1 तिमुतियूस 5:25 - Korwa Bible

²⁵ हनन इया होड़कूराः तोनोंग तोनोंग नपाय बुता हों जमा होड़कू सुदीगोडता, मनदो तोनोंगीगराः नपाय बुता मेर सुदी अवेनता हनारे हों हना नपाय बुता मेर ओको अवेनता।

1 तिमुतियूस 5:25 ပူးပေါင်းရင်းမြစ်များ

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

लूका 11:33

“तोनोंगीग होड़ ढिबरी सलगावकेडखन टुकुनूते ओरोय हरूब ओकोतेरा। मनदो ढिबरी भीट चोटरेय मंडवेता, जेमहा ओड़ाः पेंदाकू बोल हँकू मरसलकू पवाः।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 22:12

हनानियाह ञावीग मी होड़ हंडाय दोहोना। हाँय भगवानराः नियमकून नपायतेय मनाःआ अरू हना सहररिकुःआ जमा एहूदाकू हाँयकू मान मरजइतगेया।

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

1 तिमुतियूस 3:7

बेगर बिसवासी होड़कू हों नपायकू मान मरजइतगेयता, हनाँयग होड़ कलसियारीग मूक होड़ होयाः इदा। हनाते कलउ हाँयग होड़ कसूररे दाःगेय लगा ओरोय अवेतिडिया अरू हाँय ओरोय गियूनेना।

उदुःतो कताकून 14:13

हनते ईंग सेरमो देस अते मीटोंग अरोयिंग अयूमतेरा, “नाःआम ओजाः। नुँहू वरीते परबू एचेरे बिसवासकेडखनकू गुजुःता, हँकुःआ होड़कूराः जीव-जहन भगवान नपायगेता।” हनते भगवानराः बिरुवा कता कुदातेरा, “हाव, हँकू अँननकूराः बुता इया इमानकू पवाःता, अरू अँननकू मुरुककू मिहनइतकेरा अतेकू लोड़ोनता।”