:21

भगवान हँकू सुदाय दोहोना अरू बेगर एहूदाकू मुरुक होड़कू कसूर अते जीव कुदातेडखन परबू ईसू एचेरेकू बिसवासतेरा।

1 कुरिंती 1:24

मनदो भगवान सुनावतेडकुःआ हँकुःआ एहूदाकू लगा अरू बेगर एहूदाकू लगा ईसू मसीराः सरवन भगवानराः जंगर अरू कनहून उदुःगेता।

2 कुरिंती 13:4

ईसू कुरूसरेय गोएगनेन मेला हाँय अबड़ावतोय ञिलुःआ। हनारे हों हाँय भगवानराः जंगरते जिनियत इदानिया। हनन इया अले हों हाँय इया अबड़ इदानलेःआ, मनदो भगवानराः जंगरते ईसू सुदा अले हों जीयतले दोहोनता, जेमहा अपे लगाले सेवागोड ञवन।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 7:14

अपे बदीरे हाँय एचेरे ईंग मुरुक ईंग भल-भलायनेना। अरू अपे ईंग मेरपे गियू ओवाडिंगा। अले अपे बदीरेले कतातेरा हना जमाकून सताय दोहोना अरू हनन इया अपे बदीरे तितूस एचेरेले भल-भलायनेना हना हों सनाताय होयायान।

इपीसी 1:13

अपे सडावता हना नपाय सरवनराः सताय कता अपे हों अयूमकेडखनपे बिसवासकेरा अरू हनमेला भगवान जबानतेरा हाँयग सुद बिरुवा अपे जीवरे मीटोंग मोहोर इया लगावतेडखन ईसू मसीते आँयगरिकुःआ निकता होड़कूय बड़ाँवकेडपेःआ।

इपीसी 3:20

तुमिनबू असे अवेयता अरूबू ओंगोल अवेयता, हना अते मुरुक बगरा, अबू जीवरे अनँयगराः जंगरतेय एनेचे अवेयता,

इपीसी 4:21

अपे हाँय बदीरेपे अयूमबाःकेरा अरू चेडदार होड़कू अपेकू चेडतेरा, हना कता ईसू मसीराः सनाताय चेडतो हवे।

कुलूसी 1:5

दो भगवान अपे लगा सेरमो रइजरेय दोहोकेरा, हना नपाय जीव जहन लगापे असरागोड ञवनतना। नाःआ असरा बदीरे भगवानराः सताय नपाय सरवनतेपे अयूमकेरा।

1 तिसलूनिका 5:8

अबू दिनरिकुःआ होड़कू इदानबुःआ। हनालगा अबू ईसू मसी एचेरे अबूराः बिसवास अरू एटाः होड़कू सुदा इदा हना दुलार झिलम इया तुसिंगकेडखन अरू ईसू मसी अबूय सडावता हना असरा सइनाकूराः टुपी इया हरूबकेडखन अँननबू ओंगोल समझाव हड़ाः इदा।

2 तिमुतियूस 2:15

तोनोंग कतारे गियुः मेर पराःता अरू भगवानराः सताय सरवन ननपायतेय चेडकूता भगवान जुकूरे दोहोनता हाँयग सेवकिया होड़ इया अनम आम जिमान लगा मिहनइत घड़ीनमे कुरनिसगे।

2 तिमुतियूस 4:7

ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

इबरानी 2:4

चिनहाकूनते अरू बयाव जुवाः इयाःआ बुताकूनते अरू एटाः एटाः इयाःआ ञेनेल ञेलरे नपाय जुवाःता हना बुताकूनते, अरू अनँयग हिछा इया होड़कूय हटिंगवातेरा हाँयग सुद बिरुवाराः दहिनकूनते भगवान, हाँयराः सरवन सताय हवे माःआन हिदइते उदुःबाःगोतेडा।

एकूब 1:18

हाँय तुलाकेरा हना जमाकून अते अबू बिसवासी होड़कू हाँय एचेरे बुताराः मड़ंग बंटा इया होयाः लगा भगवान चहाःतना। हनालगा हाँय अनँयगराः सताय सरवनते अबू नँवाय तुलाकेडबुःआ।