1 तिमुतियूस 1:12 - Korwa Bible

¹² ईंग बिसवासगेयीग होड़ ओंगोलवाडिंगखन, परबू ईसू मसी आँयगराः सेवा सेवागे लगा सुनावकिडिंगखन आँयगराः बुता बुतागे लगा जंगरे ओवाडिंगा। हनालगा हाँयिंग धनियाबादतना।

1 तिमुतियूस 1:12 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।

एहुना 5:23

नाःआते होड़कू अपातकू मान मरजइतता हनन इया बेटात होंकू मान मरजइतता। अरू बेटात मेरेय मान मरजइतगेयता हाँयग होड़, बेटाते वारकेरा हाँयग अपात हों मेरेय मान मरजइतगेयता।”

मूक चेलाकू 16:15

हनते हाँय अरू आँयग ओड़ाःरिकुःआ जमा होड़कू हाँय सुदा बतिसमाकू गोःतेरा। अरू हाँय अलेय नेत-नेवारतेडखने कताया, “अपे ईंग मी होड़ बिसवासी होड़ माःआनपे ओंगलेयिंगतना दो, ईंग ओड़ाःरे गुतियापे वेग।” अरू अले हाँय ओड़ाः अरीनले सेन वरी हाँय रेनहातेडलेःआ।

मूक चेलाकू 9:15

मनदो परबू हनानियाह एचेरेय कतातेरा, “नाँय एटाः एटाः देस अगी बेगर इसराएल होड़कू अरू हँकूरिकुःआ राजाकू मड़ंगरे अरू इसराएल होड़कू एचेरे ईंगराः ञावते परसारगे लगायिंग सुनावकिरिया। हनालगा आम हाँय एचेरेम सेन।

मूक चेलाकू 9:22

मनदो साहूल अनउर नपायते परसारगे लगा भगवान संघराय एमेवातेरिया। हाँय भगवानराः कागद अते ईसू, मसी हवे माःआने एचे सतायगोतेडा। हनालगा दिमसकूसरेकू दोहोना हँकुःआ एहूदाकू हाँयराः कता बदला तोनोंगाः मेरकू कता कुदा अवेगाड।

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

1 कुरिंती 3:5

दो अपोलोस इये हवे? अरू पउलूस इये हवे? अलिंग दो हाँयरिकिनाः सेवकियाकिन एकला हवे अरू अपे अलिंगते परबू एचेरेपे बिसवासकेरा। मेमेड होड़ लगा भगवान जिमावाडलेःआ, हनानाः बुता एकलाले बुता ञवनतना।

1 कुरिंती 7:25

दो डिंडा इदानकुःआ हँकू बदीरे परबू अगीते ईंग एचेरे तोनोंगाः हुकुम कोवानेःआ। मनदो ईंगराः मीटोंग सलाहिंग उदुःवापेतना। भगवान ईंगे मयावारा, हनालगा अपे ईंग एचेरेपे भरसा अवेयता।

2 कुरिंती 4:1

भगवान आँयग सेवा लगा अलेय मयावारा। हनालगा अले मेरले अदरुजीनता।

गलातिया 3:26

ईसू मसी एचेरे बिसवासकेडखन अपे जमाकू भगवानरिकुःआ लइंकूपे बड़ाँवयना।

गलातिया 3:28

अपे एहूदा होड़ सहे बेगर एहूदा होड़पे दोहोन, बेगारी होड़ सहे मालिकपे दोहोन, मरद सहे अइमीपे दोहोन, अपे ईसू मसी एचेरेपे बिसवासकेरा अते अपे जमाकू बरोबइर इदानपेःआ।

पिलिपी 2:11

हँकू इनीसू मसी, परबू हवे माःआनकू कबुलाःता जेमहा अपांग भगवानराः मान मरजइत होयाः।

पिलिपी 4:13

ईसू मसी ईंगराः जीवे बड़ियाड़गेतान अते ईंग जमालेःआयिंग एचे अवेयता।

कुलूसी 1:25

कलसियारिकुःआ होड़कू एचेरे भगवानराः नपाय सरवन जनामालेःआ कता उदुःगे लगा भगवान ईंगे जिमावारा।

1 तिमुतियूस 1:1

ने तिमुतियूस, अबूरीग सडावदार भगवान, अरूबू असराता हाँयग ईसू मसीराः हुकुमते ईसूरीग मूक चेलायिंग बड़ाँवनेना, ईंग पउलूस,

1 तिमुतियूस 1:11

अरू अगम नपाय भगवान ईंगे जिमावारा हना जागगेयाः नपाय सरवनते नाःआ नियम खाप जोमता।

1 तिमुतियूस 1:2

बिसवास बदीरे ईंग बेटा इया इदानमेःआ आम लगा नाःआ चिठीयिंग ओजाःगेतना। अबूरीग अपांग भगवान अरू परबू ईसू मसी, अपेकिन मयावा अरूकिन सोगावा, अरू सलसतरेकिन दोहो ओवापे।

1 तिमुतियूस 6:13

जेहो सकालाः इदा हना जमाकून लगा जीवे एमेयता हाँयग भगवान अरू पुंतियूस पिलातूस मड़ंगरे सताय बदीरे नपायतेय कबुलावनेना हाँयग ईसू, हँकिन मड़ंगरे

2 तिमुतियूस 2:2

मुरुक हिदइतदारकू तलारे ईंग अतेम अयूमकेरा हना सरवन बिसवासगेताकू हँकुःआ होड़कू एचेरेम जिमागे, जेमहा हँकू एटाः होड़कू हों नपायतेकू चेड अवेकू।

2 तिमुतियूस 4:17

मनदो ईसू मसी ईंग सुदाय दोहोना अरू हाँयराः जमा सरवन बेगर एहूदाकू एचेरे परसार उदुःगे लगा हाँय ईंगे संघरावातेडिंगा अरू गुजुःराः दूरतेय बनसावतिरिंगा।

तितूस 1:4

मिनी बिसवासते इदानलिंग अते ईंगरीग सताय बेटा तितूस, आम लगा नाःआ चिठीयिंग ओजाःगेतना। अपांग भगवान अरू अबूरीग सडावदार ईसू मसी आमकिन मयावा अरूकिन सलसतमे।

पिलेमोन 1:9

मनदो ईंग, सनायाड़ डोकरा पउलूस, नुँहू परसार बदीरे जेहेलरे इदानिंगा, आम एचेरे दुलार घड़ीन असे लगायिंग चाहाःतना।