2 कुरिंती 2:10 - Korwa Bible

¹⁰ तोनोंगीगराः गारबारपे बराव एंडा दो, ईंग हों हाँयराः गारबारिंग बराव एंडागोडता। ईंग बराव एंडागे इयाःआ गारबार इदान दो ईंग अपेके नफा होयाः लगा मसीराः मड़ंगरेयिंग बराव एंडागोडता।

2 कुरिंती 2:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:18

दो अपे ईंगपे अयूम, जे हों सकालाः अपे नाःआ चउंदीसरेपे तोल, हान सेरमो देसरे हों तोलतो दोहोनता। अरू जे हों सकालाः अपे चउंदीसरेपे गीगगे, हान सेरमो देसरे हों गीगतो दोहोनता।”

एहुना 20:23

अपे तोनोंगीग होड़राः कसूरपे बराव एंडागोड दो, हाँयराः कसूर भगवान बराव एंडागोडता। मनदो तोनोंगीग होड़राः कसूर अपे मेरपे बराव एंडाय, हाँयराः कसूर भगवान ओरोय बराव एंडातेरा।”

1 कुरिंती 5:4

अपे ईसू मसीराः ञावते मिनीरेपे जुमाःतान मेला, अरू ईंग जिनीव जीवरे अपे सुदा परबू ईसूराः जंगरतेयिंग दोहोन मेला,

2 कुरिंती 4:6

भगवान कतातेरा, “अंदरा अते मरसल विड़चेड़,” अरू हनाँय अनँयगराः मरसल अबू जीवरे विड़चेड़तेरा, जेमहा भगवान तुमिन मरंग इदानिया हना कता परबू ईसू मसीतेबू सुदी अवेय।

2 कुरिंती 5:20

दो अले राजारिकुःआ बराहीलकू इया मसी बदीरेले कतायतना। भगवान अलेतेय असेयतान इयाय कतायतना, अरू मसी लगा अपेले असेतना, जेमहा भगवान सुदापे हेल-मेल जुवाः।

2 कुरिंती 6:6

नाःआ जमा अले जीवरे होयानेना। हनारे हों अले सुद जीवले जियाःआ, अरू भगवानराः सरवनले ओंगोल बुझाःआ अरू सहाव घड़ीन सुधा होड़कूले दोहोना। अले एचेरे सुद बिरुवा दोहोनता अरू सतायते होड़कूले दुलारा।

इपीसी 4:32

अपे मयादारकू अरू सोगादारकूपे बड़ाँः अरू भगवान ईसू मसीते अपेराः कसूरे बराव एंडाकेरा, हनन इया अपे हों एटाःकूराः कसूरपे बराव एंडागोड।