2 कुरिंती 5:11 - Korwa Bible

¹¹ अले परबूराः अकूसले मनाःता। हनालगा अले होड़कू हाँय अगी कुदाकू लगाले मंदरावकूता। अरू भगवान अले बदीरे जमाकून नपायतेय सुदीयतना अरू हान अपे हों सुदीगोडपे लगाले असरातना।

2 कुरिंती 5:11 ပူးပေါင်းရင်းမြစ်များ

मती ओजाःतेरा भगवानराः नपाय सरवन 10:28

अपेराः देहकू ञेड एंडाता, मनदो अपेराः बिरुवा ओरोकू गोएग अवेतेरा हँकुःआ होड़कू सुदा अलोपे बोर। मनदो अपेराः बिरुवा अरू देह दगलीकून नरगरेय लाय एंडा अवेता हनाँयपे बोरोवा।

मती ओजाःतेरा भगवानराः नपाय सरवन 25:46

दो नँकुःआ होड़कू ओरो टुटीगनेना हना कटसियाकू पवाःता। मनदो बेगर गारबार होड़कू ओरो टुटीगनेना हना जीवकू पनावाःता।”

लूका 12:5

अपेके इये सुदा बोर लगा इदा, हनायिंग उदुःवापेता। अपे भगवानपे बोरोवा, हनाँय एचेरे अपेराः देह अरू जीव बनर नरगरे सोलोंगे लगा हातपात इदा।

लूका 16:31

इबराहीम हाँय एचेरेय कताया, मोसेस अरू भगवानराः बड़रा कता होड़कूराः सरवन हँकू मेरकू मनाः दो गोएगतो होड़कू अते तोनोंगीग जियाव रिमुः हों हँकू कसूर अते जीव ओनोरोकू कुदातेरा।”

मूक चेलाकू 13:43

तयोमरे अदोम एहूदाकू अरू भगवानकू मान मरजइतता हँकुःआ बेगर एहूदाकू, एहूदा धरमरेकू बोलोनेना हँकुःआ होड़कू पउलूस अरू बरनाबासराः तयोम तयोमकू ओतोंग वेगा। दो हँकिन हँकू सुदाकिन बड़रानेन अरू कता-बहालतेडकूखनकिन कतातेड, “भगवान अपेय मयावारा, हनालगा हाँय एचेरेपे बिसवासगोड ञवन।”

मूक चेलाकू 18:13

हँकू हाँय बदीतेडखनकू कतातेरा, “नाँयग होड़ नाःआ सहररिकुःआ होड़कू अलेराः नियम इया कोवान, मनदो एटाः इया भगवान जाग लगाय चेडलेतना।”

मूक चेलाकू 18:4

जनामा लोड़ोनराः दिनरे पउलूस अरजी ओड़ाःरे सेनेवाडखन एहूदाकू अरू बेगर एहूदाकू सुदाय कता होड़ेंगा अरू हँकू एचे बिसवासकू लगाय कुरनिसगेःआ।

मूक चेलाकू 19:26

अपे ञेलतना अरूपे सुसुदीतना, नाँयग पउलूस इपीसी सहररिकुःआ मुरुक बगरा होड़कू अरू जमा आसिया राइजरिकुःआ होड़कूय एचे सुदीगोतेडा अरू एटाः इयाय बहकावगोतेडकुःआ, माःआन। हाँय कतायतना मनुवाराः तिःईतेकू तुलाकेरा हना मुरतीकून भगवान हिरगिस ना लवे।

मूक चेलाकू 26:26

ईंग राजा मड़ंगरे बेगर बोरतिंग कतायता, हना कता हाँय होंय सुदीयता। अरू नाःआ कताकून जमाकू मड़ंगरे होयानेना अरू ईंग बिसवासगेतना हना तोनोंगाः कता हाँय अते ओकोत कोवानेःआ।

मूक चेलाकू 28:23

दो हँकू हाँय सुदा बुतुड़ु लगा मीटोंग दिनकू तोल दोहोतेरा। अरू हना दिन पउलूस दोहोना हना ओड़ाःरे, मुरुक होड़कू जुमावनेना। निंदावा अते सिंगाड़ वरी, हाँय भगवानराः बड़रा कता होड़ मोसेसराः नियमकून, अरू भगवानराः बड़रा कता होड़कू ओजाःतेरा एटाः कागदकूनते, ईसू मसीराः बदीरे एचे सुदीकू घड़ीन, भगवानराः राइज बदीरे हिदइते उदुःवातेडकुःआ।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

2 कुरिंती 6:1

अले भगवानरिकुःआ सेवा देंगवा होड़कू इदानलेःआ अते अपे एचेरेले असेयतना, भगवान अपे मुरुके मयावाडपेःआ, हना अपे जीवरे अहवइर अलोपे होया ओवा।

गलातिया 1:10

दो ईंग, होड़कू कता ननाय लगा जा भगवान बुता ननायगे लगायिंग चहाःतना? अपे चेले माःआनपे ओंगोलगींगतना, नाँय होड़कू जहंडाव होड़ हवे? ईंग नुँहू वरी होड़कू कता ननाय होड़िंग दोहोकुः दो ईंग मसीरीग सेवकिया होड़ ओरोयिंग दोहोकुःआ।

इपीसी 5:21

अपे ईसू मसीराः अकूस मनाः घड़ीन, अपे जमाकू अँननपे सेवा होड़ेंग ञवन।

इबरानी 10:31

जीयत भगवानराः तिःईरे पराः मुरुक जबूरन कता इदा।

इबरानी 12:29

अरू अबू अलोबू लिड़िंगगेय, अबूरीग भगवान लाय एंडायीग सेंगेल हवे।

जूदा 1:23

अरू सेंगेलराः फड़ियाव अते होड़कू उलचाः उडुंगकेडकूखनपे बनसावकू अरू भगवानराः अकूस मनाः घड़ीन एटाः होड़कूपे सोगावा। मनदो हँकूराः कसूरते अपेराः जीव मइलाः अते सवासितीपे दोहोन।

उदुःतो कताकून 20:15

अरू तोनोंगीग होड़राः ञाव जीवराः कागदरे ओजाःतो मेर दोहोगान, हँकुःआ होड़कू सेंगेलराः हुडिंग समुंदररेकू रेमगे बोलोगोतेडकू।