1 तिसलूनिका 5:10 - Korwa Bible

¹⁰ जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।

1 तिसलूनिका 5:10 ပူးပေါင်းရင်းမြစ်များ

मती ओजाःतेरा भगवानराः नपाय सरवन 20:28

मनुवारीग बेटा अनँयग एचे सेवान लगा मेरेय वेगगना। मनदो हाँय जमा होड़कूय सेवा लगा अरू अनँयग जीव एमे अटूकेडखन होड़कू सडावकू लगाय वेगकिया। हनन इया अपे हों एटाःकूपे सेवाकू।”

एहुना 10:11

नपाय सरवाहा ईंग हवे। नपाय सरवाहा आँयगरिकुःआ भेड़ाकू लगा गुजुः लगा हों सपड़ावतो दोहोनता।

एहुना 10:15

अरू ईंग ईंगरिकुःआ भेड़ाकू लगा ईंगराः जीविंग एमेगोडता। ईंगरीग अपांग ईंगे सुदीता, हनन इया ईंग हों ईंगरीग अपांगिंग सुदीता।

एहुना 10:17

ईंग गुजुः लगा ईंगराः जीविंग एमेगोडता अरू हनते अरूयिंग जियाव रिमुःता। हनालगा ईंग अपांग ईंगे दुलारता।

एहुना 15:13

तोनोंगीग होड़ अनँयग सउंगताकू लगा जीवे एमे दो नाःआ अते मरंग दुलार तोनोंगीगराः कोवानेःआ।

रूमी 8:34

अरू इये अबूय डंडियाव अवेबूता? ईसू मसी अबू लगाय गोएगनेना अरू गोएगतो अतेय जियाव रेमकिया, हनाँयग भगवानराः खउना तिःई गतररे मान मरजइत सुदा दुडुःकियानखन अबू लगा असे घड़ीने अरजीतना। हनालगा तोनोंगीग अबू ओरोय डंडियाव अवेतेडबुःआ।

1 कुरिंती 15:3

हनालगा ईंग चेडकिया हनानाः मनइद कता अपेयिंग चेडकेडपेःआ। भगवानराः कागदरे ओजाःतो इदा हनन इया ईसू मसी अबूराः कसूर लगाय गोएगनेना।

2 कुरिंती 5:15

अरू मसी जनामाकू लगाय गोएगनेना दो जीयत इदानकुःआ हँकुःआ होड़कू अँननकू लगा कोवान, मनदो भगवान गोएगतो अतेय जियाव रेमतिरिया हाँय लगा जियाः इदा।

2 कुरिंती 5:21

मसी कहियो मेरेय कसूरगरा। मनदो भगवान अनँयगराः ओंगोलरे अबू बेगर गारबार होड़कू बड़ाँवबू लगा, हाँयग मसी कसूर होड़े बड़ाँवतिरिया।

इपीसी 5:2

ईसू मसी अबू दुलारकेडखन अनँयग जीव अबू लगा भगवान मड़ंगरे मुरुक नपाय महकराः बलिदान इयाय जिमातेरा। हननलगा अपे अँननपे दुलार होड़ेंगगोड ञवन।

1 तिसलूनिका 4:13

ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

1 तिसलूनिका 4:15

परबू ईसू कताकेरा हनानाः बड़राले कतायतना। अबू जीयत इदानबुःआ अरू ईसू मसी कुदा वेग वरी हों जिनियतबू दोहोन दो, गोएगकियाकू हँकुःआ बिसवासी होड़कू अते मड़ंग ईसू सुदा ओरोबू जुमावनेना।

1 तिसलूनिका 4:17

हनते भगवान, जीयत इदानबुःआ हँकू बदरीरेय रेम गोःबूता। दो सेरमोरे परबू ईसू सुदाबू जुमाःता। नाःआ इया सगर सइट हाँय सुदाबू दोहोनता।

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

1 तिमुतियूस 2:6

जमा होड़कू कसूर अते सडावकू लगा हाँय किमइत एमेकेडखन कुरूसरे गुजुः लगा अनँयग आँयग जिमायान। नाःआ सरवन भगवान तोल दोहोतेरा हना बेला चउंदीसरिकुःआ होड़कू एचेरेय उदुःतेरा।

2 तिमुतियूस 2:11

नाःआ कता सताय इदा, अबू ईसू सुदाबू गोएगयान दो, अबू हाँय सुदा जिनियतबू दोहोनता।

तितूस 2:14

हाँय अनँयग आँयगते गुजुः लगाय जिमायान, जेमहा अबूराः जमा बरानाः बेलूर नेवन अते सडावकेडबूखन नपाय बुता बुता लगा ओसताज इदानकुःआ अनँयगरिकुःआ सुद होड़कूबू बड़ाँव अवेन।

1 पतरस 2:24

हाँय अनँयग देहरे अबूराः कसूरे लदाव गोःतेडखन कुरूसरेय गोएगनेना, जेमहा कसूर बदीरे गोएगतोबू दोहोन, अरू भगवानराः ओंगोल इया नपाय जीवबू जियाव अवेन। हाँयराः घाँवकूनते अबूराः जमा बरानाः बेमरियाकून नपाययना।

1 पतरस 3:18

भगवानराः ओंगोलरे अबू बेगर गारबार होड़कूय बड़ाँवबू लगा, बेगर गारबारीग इनीसू मसी मिनी जूदा अबू जमा कसूर होड़कू लगा, कटसिया सहावतेडखने गोएगनेना। हाँय देनेह देहरेय गोएगनेना मनदो भगवान हाँयराः बिरुवाय जियाव रेमगोतेडा।