1 तिमुतियूस 5:10 - Korwa Bible

¹⁰ हाँयग रंडियाहीन बदीरे एटाः होड़कू नाःआ हिदइत, उउदुः लगा इदा, हाँय एटाः होड़कू लगा नपाय संघराय एमेःआ, अनँयग लइंकूय पला दरीतेरा, गुतिया होड़कू होंय नेत-नेवारतेरा, भगवानरिकुःआ सुद होड़कूराः काटे बुहालतेरा अरू सिकिसतारेकू दोहोना हँकुःआ होड़कूय संघरावातेरा अरू हाँय एटाः एटाः इयाःआ नपाय बुता एचेगे लगा लगले इदानिया, माःआन।

1 तिमुतियूस 5:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 25:17

हनन इया बारटोंग सोनाराः रिचकी ढिबुवाय पवावनेना हाँयग होड़ हों सेनेडखन अरू बारटोंग सोनाराः रिचकी ढिबुवाय पुंजियावतेरा।

मती ओजाःतेरा भगवानराः नपाय सरवन 5:16

ननन इया अपेराः लूर-नेवन मरसल इया जमा होड़कू एचेरे नपाय दोहोन दो, होड़कू अपेराः नपाय बुता ञेलकेडखन सेरमो देसरीग अपांग भगवानकू मान मरजइतता।”

लूका 7:38

हाँय ईसूराः काट तयोम अगी चड़ाँनेनखने इयामा अरू हाँयराः कटतरे मेड दाः लुजुरुःआ अरू अनँयग ऊबतेय जोडतिरिया। हाँय ईसूराः काटे अंजोडा अरू हना सुनुम हाँय काटरेय तिलाःतेरा।

लूका 7:44

हनते ईसू हाँयग अइमी अगी उलटावकियानखन सिमोन एचेरेय कताया, “आम ञेलतेराम नाँयग अइमी चिलाय एचेतेरा? ईंग आम ओड़ाःरेयिंग वेगकिया, दो आम ईंग काट बुहाल लगा दाः मेरेम एमेगाड। मनदो नाँयग अइमी आँयगराः मेड दाः ईंग काटरे लुजुरुःआ अरू ऊबतेय जोडकेरा।

मूक चेलाकू 10:22

दो हँकू कताया, “कुरनेलियूस ञावीग रूमी देसराः सइना होड़कूरीग हातपात होड़ अले आम एचेरेय वारकेडलेःआ। हाँय भगवाने बोरोवाता अरू हाँयराः कताय मनाःता। एहूदाकू हाँय नपायतेकू मान मरजइतगेयता। आँयग ओड़ाःरे आम राःमे लगा अरू आम कतायता हना जमा कताकून मनावगे लगा हाँय एचेरे भगवानरीग सुद बराहील कतातेरा।”

मूक चेलाकू 22:12

हनानियाह ञावीग मी होड़ हंडाय दोहोना। हाँय भगवानराः नियमकून नपायतेय मनाःआ अरू हना सहररिकुःआ जमा एहूदाकू हाँयकू मान मरजइतगेया।

मूक चेलाकू 6:3

हनालगा अजी बोपोहकूताले, अपे अते नपाय लूर-नेवनकुःआ कनहूनदारकू अरू सुद बिरुवाते पेरेगतो सातगोटोंग होड़कूपे ञाम। हँकुःआ होड़कू जोजोम जिनिस हटिंग बुता बुता लगाले एटाःकूता।

मूक चेलाकू 9:36

जोपा सहररे मी होड़ अइमी दोहोना। हाँयराः ञाव दोहोना तबीता। नाःआ लबद उनानी भासीरे डोरकास माःआन हवे (नाःआ बनर लबदकूनराः अरत सरम हवे)। हाँय एटाः होड़कू लगा नपाय नपाये एचेया अरू गरीब होड़कूय संघरावाःआ।

मूक चेलाकू 9:39

दो पतरस हँकिन सुदाय सेनेडा। अरू हाँय हंडाय सोदोरनेन दो हँकू हाँय हना ओड़ाःराः सेरमो दोहोना हना छिनारेकू गोःतिरिया। हंडा मुरुक रंडियाहीनकू दोहोना, अरू हँकू हाँयग तबीता, हँकू सुदा दोहोन मेला हँकू लगाय सोःतेरा हना सोनहे, पतरस एचेरेकू उदुःतेडखन फिकीर घड़ीनकू इयामा।

रूमी 12:13

बिसवासी होड़कू लगा हुडिंग बगरा दोहोन मेला, हँकूपे संघरागोड ञवन अरू अनसिनहार होड़कू हों नेत-नेवारकू लगा सपड़ावतोपे दोहोन।

इपीसी 2:10

अबू भगवानरिकुःआ तुलात होड़कू हवे अरू मनाड़ंगते अबू लगाय सपड़ाव दोहोकेरा हनानाः नपाय बुताकून ईसू मसीते एचेय लगाय तुलाकेडबुःआ।

कुलूसी 1:10

जेमहा अपे परबूराः हिछा इया जियाः घड़ीनपे ननायगोडेय, जमालेःआ नपाय बुतापे एचे अवेय, अरू भगवान अनउर नपायतेपे सुदीगोड ञवन।

1 तिमुतियूस 2:10

मनदो, नपाय बुताकूनते अनँयग आँयग सींगराः लगा इदा। भगवानकू जागता, हँकुःआ अइमीकू ननन इयाकू होयाः दो नपाय इदा।

1 तिमुतियूस 3:2

दो कलसियारीग मूक होड़ बेगर गारबार होड़ अरू मिनीटोंग अइमी अअसूल इदा। हाँय ओंगोल समझाः होड़ अरू मान मरजइतगेयीग, नेत-नेवारगेयीग अरू नपाय चेडदारे दोहोन।

1 तिमुतियूस 3:7

बेगर बिसवासी होड़कू हों नपायकू मान मरजइतगेयता, हनाँयग होड़ कलसियारीग मूक होड़ होयाः इदा। हनाते कलउ हाँयग होड़ कसूररे दाःगेय लगा ओरोय अवेतिडिया अरू हाँय ओरोय गियूनेना।

1 तिमुतियूस 5:16

तोनोंगीग बिसवासी अइमीराः ओड़ाःरे रंडियाहीन इदान दो हाँय हनाँयग रंडियाहीने संघरावा अरू हाँयराः जिमेवारी कलसियारिकुःआ होड़कू एचेरे अहाय एमेय। हनाते कलसियारिकुःआ होड़कू सतायरे रंडियाहीनकू इदानकुःआ हँकूकू संघरा अवेवाता।

1 तिमुतियूस 5:25

हनन इया होड़कूराः तोनोंग तोनोंग नपाय बुता हों जमा होड़कू सुदीगोडता, मनदो तोनोंगीगराः नपाय बुता मेर सुदी अवेनता हनारे हों हना नपाय बुता मेर ओको अवेनता।

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

2 तिमुतियूस 1:5

आम ईसू मसी एचेरे बेगर गारबारतेम बिसवासकेरा हनायिंग उहियारतना। हनन इया आमरीग जियाम लोइस अरू आमरीग एंगाम ऊनिस हों बिसवासतेरा। अरू ईंग सुसुदीतनायिंग आम हों हना इयाम बिसवासगेतना।

2 तिमुतियूस 2:21

तोनोंगीग होड़ अनँयग जीव बेलूर कता अते कगराव हड़ाःगेता दो, हाँयग होड़राः जीव सुद होया जुवाःता अरू ननपाय बुता एचे लगा ओड़ाः मालिकके उपयोतगेयीगे होयाःता।

2 तिमुतियूस 3:15

लनँइग वरीते नपायतेम सुदी अगूयतना हना सरवन भगवानराः कागदरे ओजाःतो इदा। हनानाः सरवन ईसू मसी एचेरे बिसवासकेडखन सडाः लगा कनहून एमेवामता।

2 तिमुतियूस 3:17

जेमहा भगवानरिकुःआ होड़कू जमालेःआते नपाय नपाय बुता बुतागे लगा उडु-बुडूत अरू सपड़ावतोकू दोहोन।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

तितूस 2:7

तितूस आम हों जमालेःआ नपाय बुताम बुता बदीरे एटाःकू लगा चिनहा इयाम दोहोन। आम सुद अरू सताय ओंगोलते,

तितूस 3:1

ने तितूस, परधानकू अरू हातपातदारकूराः कता मनावकियानखन हँकूराः आड़रे दोहोन लगा अरू जमा नपाय बुता बुता लगा सपड़ावतोकू दोहोन लगा बिसवासी होड़कूम कता उहियारगोड ञवन।

तितूस 3:14

ने तितूस, अबूरिकुःआ होड़कू नपाय बुता एचेगोड ञवन लगाम चेडकू, जेमहा जरूरइत मेला संघरा अवेवाकूकू अरू हँकुःआ होड़कूराः जीव सदाःआ ओरो होयानेना।

तितूस 3:8

नाःआ कता सनाताय हवे। ईंग चहाःतना आम भल-भलाय अरू जमाकू नफा पवाः लगा इदा हना कताकून तिंगीड घड़ीनमे चेडकू, जेमहा भगवान एचेरेकू बिसवासकेरा हँकुःआ होड़कू नपाय नपाय बुता तिंगीड घड़ीनकू एचे हड़ाःगे।

इबरानी 10:24

अबू एटाः होड़कू अलार-दुलार होड़ेंग लगा अरू नपाय बुताकूनकू एचेय लगा करा इयाबू संघरा अवेवाकूता, हना बदीरेबू ओंगोलगोड ञवन।

इबरानी 13:2

मुरुक होड़कू बेगर सुदीते सेरमो देसरिकुःआ बराहीलकूकू नेत-नेवारकेरा। हनालगा अनसिनहार होड़कू नेत-नेवारकू लगा अलोपे अड़गे।

इबरानी 13:21

दो हाँयग भगवान अपे आँयगराः हिछापे पुरावगोड लगा जमालेःआ नपाय कताकूनतेय ओसताजगोडपे लगायिंग अरजीतना। अरू भगवान ननायगुःता हना कताकून ईसू मसीते अपे एचे अवेय लगा भगवान अपेय संघरावा लगा होयिंग अरजीतना। सगर सइट होड़कू ईसू मसीकू जागगोड ञवन। आमीन!

1 पतरस 2:12

अपे बेगर बिसवासी होड़कू तलारेपे दोनोहोन मेला, हँकू अपे ओपता घड़ीनकू बड़रातान हों, अपेराः लूर-नेवन नपाय दोहोन लगा इदा। दो भगवान होड़कूय फड़ियावता हना दिन, हँकुःआ होड़कू अपेराः नपाय बुता ञेलकेडखन भगवानकू जागता।

1 पतरस 4:9

बेगर कुरबुराःते एटाः होड़कूपे नेत-नेवारकू।

3 एहुना 1:12

कलसियारिकुःआ जमा होड़कू दिमेतिरियूस बदीरे नपाय नपायकू कतायता। अरू हाँय भगवानराः सताय सरवन इयाय जियाःतना। अले हों हाँय बदीरे नपाय हिदइतले एमेयतना अरू आम सुदीयतना अलेराः हिदइत सताय इदा।