2 कुरिंती 11:15 - Korwa Bible

¹⁵ दो कलउरिकुःआ सेवकियाकू हों भगवानरिकुःआ सेवकियाकूराः सेवा इया बोनाव सेवाकू सेवा दो अबूके बयाः लगा कोवानेःआ। हँकूराः बुनुता इया भगवान हँकूय डंडियावकूता।

2 कुरिंती 11:15 ပူးပေါင်းရင်းမြစ်များ

मूक चेलाकू 13:10

“आम कलउरीग बेटात अरू जमा सताय कतारीग मुदइ हवे। आम जमा बरानाः लबरा अरू अडिग अकामते पेरेगतो इदानमेःआ। परबूराः बदीरे सनातायतो इदा हना कता एचे बदलावाडखन लबरा कता तुला अते तोरेम दोहोन।

रूमी 2:6

अरू भगवान जमा होड़कू अँननकूराः बुता इया फड़ियावकेडकूखन इमान सहे डंडियाव बदलाय एमेवाकूता।

रूमी 3:8

नाःआ इयाकुःआ होड़कू कतायता, अबूराः कसूर अते नपाय होयाःतना दो, अबू कनासूरगोड ञवनताबू, माःआन। अरू अले बदीरे हों होड़कू कतायता, नँकू हों नाःआ इया होड़कूकू चेडता, माःआन। मनदो नाःआ इयाकू कतायता, हँकुःआ होड़कू डंडकू पनावाःता।

1 कुरिंती 9:11

मी होड़ किसाड़ हुड़ूय वेरता, हनन इया अलिंग अपे एचेरे नपाय सरवनलिंग परसारतेरा। दो अपे अते नफालिंग पवाःता हना नपाय कोवानेःआ जा?

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

2 कुरिंती 11:23

हँकू मसीरिकुःआ सेवकियाकू हवे दो, ईंग हँकू अते बइड़के इदानिंगा। नाःआ ईंग बउड़ाहा होड़ इयायिंग कतायता। ईंग मुरुकिंग मिहनइतकेरा, घड़ी घड़ी जेहेलरेकू सींगतिरिंगा, कइन तुरहा गुरुंदतेकू ञेडतिरिंगा अरू कइन तुरहा गुजुःतेयिंग बनसावकिया।

2 कुरिंती 3:9

डंड एमेता हना कता-जमकावतो नपाय दोहोना दो, होड़कू बेगर गारबारकू बड़ाँवगोडकूता हना नँवा कता-जमकावतो, जुना कता-जमकावतो अते अरू बगरा नाय नपाय चिला लगा मेर होयाकुःआ?

इपीसी 6:12

अबूराः लड़ाइ होड़कू सुदा कोवानेःआ। मनदो सेरमोरेकू दोहोनता हँकुःआ भूतकूरिकुःआ परधानकू अरू हातपातदारकू सुदा अरू अंदरारेकू दोहोनता हँकुःआ जंगरदार भूतकू सुदा अरू बेलूरकू एचे बुताकूता हना सेरमोरिकुःआ सइनाकू सुदा अबूराः लड़ाइ इदा।

पिलिपी 3:19

हँकुःआ होड़कू भगवान लाय एंडाकू लगाय ओंगोल दोहोकेरा। हँकू अँननकूराः नफा लगा अंदू घड़ीनकू दोहोनता अरू गियुः इयाःआ कताकूनरेकू बड़वारता। हँकूराः ओंगोल चउंदीसराः जिनिसकूनरे टक-टकित दोहोनता।

2 पतरस 2:3

हँकुःआ होड़कू लुभिया होड़कू इदानकुःआ। हनालगा हँकू बोनाव बड़राते अपेराः आन-धानकू अडिग जोमता। मनदो हँकुःआ होड़कू डंडियावकू लगा, भगवान मनाड़ंगतेय तोल दोहोकेरा हना डंडियाव ओरोय कुबेरतेरा, अरू भगवान हँकूय लनाय एंडाकूता।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 13:14

हाँयग जानरके मड़ंगीग जानर अते जंगरे पवावनेना। हनालगा हाँय बयाव जुवाः इयाःआ बुता एचे घड़ीन चउंदीसरिकुःआ होड़कूय बहकावा। हाँय हँकुःआ होड़कू एचेरेय कताया, “हाँयग जानर तलवइरतेकू ञेडतिरिया, मनदो मेरेय गोएगगान। दो हाँयराः मुरतीपे तुला।”

उदुःतो कताकून 13:2

ईंग ञेलतिरिया हाँयग जानरराः धउर हुंडर इया दोहोना, अरू हाँयराः काट हदरा काट इया दोहोना, अरू हाँयराः आह कूल आह इया दोहोना। हनते हाँयग लाल मरंग बींग आँयगराः जंगर अरू गदी अरू मरंग हातपात हाँयग जानरे जिमावातेरा।

उदुःतो कताकून 9:11

पतालपूरीग बराहील हँकूरीग राजाय दोहोना। हाँयराः ञाव इबरानी भासीरे अबादोन अरू उनानी भासीरे अपुलियोन इदा। (बनर लबदराः मतलोब लाय एंडायीग हवे।)