2 कुरिंती 12:21 - Korwa Bible

²¹ ईंग बोरतना, अपे एचेरे अरूयिंग सेन दो होयाःकून करे अपे मड़ंगरे भगवान ईंगे एचे गियूगोडिंग। अपे अते मुरुक होड़कू मड़ंगरेकू एचेया हना सनहा-सनही, लमचोर-लिमचोर अरू बेलूर बुताकून अड़ाःकेडखन भगवान अगी जीव मेरकू कुदागरा। अरू हँकुःआ होड़कू हनानाः बुताकून एचे घड़ीनकू जियाःतना। दो ईंग हँकुःआ होड़कू लगा मुरुक फिकिराः पराःता करे?

2 कुरिंती 12:21 ပူးပေါင်းရင်းမြစ်များ

रूमी 13:13

अपे कसूर लूर-नेवन इया कोसोड़ा-दारू झड़ीकेडखन हउड़ी होड़कू अलोपे होयाः, सनहा-सनही अरू बेलूर बुताकून अहापे एचेय, कड़ीग अरू इरा होड़कू इया अहापे जियाः। मनदो अपेराः जीव भगवान मरसलगोतेडकुःआ हँकुःआ होड़कू इया नपाय लूर-नेवनतेपे जियाव ञवन।

रूमी 9:2

अरू ईंगरिकुःआ जइत सगाकू, इसराएल होड़कू लगा ईंग जीव ओंगोल हदराः घड़ीन कुहकाःतना।

1 कुरिंती 5:1

अपे तलारे तोनोंग तोनोंग होड़कू सनहा-सनहीकू एचेयतना माःआन सनातायतेयिंग अअयूमतना। अरू नाःआ इयाःआ बुता बेगर बिसवासी होड़कू हों मेरकू एचेयता। मी होड़ अनँयग हुडिंगीग एंगात सुदाय गेतेगतना।

2 कुरिंती 10:6

अपे मसीराः कता जमालेःआपे मनाव पुरावगोड। अरू हना तयोमते हाँयराः कता मेरकू मनाःता हँकुःआ होड़कू डंडियावकू लगा सनपड़ावतो इदानलेःआ।

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

2 कुरिंती 13:2

बार तुरहायिंग सेनेडा हनमेला ईंग ननानाः कतायिंग कतातेरा। नुँहू ईंग अपे सुदा कोवायिंगा। दो मड़ंगकू गारबारतेरा हँकुःआ होड़कू एचेरे अरू एटाः होड़कू एचेरे हों सेतावकू घड़ीन अरूयिंग ककतातना। ईंग मसी अगीतेयिंग ककतातना हनाराः आभापे असेतना।

2 कुरिंती 8:24

हनालगा अपे एटाः होड़कूपे दुलारता हनन इया हँकुःआ होड़कू होँपे दुलारकू। दो अपे बदीरेले भल-भलायनेना हना हँकू सताय हवे माःआनकू सुदीबाःगोडता, अरू अपे सतायतेपे दुलारतना माःआन जमा कलसियारिकुःआ होड़कू होंकू सुदीबाःगोडता।

गलातिया 5:19

होड़कू अँनकूराः बेलूर ओंगोल इयाकू एचेयता, हना जमाकून होड़कू एचेरे सिरामइत जुवाःता। हना जमाकून ननानाः हवे; सनहा-सनही, बेलूर बुताकून अरू गेतेग ठुड़ीनराः बेलूर ओंगोल,

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

इबरानी 13:4

सनहा-सनही होड़कू अरू बेलूर बुता होड़कू जमाकू भगवान डनंडियावकूता। हनालगा बियाह जमाकू मड़ंगरे मनन मरजइत इदा माःआनपे ओंगोलबाःका अरू बियाहराः डरी डसना सुनुदपे दोहोय।

2 पतरस 2:18

हँकू बेगर लूरराः बड़वार कताकूनकू कतायता। अरू हँकूराः सनहा-सनहिःआ बुताते, कसूर होड़कू अते निःईमिन लगाकू बनसावयना हँकुःआ होड़कू, देह दगलीकूनराः चाहाःतेकू एचे बझावगोडकूता।

जूदा 1:23

अरू सेंगेलराः फड़ियाव अते होड़कू उलचाः उडुंगकेडकूखनपे बनसावकू अरू भगवानराः अकूस मनाः घड़ीन एटाः होड़कूपे सोगावा। मनदो हँकूराः कसूरते अपेराः जीव मइलाः अते सवासितीपे दोहोन।

जूदा 1:7

नाःआ इया सोदोम, आमोरा अरू हना सहरकूनराः लेसानाः एटाः एटाः सहरकूनरिकुःआ होड़कू सनहा-सनही अरू जपाल होड़ेंग लगा अँननकू अँकू एमे होड़ेंगा। दो हँकुःआ होड़कू अरू हना सहरकून भगवान सेंगेलतेय बाल लो एंडागोतेडा अरू हँकुःआ होड़कू भगवान कसूर होड़कू ओरो टुटीगनेना हना सेंगेलतेय डंडियावकूता हनाराः चिनहाकू होयाकिया।

उदुःतो कताकून 21:8

मनदो पोंकाहा होड़कू, अरू बेगर बिसवासी होड़कू, अरू एरंग होड़कू, अरू ञेड एएंडा होड़कू, अरू सनहा-सनही होड़कू, अरू पपंगाड़ होड़कू अरू मुरती सेवा होड़कू अरू जमा लबरा होड़कू, हँकू जमाकू हना सेंगेल अरू हितकाःतो लेटे दिरिराः हुडिंग समुंदररेकू रेमगे बोलोगोडकूता। अरू ननानाः हवे बार नमार गुजुः।”

उदुःतो कताकून 22:15

कुतू इया होड़कू, अरू पपंगाड़ होड़कू, अरू सनहा-सनही होड़कू, अरू ञेड एएंडा होड़कू, अरू मुरती सेवा होड़कू, जमा बरानाः लबरा चहाः होड़कू अरू अडिग होड़कू, हँकू जमाकू हना सहरराः बहरीकू दोहोनता।

उदुःतो कताकून 22:20

नाःआ कताकूनराः हिदइते एमेता हाँय कतायतना, “हाव, ईंग हनालियिंग कुदा वेगता।” “आमीन! हाव, परबू ईसू वेगमे।”