1 तिमुतियूस 3:6 - Korwa Bible

⁶ हाँय नँवा बिसवासी होड़ अलोय दोहोन, जेमहा हाँय बड़वारकियानखन कलउ पवावकिया हना इया डंड भगवान अगीते अलोय पवाः।

1 तिमुतियूस 3:6 ပူးပေါင်းရင်းမြစ်များ

लूका 10:18

दो ईसू हँकू एचेरेय कताया, “कलउ सेरमो अते बोंगा लोम उड़ी भगवान एचे कसड़गोतेडिया, हनायिंग ञेञेला।

1 कुरिंती 3:1

ने ईंगरिकुःआ अजी बोपोहकूतिंग, ईंग अपे सुदायिंग दोहोन मेला, सुद बिरुवा अगुवाइवाकूता हँकुःआ होड़कू सुदायिंग बुतुड़ुता इया अपे सुदा मेरिंग बुतुड़ु अवेगान। मनदो ईसू मसी एचेरे बिसवास बदीरे बती लइंकू इया अँननकूराः मनबिदियारेकू सलाःता हँकुःआ होड़कू एचेरेकू बुतुड़ुतान इया, अपे एचेरेयिंग बुतुड़ुःआ।

1 कुरिंती 8:1

दो नुँहू मुरतीकून मड़ंगरे मंडावतो जोम जिनिसकून बदीरेयिंग कतायतना। मनदो अपे कतायतना, नाःआ कता बदीरे अले कनहूनदारकू इदानलेःआ, माःआन। दो नाःआ बदीरे ईंग कतायतना, कनहूनते अबू बड़वारता मनदो दुलारते अबू एटाः होड़कूबू संघरावाता।

2 कुरिंती 12:7

दो नुँहू ईंग ओरोयिंग बुतुड़ु देखार अवेतेरा हनानाः मुरुक बगरा दरसनकून बदीरेयिंग कतायतना। दो ईंग अलोयिंग बड़वारगुः लगा सुई गोभावगिंगता इया कलउरीग बराहीलते मुरुक पीरा ईंग लगा भगवान एमेतेरा।

1 तिमुतियूस 3:7

बेगर बिसवासी होड़कू हों नपायकू मान मरजइतगेयता, हनाँयग होड़ कलसियारीग मूक होड़ होयाः इदा। हनाते कलउ हाँयग होड़ कसूररे दाःगेय लगा ओरोय अवेतिडिया अरू हाँय ओरोय गियूनेना।

1 तिमुतियूस 6:4

हाँय बड़वार होड़ हवे अरू तोनोंगाः मेरेय सुदीयता। हाँयग होड़ भगवानराः सरवनराः मेमेडटोंग लबदरे बेलूर ओंगोलते कता होड़ेंग लगाय मंजूरवाता। नाःआते होड़कू इरा होड़ेंगता, कड़ी होड़ेंगता, तूड होड़ेंगता अरू बेलूर बेलूरकू जाः होड़ेंगता।

2 तिमुतियूस 3:4

हँकू अडिग होड़कू अरू बेगर बुइदतेकुःआ होड़कू होया जुवाःता अरू बड़वारगुः होड़कू अरू भगवान एचेरे बहालगुः अते अँननकू बहालगुः लगाकू ओंगोल ञवनता।

1 पतरस 2:2

बती लइंकू इया अपे हों सुद दूद इया इदा हना भगवानराः सरवन लगापे रोयोँन, जेमहा हना सरवनतेपे बड़ियाड़ इदीन अरू जमालेःआतेपे सडाव जुवाः।

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

2 पतरस 2:4

उहियारगेपे, मनाड़ंग जूगरे सेरमो देसरिकुःआ अदोम बराहीलकू कसूरतेरा दो, हँकुःआ बराहीलकू हों डंडियाव अते भगवान मेरेय अड़ाःगाडकू। मनदो हाँय हँकू पतालपूररेय सोलोंगगोतेडकुःआ, अरू फड़ियावराः दिन वरी मुरुक अंदरात डोडहारे सिकिड़ीते तोलकेडकूखने सोलोंगगोतेडकुःआ।

जूदा 1:6

अपे सेरमो देसरिकुःआ बराहीलकू बदीरेपे ओंगले। अदोम बराहीलकू भगवान हँकू लगाय एमेवातेडकुःआ हना हातपातरे मेरकू मंजूरवागाड, अरू सेरमो देसराः अँकूराः डेराकू अड़ाःगोतेड। हँकुःआ बराहीलकू डंडियावकू लगा भगवान फड़ियावराः मरंग दिन वरी अंदरा पेंदारे तोनोंगीग ओरोकू सीड अवेतेरा हना सिकिड़ीतेय तोल दोहोकेडकुःआ।