1 तिमुतियूस 5:4 - Korwa Bible

⁴ मनदो तोनोंगीग रंडियाहीनरिकुःआ बेटा बिटीकू सहे कोपोड़ारकू इदान दो हँकू अँननकू ओड़ाःरिकुःआ होड़कू पला दरीकू लगा इदा। अरू एंगत अपात अरू जीयात-ततात अँकूकू पला दरीतेरा हनन इया हँकुःआ होड़कू भगवान सेवागेय लगाकू चिडुःता, जेमहा भगवान जुकूरकू बड़ाँव जुवाः।

1 तिमुतियूस 5:4 ပူးပေါင်းရင်းမြစ်များ

लूका 2:51

हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड।

1 तिमुतियूस 2:3

नाःआ दो नपाय इदा अरू अबूरीग सडावदार भगवान नाःआतेय ननाय जुवाःता।

1 तिमुतियूस 5:16

तोनोंगीग बिसवासी अइमीराः ओड़ाःरे रंडियाहीन इदान दो हाँय हनाँयग रंडियाहीने संघरावा अरू हाँयराः जिमेवारी कलसियारिकुःआ होड़कू एचेरे अहाय एमेय। हनाते कलसियारिकुःआ होड़कू सतायरे रंडियाहीनकू इदानकुःआ हँकूकू संघरा अवेवाता।

तितूस 1:11

होड़कू चेचेड लगा कोवानेःआ हना कता ढिबुवा पवाः लगा हँकूकू चेडतना, अरू जमा मइछुवाकू बिसवास मीसुटीकू अड़ाःगोतेडा। हनालगा हँकुःआ होड़कूराः आह एचे रिपूटगे इदा।