1 तिमुतियूस 3:5 - Korwa Bible

⁵ तोनोंगीग होड़ आँयग ओड़ाःरिकुःआ होड़कू पला दरीकू लगा मेरेय अवे दो, हाँय भगवानराः कलसियारिकुःआ होड़कू करा इयाय पला दरी अवेकू?

1 तिमुतियूस 3:5 ပူးပေါင်းရင်းမြစ်များ

मूक चेलाकू 20:28

हनालगा अपे अँननपेराः जीवपे अगुरागे अरू अपेराः आड़रे इदानकुःआ हँकुःआ होड़कू होँपे तिहाकू। भगवान अनँयग बेटातराः बलंगीतेय किजाकेडकुःआ भगवानराः कलसियारिकुःआ होड़कू नपाय अगुवा होड़कू इयापे तिहाकू।

1 कुरिंती 10:32

अरू अपे एहूदाकू, सहे बेगर एहूदाकू, सहे कलसियारिकुःआ बिसवासी होड़कू एचे कसूरकू लगा अलोपे बड़ाँः।

इपीसी 1:22

हनाते भगवान जमाकून ईसू अतेय हुडिंगगोतेडा अरू कलसियाराः बोःए तुलाकिरिया।

इपीसी 5:24

कलसिया मसीराः आड़रे दोहोनता, हनन इया अइमीकू हों जमा कताकूनरे, अँननकू अँकूरिकुःआ हेपेरेलकूराः आड़रे दोहोन लगा इदा।

इपीसी 5:32

नाःआ कता बुझाः लगा रिता कोवानेःआ। मनदो ईंग नाःआरे मसी अरू कलसियाराः बदीरेयिंग अउल-तउलगेतना।

1 तिमुतियूस 3:15

जेमहा ईंग सेनरे कुबेर जुवाः दो आम सुदी अवेयता, बिसवासी होड़कू करा इया भगवानराः ओड़ाःरे नपाय लूर नेवनते जियाः लगा इदा, हना। भगवानराः ओड़ाः सताय सरवनराः खुंटा अरू पया इया दोहोनता हना जिनियत भगवानराः कलसिया हवे।