1 तिसलूनिका 4:13 - Korwa Bible

¹³ ने अजी बोपोहकूतिंग, गोएगयनाकू हँकुःआ बिसवासी होड़कू बदीरे अनसिनहार अहापे दोहोन, जेमहा गोएगतो होड़कू जियाव रिमुःता हना बदीरे असरा कोवानेःआ हँकुःआ होड़कू इया अहापे फिकिराः।

1 तिसलूनिका 4:13 ပူးပေါင်းရင်းမြစ်များ

मती ओजाःतेरा भगवानराः नपाय सरवन 27:52

मड़गटकून उसाडयान अरू मड़ंगरेकू गोएगनेना हँकुःआ मुरुक बगरा सुद होड़कू अरूकू जियाव रेमनेना।

एहुना 11:24

मारता कतातेड, “ईंग सुसुदीतना टुटीग दिनरे हाँय अरूय जियाव रिमुःता।”

मूक चेलाकू 13:36

दाऊद आँयग जूगरिकुःआ होड़कू भगवानराः ओंगोल इया सेवातेडकूखने गोएगनेना अरू हाँयराः मुरदा दो सेयायना।

मूक चेलाकू 7:60

हनते हाँय उकुड़ोमनेनखने खिररीःआ, “परबू, नँकुःआ होड़कूराः कसूर अँननकू बदीरे अलोम ओंगोल दोहोगे।” नाःआ कतावाडखन हाँय गोएगयाने।

मूक चेलाकू 8:2

भगवानकू मनवेयता हँकुःआ होड़कू इसतपनूसकू तीलतेरा अरू हाँय लगा मुरुककू फिकीरावयान।

रूमी 1:13

ने अजी बोपोहकूतिंग, नाःआ कता बदीरे अपे अनसिनहार अहापे दोहोन। एटाः जइत होड़कू बिसवासी होड़कूयिंग बड़ाँवकेरा। हनन इया अपे तलारे हों एचेय लगा ईंग अपे एचेरे घड़ी घड़ी सेन लगायिंग चहाःआ। मनदो नुँहू वरी मेरिंग सेने अवेगना।

1 कुरिंती 10:1

ने अजी बोपोहकूतिंग, अबूरिकुःआ खुटिपरिया होड़कूराः जीवरे करा इया होयानेना हना बदीरेपे उहियारगे। हँकू टयंगाब ततेरतेकू सेने पार मेला, मीटोंग बदरीराः उंबूल उंबूलकू सेना अरू हँकू समुंदर तलारेकू सेने पारयान।

1 कुरिंती 12:1

दो ईंगरिकुःआ अजी बोपोहकूतिंग, सुद बिरुवाराः दहिनकून बदीरे अपे अनसिनहारपे दोहोन लगा मेरिंग चहाःतना।

1 कुरिंती 15:6

हनते पाँच सव अते बगरा चेलाकूतेन एचेरे मिनी जूदाय एचे ञेलनेना। हँकू अते मुरुक होड़कू तिसिंग वरी हों जीयत इदानकुःआ। मनदो हँकू अते तोनोंग तोनोंग होड़कू गोएगयना।

2 कुरिंती 1:8

दो ईंगरिकुःआ अजी बोपोहकूतिंग, अलिंग आसिया राइजरेलिंग सहावतेरा हना कटसिया बदीरे अपे अनसिनहार अलोपे दोहोन लगालिंग चहाःतना। अलिंग मेरलिंग सहाव अवेय हना इया कटसियाते अलिंग जीव मुरुक ओंगोल कुहकाःआ, अरू गोनेग जुवाःता माःआनलिंग ओंगलेःआ।

इपीसी 2:12

अपे मसी अते हिगारतोपे दोहोना अरू इसराएल होड़कू सुदा अपेराः तोनोंगाः इताड मेर दोहोगान। भगवानराः जबानरे तोनोंगाः बंटा अपे लगा मेर दोहोगान अरू अपे भगवान मेनेरपे सुदीया अते, बेगर असराते नाःआ चउंदीसरेपे दोहोना।

इपीसी 2:3

मड़ंगरे नाःआ इयाःआ बेलूर ओंगोलरे अबूराः लूर-नेवन हों दोहोना। अबूराः ओंगोल अरू देहराः हिछा इयाबू एचेगोड ञवना, अरू अबू हों हँकुःआ होड़कू इया भगवानराः डंड पवाः जुकूरबू दोहोना।

1 तिसलूनिका 4:14

अबू बिसवासगेतना ईसू मसी गोएगनेना अरू हाँय जियाव रेमकियाय। दो हनन इया गोएगनेनाकू हँकुःआ बिसवासी होड़कू हों ईसू कुदा वेगता हनमेला भगवान हाँय सुदाय अगू दरवाकूता।

1 तिसलूनिका 4:15

परबू ईसू कताकेरा हनानाः बड़राले कतायतना। अबू जीयत इदानबुःआ अरू ईसू मसी कुदा वेग वरी हों जिनियतबू दोहोन दो, गोएगकियाकू हँकुःआ बिसवासी होड़कू अते मड़ंग ईसू सुदा ओरोबू जुमावनेना।

1 तिसलूनिका 5:10

जेमहा अबू गोएग जुवाः सहे जीयतबू दोहोन, अबू सगर सइट हाँय सुदाबू दोनोहोन।

1 तिसलूनिका 5:6

हनालगा अबू बेगर बिसवासी होड़कू इया ईसू कुदा वेगता हना बदीरे अनसिनहार अहाबू दोहोन। मनदो अबू सवासिती अरू नपाय ओंगोल घड़ीन दोहोन लगा इदा।

2 पतरस 3:4

अरू हँकू कतायता, हाँय कुदा वेगता हना जबान करेन पुराःतान? अबूरिकुःआ खुटिपरिया होड़कू गोएगयनाकू। चउंदीस बुँहड़ीकियान वरीते कहिसाः मेर बदलावगना अरू जमाकून हनन इया सलाव ञवनतना, माःआन।

2 पतरस 3:8

दो ईंगरिकुःआ अजी बोपोहकूतिंग, नाःआ सनाताय कता बदीरे अपे अनसिनहार अलोपे दोहोन। परबू लगा हजार बरिस मी दिन इया इदा अरू मी दिन हजार बरिस इया इदा।