2 कुरिंती 6:1 - Korwa Bible

¹ अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

2 कुरिंती 6:1 ပူးပေါင်းရင်းမြစ်များ

मती ओजाःतेरा भगवानराः नपाय सरवन 23:37

ने एरुसलेम मरंग सहररिकुःआ होड़कू, अपे भगवानराः बड़रा कता होड़कूपे ञेड एंडाता अरू भगवान अपे एचेरेय वारतेडकुःआ हँकुःआ होड़कू दिरितेपे ञेडतेडकुःआ। ईंग मुरुक तुरहा सिम अनँयग होनकूय बुरुमता हना इया बनसावपे लगायिंग ओंगलेःआ। मनदो अपे ईंग हना इया एचे लगा मेरपे एमेवागाडिंग।

मूक चेलाकू 11:23

हाँय हंडा सोदोरनेनखन भगवानराः मया हँकुःआ होड़कू एचेरे ञेलतेडखन मुरुके बहालयान। अरू हँकू जमा इंदरीते परबू ईसू एचेरे बिसवास हड़ाःगोड ञवनकू लगाय कता बहालगोतेडकू।

मूक चेलाकू 14:3

मनदो पउलूस अरू बरनाबास हंडा मुरुक दिन वरीकिन दोहोना अरू मुरुक डीड़ते भगवानराः मयाराः सरवनकिन कता उदुःतेरा। ईसू हँकिन मुरुक बयाव जुवाः इयाःआ बुताकून एचे लगाय संघरावाकिना अरू हनाते होड़कू सुदीगोतेड, नाःआ सरवन दो सनाताय हवे माःआन।

रूमी 12:1

हनालगा ईंगरिकुःआ अजी बोपोहकूतिंग, भगवान अबूय मयावारा हना कता उहियारकेडपेखन अपे एचेरे गोड़न पइयन घड़ीनिंग असेयतना। अपे अँननपेराः देह भगवान ननायगुःता हना सुद अरू जीयत बलिदान इया जमालेःआपे जिमागोड। नाःआ भगवान सेवाराः सताय लूर हवे।

1 कुरिंती 3:9

दो मनइद कता ननानाः हवे, अलिंग भगवानरिकिनाः सेवा देंगवा होड़किन हवे, अरू अपे भगवानराः दोहोड़ इया इदानपेःआ। अरू अपे भगवानराः ओड़ाः इया हों इदानपेःआ।

2 कुरिंती 10:1

अदोम होड़कू कतायता, पउलूस दुरहियाते चिठीय ओजाःतान मेला मुरुके डीड़गार जुवाःता मनदो अबू मड़ंगरे पोंकाहा इदानिया, माःआन। दो ईंग इनिंग पउलूस मसी इया सुधा अरू हुडिंग ओंगलुः घड़ीन अपे एचेरेयिंग गोड़न-पइयनतना।

गलातिया 2:21

नियम मनावकेडखन कसूर अते फड़ियावतो होड़कूबू बनाड़ाँव अवेकुः दो, ईसू मसी अबू लगा गुनुजुः बेगर मतलोब होयाकुःआ। हनालगा भगवानराः मया सदाःआ हवे माःआन, मेरिंग ओंगलेतना।

गलातिया 3:4

नाःआमिन अपे सेसा-दुराकिया, हना दो सदाःआयना जा? मेनेर होयागना।

1 तिसलूनिका 3:5

ईंग बोरा, अपेराः बिसवास एचे अड़ाःपे लगा कलउ लहकाव सोतेडपेःआय करे अरू अले अपे तलारेले एचेतेरा हना बुता सदाःआ होयायान करे, माःआन। नाःआ ईंग मेरिंग सहाव अवेगड। हननलगा अपेराः बिसवास बदीरे ईंग सुदीगे लगा तिमुतियूस अपे एचेरेयिंग वारतिरिया।

तितूस 2:11

भगवान जमा होड़कू सडावकू लगाय मयावातेडकुःआ। हनालगा नाःआ इयाम चेडगोड ञवन,

इबरानी 12:15

तोनोंगीग भगवानराः मयाय पवाः अते अनँयग तिःई कुदागे अते सवासितीपे दोहोन। अरू हटी जेर इया तोनोंगाः कताकून अपे तलारे अलो सेडे़याः लगा हों सवासितीपे दोहोन। नाःआ अते होड़कू हलकइन जुवाःता अरू मुरुक होड़कूराः जीव मइलाव जुवाःता।

इबरानी 12:25

भगवान अपेय कता उदुःवाता हना कता नपायपे अयूम ठुड़ावगे। चउंदीसरे होड़कूय सेतावतेरा हाँयगराः कता मेरकू मनावगान, हँकुःआ होड़कू मेनेरकू बनसावगान। दो सेरमो देस अते अबूय सेतावतना हाँयराः कता मेरबू अयूम ठुड़ावगे दो, अबू बनसाव अवेनता जा?

इबरानी 4:1

हनालगा भगवान जबानकेरा हना लोड़ोन अबू अटकार अवेय लगा हन नुँहू वरी सलाव वेगतना। दो अबू अते तोनोंगीग होड़ हना लोड़ोन मेरेय अटकार अवेगे अते सवासिती दोहोन लगा इदा।

1 पतरस 4:10

भगवान अनँयगराः अगामाः मयाते एमेवातेडपेःआ हनानाः दहिनकूनते नपाय जिमेवारी होड़कू इया अँननपे अपे सेवा होड़ेंग।