2 कुरिंती 6:11 - Korwa Bible

¹¹ ने कुरिंती सहररिकुःआ वपक बोपोहकूतिंग, अले अपे एचेरे जमालेःआले कता उदुःकेरा अरू मिनी जीवतेले अलार-दुलारकेडपेःआ।

2 कुरिंती 6:11 ပူးပေါင်းရင်းမြစ်များ

मूक चेलाकू 18:1

हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:8

अरजी ओड़ाःरीग हातपात होड़ किरिसपूस आँयग ओड़ाःरिकुःआ जमा होड़कू सुदा परबू ईसू एचेरेकू बिसवासतेरा। कुरिंतीरिकुःआ मुरुक बगरा होड़कू, पउलूसराः परसारकू अयूमतेरा हँकुःआ होड़कू हों परबू ईसू एचेरे बिसवासतेडखन बतिसमाकू गोःतेरा।

2 कुरिंती 12:15

हनालगा ईंग बहालते ईंगराः जमा जिनिसकून अरू ईंग इनिंग हों अपे लगा जिमागुः लगा सपड़ावतो इदानिंगा। ईंग अपे मुरुक बगरायिंग अलार-दुलारपेतान दो अपे ईंग गुनमिनपे अलार-दुलारगींगता जा?

2 कुरिंती 2:4

ईंग अपे जीव अदरुजीन लगा कोवान मनदो ईंग तुमिन अपेयिंग दुलारता हना अपे सुदीगे लगा ईंग जीव मुरुक कुहकाःआ अरू खोबराःआ अते इनियाम इयाम घड़ीन हना चिठीयिंग ओजाःतेरा।

गलातिया 3:1

ने गलातियारिकुःआ होड़कू, अपे करा उड़ी नाःआ इयापे बोकोयना? ईसू मसी कुरूसरेय गोएगनेना माःआन अपे सनाताय सतायिंग उदुःवातेडपेःआ। दो अपे करा इया पती ञेडतो इयापे होयायना?

गलातिया 4:12

ने अजी बोपोहकूतिंग, अपे एचेरेयिंग गोड़न-पइयनतना। अपे मड़ंगरे नियमकून मेरपे मनावगाड, हनन इया ईंग होयिंग होयाकिया। दो नुँहू अपे ईंग इया नाःआ नियमकून मनाः लगापे अड़ाः एंडागोड। ईंग अपे एचेरे मड़ंग मी तुरहा परसारगे लगायिंग सेनेडा दो,

इपीसी 6:19

ईंग भगवानराः नपाय सरवन कताय मेला, डीड़ते हना सरवनराः ओकोत कताकूनिंग कता अवे लगा, ईंग लगा होँपे अरजी।

इपीसी 6:8

अपे नाःआ कता उहियारबाःकापे, सेवकियाकू सहे मालिककू दोहोन, नपाय बुताकू बुताता हँकुःआ जमा होड़कू लगा अँनकूराः बुता इया, परबू इमाने एमेवाकूता।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

पिलिपी 4:15

ने पिलिपीरिकुःआ होड़कू, अपे अँननपे सुदीयतना, मड़ंग मी तुरहा भगवानराः नपाय सरवन ईंग अपे एचेरेयिंग परसारतेरा। हना तयोमरे मकिदुनिया देस अतेयिंग सलाः मेला अपे अड़ाःकेडखन तोनोंगाः कलसियारिकुःआ होड़कू ढिबुवा एमेवाडखन मेरकू संघरावागडिंगा।

उदुःतो कताकून 22:12

हनते ईसू अरूय कतातेरा, “अपे ईंगपे अयूम! ईंग हनालियिंग कुदा वेगता। अरू जमाकू अँनकूराः बुता इया बदला एमेवाकू लगा ईंग एचेरे इमान इदा।