2 कुरिंती 11:23 - Korwa Bible

²³ हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 11:23 ပူးပေါင်းရင်းမြစ်များ

मूक चेलाकू 14:19

हना तयोमरे अंतकिया अरू इकुनियुम अतेकू वेगनेना हँकुःआ एहूदाकू अँकूराः बड़राते लिसितरारिकुःआ होड़कूकू कता बहकावगोतेडकू। हनते हँकू पउलूस दिरितेकू तेके ञेडतिरिया अरू नाँय गोएगयनाय माःआनकू ओंगोलतेड अरू हँकू पउलूस सहर अते बाहरीकू ओर उडुंगतिरिया।

मूक चेलाकू 20:23

मनदो ईंग नाःआ कतायिंग सुदीयतना जमा सहरकूनरे ईंग लगा कटसिया होयाःता अरू जेहेलरे ईंगकू सींगगोडता माःआन सुद बिरुवा सेतावकिरिंगा।

मूक चेलाकू 21:11

हाँय अले एचेरे वेगकियानखन पउलूसराः पेटार गोःतेडखन हाँय अनँयग तिःई अरू काट तोल रहावनेनखने कताया, “भगवानराः सुद बिरुवा नाःआ इयाय कतायतना, नाःआ पेटार इयेराः हवे, हाँयग होड़ एहूदाकू ननन उड़ी तोल रहावकिरिगखन बेगर एहूदाकू एचेरेकू जिमागोडेयता।”

मूक चेलाकू 25:14

हँकिन पिसतूस सुदा मुरुक दिन वरीकिन दोहोना। हनमेला पिसतूस पउलूस बदीरे राजाय कता उदुःवातेरा, “पेलिकस तोलतोय अटूडिया मी होड़ होड़ नंडा इदानिया।

मूक चेलाकू 27:1

अले जहाजते इटली देस सेन लगा पिसतूस ओंगोल दोहोतेरा, दो पउलूस अरू एटाः तोलतो होड़कू अगुसतूस ञावराः सइना होड़कूराः गउदारीग हातपात होड़ उलियूस एचेरेकू जिमागोतेडकू।

मूक चेलाकू 28:16

अले रूमी सहररेले सोदोरनेन दो हातपात होड़कू पउलूस एकला मीटोंग ओड़ाःरे दोहोन लगाकू ओवातिरिया, मनदो हाँय सुदा हाँये अगुराःआ हाँयग मी होड़ सइना होड़ होंय दोहोना।

मूक चेलाकू 28:30

दो पउलूस अनँयग किराया ओड़ाःरे बार बरिस वरीय दोहोना।

मूक चेलाकू 9:16

हाँय ईंग लगा तुमिन कटसिया सहावगे लगा इदा हना हाँय ईंग उदुःवायतिंग।”

रूमी 8:36

भगवानराः कागदरे ओजाःतो इदा, “अले आमरिकुःआ होड़कू होयाकियानते सगर दिन गुजुः दूररेले सेने पारतना; अरू पुजा ञेड एंडा लगाकू गोःकूता हँकुःआ भेड़ाकू इया इदानलेःआ।”

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 4:1

ननन इया इदान दो अपे अलिंग ईसू मसीरिकिनाः सेवकियाकिन अरू भगवानराः ओकोत कनहून जिमात होड़किन इयापे ओंगोल दोहोलिंग।

1 कुरिंती 4:11

अले नाःआ बेला वरी रंगेग ततंगतो अरू सोनहे गेंदरा तुसिंगतो अरू उलत-कलातकू चपड़लेता अरू बेगर ओड़ाःते इदानलेःआ।

1 कुरिंती 4:9

ईंगराः ओंगोलरे, अले ईसूरिकुःआ मूक चेलाकू, गुजुःराः डंड पवाः लगा साब गोःतोकू दोहोनता हँननकुःआ होड़कू इया जमा होड़कू मड़ंगरे भगवान एचे चड़ाँकेडलेःआ। अरू सेरमो देसरिकुःआ बराहीलकू अरू नाःआ चउंदीसरिकुःआ होड़कू हों अलेकू ञेलता।

2 कुरिंती 10:7

अपे सताय कतापे सुदीवा। तोनोंगीग ओंगोलबाःका, ईंग मसीरीग हवे। दो हाँय अले बदीरेय बुझाबाःकान, ईंग इया हँकू हों मसीरिकुःआ हवे, माःआन।

2 कुरिंती 11:5

ईंग मेरिंग ओंगलेतना अगम मरंग चेलाकू अते ईंग हुनुडिंग इदानिंगा, माःआन।

2 कुरिंती 3:6

अरू हनाँय अले नँवा कता-जमकावतोराः सेवकिया जुकूरे बड़ाँवगोतेडलेःआ। नाःआ नँवा कता-जमकावतो ओजाःतो नियामकूनते कोवानेःआ, मनदो सुद बिरुवाते इदा। ओजाःतो नियमकून मेरबू मनाःतान अते गुजुःराः डंडबू पवाःता, मनदो सुद बिरुवाते जीवबू पवाःता।

2 कुरिंती 4:11

अले जिनियत इदानले हों ईसू लगा जमा बेला अले गुजुः सेंगसारेले पारता, जेमहा अलेराः गोएग जुवाःता हना देहरे, ईसू जीयत इदानिया माःआन होड़कू एचेरे उदुः जुवाः।

2 कुरिंती 6:9

अनसिनहार होड़कू इया इदानलेःआ हों जगल इदानलेःआ, गोएगतो इया इदानलेःआ मनदो जिनियत इदानलेःआ, ञेडतेला होड़कू इदानलेःआ मनदो ञेड एंडात कोवालेःआ।

गलातिया 6:17

ईंग ईसूरीग मूक चेला हवे अरू हनाराः चिनहा इया ईंग इनिंग देहरे कटसियाराः जोरोडिंग गोः चुवेरगेता। हनालगा अपे तोनोंगीग नुँहू वरीते ईंग अहापे हलकइनगींग।

इपीसी 3:1

ईंग पउलूस, अपे बेगर एहूदाकू एचेरे ईसू मसी बदीरे परसारगे अते जेहेलरे सींगतो इदानिंगा।

इपीसी 4:1

परबू ईसू मसीराः सरवन परसार बदीरे जेहेलरे इदानिंगा, अरू ईंग अपे एचेरे गोड़न पइयनकियानखनिंग असेयतना। भगवान अपेय राःकेडपेःआ दो, भगवानरिकुःआ होड़कू करा इया जियाः लगा इदा, हनन इयापे जियाः।

इपीसी 6:20

ईसू मसीराः सेवा लगाय वारकिरिंगा अरू ननानाः बदीरे ईंग तोलतो इदानिंगा। हनालगा करा इया बेगर बोरते नपाय सरवन ईंग कताय लगा इदा, हनन इया कता अवेय लगा होँपे अरजीगोड ञवन।

पिलिपी 1:13

मरंग राजा कइसरराः गड़हीरिकुःआ अगुरादारकू अरू मुरुक होड़कू ईंग बदीरेकू सुदीगोतेडा, हाँय ईसू मसी बदीरेय परसारतेरा। हनालगा जेहेलरे सींगतो इदानिया, माःआन।

पिलिपी 2:17

भगवान एचेरे अपेराः बिसवास अरू सेवा भगवान लगा दाः बलिदानकू दूलता हना इया इदा। अरू हना बलिदान पुरावगे लगा ईंगके गुजुः हों पराः, हनारे हों ईंग अपे सुदायिंग बनाहाल जुवाःता।

कुलूसी 1:24

अपे लगा कटसियायिंग सहावतना अते, ईंग बहाल इदानिंगा। अरू मसी, कलसिया लगा कटसियाय सहावतेरा, हनन इया ईंग हों कलसिया लगा कटसियायिंग सनाहाव ञवनतना।

कुलूसी 1:29

ननानाः लगा ईसू मसी ईंगे एमेवारा हना जंगरते, मुरुक मिहनइत घड़ीनिंग सेवाकूतना।

1 तिसलूनिका 3:2

हनाते अले अबूरीग बिसवासी वगाबू अरू ईसू मसीराः नपाय सरवनराः परसाररे भगवानरीग सेवकिया होड़ तिमुतियूस अपेराः बिसवास एचे बड़ियाड़गे लगा अरू बिनिसवासरे सलाः लगाय कता बहालवापे लगा अपे एचेरेले वारकिरिया,

1 तिमुतियूस 4:6

नाःआ कताकून जमा बिसवासी होड़कूम चेडगोड ञवन दो, ईसू मसीरीग नपाय सेवकिया होड़मे बड़ाँःता। आम मनाः घड़ीन दरवामेःआ हना बिसवास अरू सताय सरवनराः कताकूनते आमराः पला दरी होनोयागोड ञवनता।

2 तिमुतियूस 1:16

उनेसिपुरुस कइन तुरहा ईंग जीवे कता बहालकेरा। ईंग जेहेलरेयिंग दोहोना हनारे हों हाँय ईंग बदीरे मेरेय गियूगान। हनालगा हाँय ओड़ाःरिकुःआ होड़कू भगवान सोगावाकू लगायिंग अरजीतना।

2 तिमुतियूस 1:8

हनालगा आम परबू ईसूराः नपाय सरवन होड़कू एचेरे कता उदुःगे लगा सहे हाँयराः नपाय सरवन परसार अते जेहेलरे सींगतो इदानिंगा ईंग बदीरे हों अहम गियुः, मनदो भगवानराः जंगरते ईंग सुदा नपाय सरवन लगा कटसियाम सहाव।

2 तिमुतियूस 2:9

अरू हनानाः सरवन लगा कटसिया सहाव घड़ीन ईंग जेहेलरे इदानिंगा। मनदो भगवानराः सरवन तोलतो कोवानेःआ।

2 तिमुतियूस 3:11

अंतकिया सहररे अरू इकुनिया सहररे अरू लुसतरा सहररे होड़कू मुरुककू संतावतिडिंगा अरूकू कटसियातिडिंगा हना नपायतेम सुसुदीतना। मनदो अबूरीग परबू ईसू मसी नाःआ जमा कटसिया अते सडावतिडिंगखने बनसावकिडिंगा।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।

इबरानी 10:34

जेहेलरेकू दोहोना, हँकुःआ बिसवासी होड़कूराः कटसियारे अपे होँपे कटसियानेना। अपे सुसुदीःआ अबू लगा मुरुक नाय नपाय अरू सगर सइट दोहोनता हना आन-धान सेरमो देसरे इदा, माःआन। हनालगा होड़कू अपेराः आन-धानकू अडिग गोःआ, हनमेला अपे बहालतेपे लुड़ी गोः ओवातेडकुःआ।