1 तिमुतियूस 2:15 - Korwa Bible

¹⁵ मनदो अइमीकू भगवान एचेरेकू बिसवासगे अरू अलार-दुलार घड़ीन ओंगोल समझावकियानखन सुद जीवकू जियाः दो, हँकू अमिंगगुः मेला भगवान हँकूराः जीवे सडावगोडता।

1 तिमुतियूस 2:15 ပူးပေါင်းရင်းမြစ်များ

लूका 2:7

हंडा हाँयरीग मरंगीग बेटात जनमावनेना। अरू धरमसाला ओड़ाःरे हँकूके दोहोन लगा डेरा मेर दोहोगान अते, हाँय बेटात ओयो रेडतिरिगखन ठोंगारेय गेतेगगोतेडीग।

1 कुरिंती 12:23

तोनोंगाः देह दगलीकून होड़कू उदुःवा जुकूर कोवानेःआ, हनानाः दगलीकून अबू सोनहेतेबू तुसिंग रेडगेता,

1 तिमुतियूस 1:14

परबू ईसू मसी मिनी जीवते ईंगे मयावारा, जेमहा ईंग हाँय एचेरेयिंग बिसवासगे अरू एटाः होड़कूयिंग दुलार अवे।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

1 तिमुतियूस 2:9

अइमीकू अकूस मना घड़ीन नपाय तुसिंग रिडुः लगा इदा। हँकू ऊब मुरुक सिंगरावगे अते अरू सोना, मुती अरू मुरुक दामराः सोनहेकून तुसिंगगे अते कोवान,

तितूस 2:12

जेमहा भगवानके मंजूर कोवानेःआ हना चउंदीसराः जमा बरानाः बेलूर ओंगोलकून अड़ाःकेडखन नाःआ जूगरे अबू अँननबूराः जीव संभाड़गे घड़ीन सतायते अरू भगवानराः ओंगोल इयाबू जियाः।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।