2 कुरिंती 3:9 - Korwa Bible

⁹ डंड एमेता हना कता-जमकावतो नपाय दोहोना दो, होड़कू बेगर गारबारकू बड़ाँवगोडकूता हना नँवा कता-जमकावतो, जुना कता-जमकावतो अते अरू बगरा नाय नपाय चिला लगा मेर होयाकुःआ?

2 कुरिंती 3:9 ပူးပေါင်းရင်းမြစ်များ

रूमी 4:11

इबराहीम खतनानते मनाड़ंग भगवान एचेरेय बिसवासतेरा। हनालगा हाँय भगवानराः ओंगोलरे बेगर गारबार होड़े बड़ाँवनेना अरू अनँयगराः देहरे मीटोंग चिनहा इयाय खतनानेना। बेगर खतनाते हों भगवान एचेरेकू बिसवासकेडखन भगवानराः ओंगोलरे बेगर गारबार होड़कूकू बड़ाँःता हँकुःआ होड़कूरीग खुटिपरिया होड़ इबराहीम बड़ाँवकिया।

1 कुरिंती 1:30

भगवान अपे ईसू मसी सुदाय मिनीकेडपेःआ अरू हाँय अगीते अबू कनहूनदारकू बड़ाँवकिया। अरू हाँयते अबू भगवानराः ओंगोलरे बेगर गारबार होड़कूबू बड़ाँवकिया अरू सुद होड़कू बड़ाँवकेडबूखने सडावकेडबुःआ।

1 कुरिंती 15:41

बेरराः लवकाः मी बरान इदा, अरू बांगोराः मरसल एटाः बरान इदा, इपीलकूराः टेडेग एनेटाः बरान इदा। अरू हँकू जमाकू एनेटाः एटाः इया सुघरकू ञिलुःता।

2 कुरिंती 3:8

दो सुद बिरुवाराः सेवा मड़ंगाः कता-जमकावतोराः सेवा अते अरू नाय नपायते चिला लगा मेर होयाकुःआ?

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

गलातिया 3:10

भगवानराः कागदरे नाःआ इया ओजाःतो इदा; “जनामा नियमकून मेरकू मनाःता, हँकुःआ होड़कूराः जीव सती-सरापतो इदा।” हनालगा तोनोंगीग होड़ ओंगलेता, ईंग नियमिंग मनाः दो भगवान ईंग लगाय ननाय जुवाःता। हनते हों हाँय सती-सरापतो इदानिया।

पिलिपी 3:9

नुँहू ईंग ईंगराः तोनोंगाः नपाय बुता एचे अते सहे नियम मनाः अते भगवानराः ओंगोलरे बेगर गारबार होड़ मेरिंग बड़ाँवगना, मनदो ईंग ईसू मसी एचेरेयिंग बिसवासकेरा, हना अते ईंग भगवानराः ओंगोलरे बेगर गारबार होड़िंग बड़ाँवकिया। हाव, बिनिसवास एकलाते भगवानराः ओंगोलरे बेगर गारबार होड़िंग बड़ाँवकिया।

2 पतरस 1:1

ने ईंगरिकुःआ अजी बोपोहकूतिंग, ईसू मसीरीग सेवादार अरू मूक चेला सिमोन पतरस, ईंग नाःआ चिठीयिंग ओजाःगेतना। अबूरीग भगवान अरू सडावदार ईसू मसी, अबू बेगर गारबार होड़कूय बड़ाँवकेड अते, अले पवावकिया हनानाः मुरुक किमइताः बिसवासकू पवावकिया अपे लगा नाःआ चिठीयिंग ओओजाःतना।