1 तिमुतियूस 6:12 - Korwa Bible

¹² बिसवास लगा मिहनइत घड़ीनमे लड़ाइ। बगरा होड़कू तलारे कबुलाः घड़ीनमे कता उदुःतेड मेला, ओरो टुटीगनेना हना जीव एमेवाम लगा भगवान राःतेडमेःआ हनानाः जीवराः दूररेम सलाव ञवन।

1 तिमुतियूस 6:12 ပူးပေါင်းရင်းမြစ်များ

2 कुरिंती 6:7

अले भगवानराः जंगरते सताय कताले कता उदुःगेःआ अरू बेगर गारबारतेःआ जीव जियाः लगा बनर तिःईरे अवजारकून साबतोयीग होड़ इया इदानलेःआ।

2 कुरिंती 9:13

नाःआ सेवाते होड़कू सुदीगोडता अपे मसीराः नपाय सरवन बिसवास घड़ीनपे मनावगोड ञवनतना अरू अपे गरीब होड़कू अरू एटाः बिसवासी होड़कू संघरावाकू लगा ओसताज इदानपेःआ, माःआन। अरू हना अते हँकू भगवानकू जागता।

पिलिपी 1:30

ईंगके परावनेना हना कटसियापे ञेलतेरा अरू नुँहू हों ईंग सेने पारतना हनानाः कटसियाराः बदीरेपे अयुमेतना। अरू अपे हों हनानाः कटसियातेपे सेने पारतना।

कुलूसी 3:15

हेल-मेलरे मिनी जुमूटकियानखन, मिनी देह इया दोहोन लगा, भगवान अपेय राःकेरा। दो मसी एमेकेरा हना सलसतते, अपेराः जीव सलसत जुवाः। अरू अपे भगवानपे धनियाबादगोड ञवन।

1 तिसलूनिका 2:12

जेमहा आँयगरिकुःआ होड़कू सुदा दोहोन लगा अरू आँयग सुदा मान मरजइतते राइजगे लगाय राःपेतना हाँयग भगवानराः ओंगोल इया अपेराः लूर नेवन होया जुवाः।

2 तिसलूनिका 2:14

अले अपे एचेरे ईसू मसीराः नपाय सरवनले कता उदुःतेरा अरू हना सरवनते भगवान, अपे ईसू मसीराः मान मरजइतरे मेसान लगाय राःकेडपेःआ।

1 तिमुतियूस 1:18

ने ईंग बेटा तिमुतियूस, आमिंग हुकुमवामतना, भगवानराः बड़रा कता होड़कूते सुद बिरुवा आम बदीरेय कतातेरा हना कता इया भगवानराः सरवन लगा,

1 तिमुतियूस 1:19

बिसवास अरू सताय ओंगोलते नपायमे लड़ाइगोड ञवन। अदोम होड़कू सताय ओंगोल अड़ाःकेडखन बिसवास दूर अतेकू बहकावयना।

1 तिमुतियूस 4:14

भगवानराः बड़रा कता होड़कू कतातेरा हना कता अरू कलसियारिकुःआ अगुवा होड़कू आम बोःरेकू खेपातेड मेला भगवान दहिनवातेडमेःआ, हना दहिन अहम एरांगवा।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

1 तिमुतियूस 6:19

नाःआ इया हँकुःआ होड़कू एचेय दो कहियो ओरो केड़ेनेना हना आन-धान सेरमो देसरेकू बटुड़ाव अवेयता, अरू हँकू सताय जीवकू जियाव अवेनता।

2 तिमुतियूस 1:9

हनाँयग भगवान अबूराः तोनोंग नपाय बुता ञेलकेडखन कोवान, मनदो हाँय चउंदीस बुँहड़ीन अते मड़ंगरेय ओंगोल दोहोतेरा हना इया ईसू मसीते मयावाडबूखने सडावकेडबुःआ अरू सुद जीव जियाः लगाय राःकेडबुःआ।

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

2 तिमुतियूस 4:7

ईंग परबू लगा नपायतेयिंग धरक बजिनी पुरावकेरा, ईंग बतकाःयिंग पुरावगोतेडा अरू बिसवासिंग संभाड़ दोहोकेरा।

इबरानी 13:23

अपे नाःआपे सुदीबाःका, अबूरीग बोहोबू तिमुतियूस जेहेल अतेय उडुंगयना। हाँय हलीय वेग जुवाः दो अपेका जुमाः लगालिंग सेनता।

इबरानी 3:14

अबू बिसवासकेरा हना बेलाःआ भरसा, टुटीग वरीबू बड़ियाड़ इदीन दो, अबू मसीरिकुःआ बुता देंगवा होड़कूबू बड़ाँव जुवाःता।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

1 पतरस 3:9

अपे बेलूर बदलारे बेलूर अपे अहापे कुदागे, अरू तूडपेताकू हना बदलारे अलोपे तुडकू, मनदो हँकुःआ होड़कूराः जीव-जहन भगवान नपायगे लगापे अरजीगोड ञवन। ननन इयाःआ बुताकून एचेय लगा भगवान अपेय राःकेडपेःआ, जेमहा अपेराः जीव-जहन हों भगवान नपायगे।

1 पतरस 5:10

अपे तोनोंग बेला वरी कटसियापे सहाव दो, मुरुक मयादार इदानिया हाँयग भगवान, अपेराः जीव जमालेःआतेय नपायगोडता। नाःआते अपेराः जीवरे तोनोंग इयाःआ गारबार ओरो दोहोनेना अरू अपेराः जीव बड़ियाड़कियानखन तोनोंगाः हुडिंग बगरा ओरो होयानेना। हनाँयग भगवान अपे ईसू मसीते कहियो ओरो टुटीगनेना हना मान मरजइतपे पवाः लगाय राःकेडपेःआ।

1 एहुना 2:25

अरू ननानाः ओरो टुटीगनेना जीव एमे लगा भगवान अबूय जबानवारा।

जूदा 1:3

ईंगरिकुःआ सउंगताकू, भगवान ईसू मसीते अबूय सडावकेरा हना बदीरे ओजाःगे लगा जमा बरानिंग कुरनिसतेरा। मनदो बिसवासी होड़कू एचेरे भगवान मिनी तुरहाय जिमावातेरा हना बिसवासपे संभाड़गे लगा जमा बरानाः कुरनिसगे लगा इदा। अरू नाःआ कता बदीरे अपे लगा ओजाःकेडखन अपे एचे कता बहालपे लगा नुँहूयिंग ओंगोल दोहोकेरा।

उदुःतो कताकून 3:3

दो अपे अयूमकेरा अरूपे चेडकिया हना कताकून उहियार घड़ीनपे मनाः अरू कसूर अते भगवान अगी जीवपे कुदा। अपे बेरेडतो मेरपे दोहोन दो ईंग इनिग होड़ इयायिंग सोदोर जुवाःता, अरू अपे कहियो ओरोपे सुदी अवेतेरा, ईंग तुमिस अपे एचेरेयिंग सोदोर जुवाःता।