2 कुरिंती 6:10 - Korwa Bible

¹⁰ अले फिकिराः होड़कू इया इदानलेःआ, मनदो जमा बेला बनाहालतेले दोहोनता, गरीब होड़ इया इदानलेःआ मनदो मुरुक होड़कूले गिरहतगोडता। अले एचेरे कहिसाः कोवानेःआ, मनदो अले एचेरे जमालेःआ इदा।

2 कुरिंती 6:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:12

मड़ंगरेकू दोहोना हँकुःआ भगवानराः बड़रा कता होड़कू हों एटाः होड़कू ननानाः इयाकू संतावतेडकुःआ। सेरमो देसरे अपे लगा भगवान इमाने एमेता। हनालगा अपे बनाहालतेपे दोहोन।”

मती ओजाःतेरा भगवानराः नपाय सरवन 5:4

इयाम घड़ीनकू फिकिराःता, हँकुःआ होड़कूराः जीव-जहन भगवान भलावाडखने नपायगेयता, अरू हाँय हँकुःआ होड़कूराः जीवे कता बहालगोडता।

लूका 6:21

ने रंगेगतो होड़कू, अपेराः जीव-जहन भगवान भलावाडखने नपायगेता, हनालगा अपे संतोक जुवाःता। ने इयामतिकुःआ होड़कू, अपेराः जीव-जहन भगवान भलावाडखने नपायगेता, हनालगा अपे लांदता।

एहुना 16:22

हनन इया नुँहू अपे उसियाड़ीकिया, मनदो अपे सुदा अरूयिंग जुमाःता अरू अपेराः जीव बहाल जुवाःता। नाःआ बहाल तोनोंगीग अपे अते ओरोकू चलाः अवेतेरा।

मूक चेलाकू 16:25

दो हटिंग बरा रइतरे हँकिन बना होड़ पउलूस अरू सिलास भगवान एचेरेकिन अरजीतेरा अरू भगवान लगाकिन सेरेंगा। हनमेला हना जेहेलरे सींगतोकू दोहोना हँकुःआ एटाः होड़कू हों हँकिनराः सेरेंगकू अयूमाः।

मूक चेलाकू 3:6

मनदो पतरस कतातेड, “ईंग एचेरे सोना अरू चाँदी कोवानेःआ, मनदो ईंग एचेरे इदा हना ईंग एमेवामतिंग। नसरेतरीग ईसू मसीराः ञावतेम सेन।”

मूक चेलाकू 5:41

अरू हँकू हना ततेर अते सेन मेला बहालनेनखनकू कता होड़ेंगा, ईसू लगा कटसिया ससहाव लगा भगवान अबूय सुनावकेरा, माःआन।

रूमी 11:12

भगवान इसराएल होड़कू सडावकू लगाय ओंगोलतेरा। मनदो हना अते हँकू अइठावयान अरू बेगर इसराएल होड़कू लगा नफा होयाकिया। दो इसराएल होड़कू भगवानराः सडावकू मनेवा दो हँकू अते चउंदीसरिकुःआ जमा होड़कूराः जीव अरू नपाय चिला लगा मेर होयाकुःआ?

रूमी 12:15

बहालतेकू दोहोनता हँकुःआ होड़कू सुदा अपे होँपे बहालगुः अरू इयामतकुःआ होड़कू सुदा अपे होँपे इयाम।

रूमी 15:13

दो ईंगरिकुःआ अजी बोपोहकूतिंग, अपे ईसू मसी एचेरेपे बिसवासकेरा। हना अते अबू नाःआ असराय ओवाडबुःआ हाँयग भगवान, अपेराः जीव सलसतते अरू बहालतेय पेरेगगोड लगायिंग अरजीतना, जेमहा अपे सुद बिरुवाराः जंगरते हना असरारेपे बडे जुवाः।

रूमी 8:32

भगवान, अनँयगरीग मिनीटोंग निकता बेटात, गुजुः लगा ओरोयिंग जिमातिडिया, माःआन मेरेय ओंगोलगाड, मनदो अबू जमाकू लगाय जिमागोतेडीग। दो हाँय, आँयग बेटात सुदा अबू लगा जमा बरानाः चिला लगा मेरेय एमेकेःआ?

रूमी 9:2

अरू ईंगरिकुःआ जइत सगाकू, इसराएल होड़कू लगा ईंग जीव ओंगोल हदराः घड़ीन कुहकाःतना।

1 कुरिंती 1:5

अपे ईसू मसी सुदापे मिनीयान अते भगवान अपेराः जीवे उडु-बुडूगोतेडा, जेमहा अपे नपायतेपे बुतुड़ु अवेन अरू जमा बरानाःपे बुझाव अवेन।

2 कुरिंती 2:4

ईंग अपे जीव अदरुजीन लगा कोवान मनदो ईंग तुमिन अपेयिंग दुलारता हना अपे सुदीगे लगा ईंग जीव मुरुक कुहकाःआ अरू खोबराःआ अते इनियाम इयाम घड़ीन हना चिठीयिंग ओजाःतेरा।

2 कुरिंती 4:15

अले सहावतेरा हना जमा कटसियाकूनते अँनपेके नफा इदा। हना अते भगवान मुरुक होड़कूय मयागोड ञवनता अरू हँकू हाँयकू धनियाबादता, जेमहा भगवानराः मान मरजइत बनागरा इदीन।

2 कुरिंती 4:7

मनदो अले नाःआ मुरुक किमइतराः दहिन दोहोगेता हना हासराः बटुवा इया इदालेःआ। दो नाःआ अगामाः जंगर अले अगीते कोवान मनदो भगवान अगीतेले पवावकिया माःआन उदुःगेता।

2 कुरिंती 8:9

अपे सुसुदीतना अबूरीग परबू ईसू मसी मयावाडबुःआ। हाँय सेरमो देसरे गिरहते दोहोन हों हाँय अपे लगाय गरीबयान, जेमहा हाँय गरीबगुः अते अपे भगवान बदीरेपे गिरहत जुवाः।

इपीसी 3:16

भगवान एचेरे अगम नपाय मरंग धन इदा। अरू हाँय हना धन अते सुद बिरुवाते अपेराः इंदरीरे अनँयगराः जंगर एमेकेडखन अपेराः जीवे बनड़ियाड़ ञवन लगायिंग अरजीतना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

पिलिपी 2:17

भगवान एचेरे अपेराः बिसवास अरू सेवा भगवान लगा दाः बलिदानकू दूलता हना इया इदा। अरू हना बलिदान पुरावगे लगा ईंगके गुजुः हों पराः, हनारे हों ईंग अपे सुदायिंग बनाहाल जुवाःता।

पिलिपी 4:4

अपे परबू एचेरे जमा बेला बहालतेपे दोहोन! अरूयिंग कतायतना, अपे बनाहालतेपे दोहोन!

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

1 तिसलूनिका 1:6

अपेके मुरुक संताव होयानेना। हनाते हों सुद बिरुवा एमेयता हना बहालते अपे नपाय सरवनपे मनावकेडखन अलेरिकुःआ अरू परबूरिकुःआ ञेल सिखात होड़कूपे बड़ाँवनेना।

1 तिसलूनिका 5:16

जमा बेला बनाहालतेपे दोहोन।

1 तिमुतियूस 4:8

देह बड़ियाड़ बड़ाँवगे दो नपाय इदा, मनदो भगवानराः ओंगोल इया जीव बड़ियाड़ बड़ाँः दो हना जमालेःआते ननपाय इदा। नाःआ, चउंदीसराः गुजर मसर लगा अरू गुजुः तयोमराः जीव लगा हों नफा एमेयता।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

1 पतरस 4:13

मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।

उदुःतो कताकून 2:9

“अपे कटसियारे इदानपेःआ अरू जोम ञूय लगा अपे एचेरे कहिसाः कोवानेःआ, माःआनिंग सुदीतना। मनदो अपे गिरहत इदानपेःआ। ईंग सुसुदीतना, अले भगवानरिकुःआ होड़कू हवे, माःआनकू कतनता हँकुःआ होड़कू, अपे मुरुककू ओपतावापेता। मनदो सतायरे हँकू भगवानरिकुःआ होड़कू ना लवे अरू हँकू कलउराः गउदारिकुःआ होड़कू हवे।

उदुःतो कताकून 21:7

जितावबाः जुवाःता हँकुःआ होड़कू नाःआ जमाकूनराः इताडदारकू होयाःता। ईंग हँकूरीग भगवानिंग दोहोनता अरू हँकू ईंगरिकुःआ लइंकू दोहोनता।