1 तिमुतियूस 5:8 - Korwa Bible

⁸ अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

1 तिमुतियूस 5:8 ပူးပေါင်းရင်းမြစ်များ

मती ओजाःतेरा भगवानराः नपाय सरवन 18:17

हाँय हँकिनराः कता हों मेरेय मनाः दो, कलसियारिकुःआ बिसवासी होड़कूम कतावा। अरू हँकुःआ होड़कूराः कता हों मेरेय मनाः दो, भगवानराः कता मेरकू मनाःता हँकुःआ बेगर एहूदाकू अरू मलगुजारी गोः होड़कू इया हाँय ओंगोलकिडिग हाँय सुदा अलोपे मेसान।

मती ओजाःतेरा भगवानराः नपाय सरवन 7:11

अपे कसूर होड़कू इदानपे हों अँनपे लइंकू लगा नपाय नपाय जिनिसकूनपे एमेयता। दो अपेरीग सेरमो देसरीग अपापे भगवान एचेरेकू असेयता हँकुःआ होड़कू लगा नपाय जिनिसकून चिला लगा मेरेय एमेकेःआ?

एहुना 15:22

ईंग मेरिंग वेगकुःआ अरू हँकू ओरोयिंग कतावाकेकिकुः दो, हँकू एचेरे कसूरराः बोझा ओरो दोहोकुःआ। मनदो नुँहू हँकू ओरोकू कता अवेतेरा, अले मेरले कसूरगरा माःआन।

1 कुरिंती 6:6

मनदो अपे बिसवासी होड़कू एटाः बिसवासी होड़कू सुदापे तररा-तररीता, अरू हान हों बेगर बिसवासी होड़कू मड़ंगरे।

2 कुरिंती 12:14

अयुमेपे! ईंग अपे एचेरे पेय पुरती सेन लगा सपड़ावतो इदानिंगा। ईंग अपेराः आन-धान कोवान, मनदो अँननपेयिंग चहाःतना। हनालगा ईंग तोनोंगाः बोझा अपे लगा ओरोयिंग ओवातेडपेःआ। लइंकू एंगा-अपाकू लगा कोवान, मनदो एंगा-अपा लइंकू लगा आन-धान बटुड़ावगे लगा इदा।

2 कुरिंती 6:15

मसी अरू कलउराः खाप जोमता जा? अरू बिसवासी होड़कू बेगर बिसवासी होड़कू सुदा चिला खाप जोमता?

गलातिया 6:10

हनालगा अबू जमाकू सुदा होया अवेन हनामिन, बिसेक बिसवासी होड़कू संघरागोड ञवन लगा इदा।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

2 तिमुतियूस 3:5

हँकुःआ होड़कू धरमराः भेसरेकू दोहोनता, मनदो भगवानराः जंगर ओरोकू मनावनेना। हनन इयाकुःआ होड़कू अते तोनोरेम दोहोन।

तितूस 1:16

हँकू कतनता, अले भगवानले सुदीयतना, माःआन। मनदो हँकूराः बुताते भगवानकू आड-बेकारवायता। हँकू भगवानराः कता मेरकू मनवेता अरू एरांगवा इया इदानकुःआ अरू तोनोंगाः नपाय बुता जुकूर कोवाकुःआ।

2 पतरस 2:1

मड़ंग जूगरे भगवानराः बड़रा लबरातेकू कताया हँकुःआ होड़कू दोहोना। हनन इया अपे तलारे हों भगवानराः बड़रा लबरातेकू कतायता हँकुःआ होड़कू वेगता। हँकू ओनोक दनंगरे लाय एंडागेराः सरवनकू अगूयता। अँननकूय सडावकेरा हाँयग परबू होंकू आड-बेकारवायता, अरू हना अते हँकू अँननकू अँकू ओहेनकू लाय एंडा जुवाःता।

जूदा 1:4

सतायरे बिसवासी होड़कू ना लवे अरू डंडियावकू लगा मड़ंग वरीते भगवान एटाःकेडकुःआ, हँकुःआ तोनोंग तोनोंग होड़कू ओनोक दनंगते अपे सुदाकू मेसायना। हँकुःआ होड़कू भगवान मेरकू मनेवायता अरू भगवानराः मया हुडिंग ओंगोलवाडखन सनहा-सनहीकू एचेता अरू मिनीटोंग परबू भगवान इदानिया, अबूरीग परबू ईसू मसीकू आड-बेकारवायतना।

उदुःतो कताकून 2:13

“ईंग सुसुदीतना, अपे कलउराः गदी इदा हंडापे दोहोनता। हनते हों अपे ईंगराः ञावपे ञावगोड ञवनता अरू ईंग एचेरेपे बिसवासगोड ञवनता। अंतिपास ईंगरीग सताय हिदइतदारे दोहोना। हँकू हाँय अपेराः सहररेकू ञेड एंडातिरिया (हना सहररे कलउराः गदी इदा)। हनमेला हों अपे ईंग एचेरेपे बिसवासगोड ञवना।

उदुःतो कताकून 3:8

“ईंग अपेराः बुतायिंग सुसुदीता। ञेलपे, ईंग अपे मड़ंगरे मीटोंग दुवारिंग गीग दोहोकेरा। हन तोनोंगीग ओरोकू सींग अवेतेरा। अपे एचेरे गुनमिन सवांग दो इदा। हनते हों अपे ईंगराः सरवनपे मनावकेरा अरू ईंग मेरपे आड-बेकारवारिंगा।