1 तिसलूनिका 3:6 - Korwa Bible

⁶ दो नुँहू तिमुतियूस अपे अगीते दरवाया अरू अपेराः बिसवास बदीरे अरू एटाः होड़कू सुदा अपेराः अलार-दुलार बदीरे हों नपाय नपाय सरवने कता उदुःतेरा। हाँय कताया, हँकुःआ होड़कू अपे बदीरे नपाय नपायकू उहियार उतराव अगूयतना अरू अपे हँकू ञेल लगापे उसाडगुःतना। हनन इया अपे अरू ञेलपे लगाकू उसाडगुःतना, माःआन।

1 तिसलूनिका 3:6 ပူးပေါင်းရင်းမြစ်များ

मूक चेलाकू 16:1

पउलूस अरू सिलास दिरबे सहररेकिन सोदोरनेन अरू हनाते लुसतरा सहररेकिन सेनेडा। हंडा तिमुतियूस ञावीग मी होड़ ईसूरीग चेला दोहोना। हाँयरीग एंगात ईसू एचेरेय बिसवासगेःआ मी होड़ एहूदा अइमी दोहोना अरू हाँयरीग अपात बेगर एहूदा होड़े दोहोना।

मूक चेलाकू 18:1

हना तयोमरे पउलूस एतेनस सहर अते कुरिंती सहर अगी तोराय।

मूक चेलाकू 18:5

मकिदुनिया राइज अते सिलास अरू तिमुतियूस वेजेडा दो पउलूस कुंबा तुला बुता अड़ाःतेडखन सरवने परसारगोड ञवना। हाँय एहूदाकू एचेरे ईसू, मसी हवे माःआने कतागोड ञवना।

1 कुरिंती 11:2

अपे जमालेःआ लगा ईंगपे उहियारगोड ञवनता। अरू ईंग चेडतेडपेःआ हना जमाकून अपे मनाःतना। हनालगा अपेयिंग भल-भलायवाता।

1 कुरिंती 13:13

दो अबू बिसवासगेता, अरूबू असरागेता, अरूबू दुलारता, नाःआ पेनेय मेनेर टगाःता। मनदो नाःआ पेनेय अते मनइद मरंग एटाःकू दुलारता हना हवे।

गलातिया 5:6

अबू ईसू मसी सुदा मिनी इदानबुःआ दो, खतनान सहे बेगर खतनातबू दोहोन, हनारे तोनोंगाः मतलोब कोवानेःआ। मनदो मइद कता ननानाः हवे, एटाःकू दुलार घड़ीन अबूराः बिसवास उउदुः लगा इदा।

पिलिपी 1:8

ईसू मसी अपेय दुलारकेरा हनन इया, ईंग हों अपेयिंग दुलारतना, अरू अपे ञेल लगायिंग उंभरावयना। नाःआ कता सताय हवे माःआन भगवान सुदीयतना।

कुलूसी 1:4

अलिंग अयूमकेरा, अपे ईसू मसी एचेरेपे बिसवासगेतना, अरू भगवानरिकुःआ जमा सुद होड़कू सुदापे अलार-दुलार होड़ेंगतना, माःआन। हनालगा भगवानलिंग धनियाबादता।

कुलूसी 4:18

ईंग पउलूस, नाःआ सलाम इनिंग तिःईते अपे लगायिंग ओजाःगेतना। ईंग जेहेलरे इदानिंगा। हनालगा अपे अरजी मेला ईंग अलोपे लिड़िंगींग। भगवान अपेय मयावा।

1 तिसलूनिका 1:3

अरू अपे बदीरे, हँकू ईसू एचेरेकू बिसवासकेडखन नपाय बुताकू बुताता, अरू मुरुक मिहनइत घड़ीन एटाः होड़कूकू अलार-दुलारता, अरू अबूरीग परबू ईसू मसी एचेरे इदा हना असरारे सनाहाव घड़ीन इदानकुःआ माःआन, अबूरीग अपांग भगवानराः मड़ंगरेले उहियार अगूयता।

1 तिसलूनिका 2:17

ने अजी बोपोहकूतिंग, अले तोनोंग बेला वरी अपे अते एटाः होरले दोहोना। मनदो हननमेला अले अपे बदीरेले ओंगोलगोड ञवनाः। अपे ञेनेल लगा अले उसाडयानले अरू अपे एचेरे सेन लगा मुरुकले कुरनिसतेरा।

1 तिसलूनिका 2:9

ने अजी बोपोहकूतिंग, अपे उहियारगेतनापे जा, अले भगवानराः नपाय सरवन अपे एचेरे परसारगे मेला दिन रइत उगार उडुंगवामिन घड़ीनले बुता जोमा, जेमहा तोनोंगीग लगा बोझा अलो होयाः।

1 तिसलूनिका 3:7

ने अजी बोपोहकूतिंग, एटाः होड़कू अले कटसियावाडखनकू संतावलेतना। मनदो अपेराः बिसवास बदीरे अले मुरुक बहालरे इदानलेःआ।

2 तिसलूनिका 1:3

दो ईंगरिकुःआ अजी बोपोहकूतिंग, ईसू मसी एचेरे अपेराः बिसवास नपाय बड़ियाड़ इदीनतना अरू अपे बगरापे दुलार होड़ेंग इदीनतना। हनालगा जमा बेला अपे बदीरे अलेके भगवान धनियाबादगेय लगा इदा अरू ननन इया एएचे हों नपाय इदा।

1 तिमुतियूस 1:5

बिसवासी होड़कू सुद इंदरीते, नपाय ओंगोलते अरू बेगर गारबारराः बिसवासते दुलार होड़ेंग लगाले हुकुमवाकूतना।

2 तिमुतियूस 1:3

दो ने तिमुतियूस, दिन रइत उहियार घड़ीन आम लगायिंग अरजीतान मेला, ईंगरिकुःआ अपुयिंग ततायिंगकू इया सुद इंदरीतेयिंग जागगेयता हाँयग भगवानिंग धनियाबादगेयतना।

पिलेमोन 1:5

ईंग अयूमकेरा, पिलेमोन ईसू मसीरेय बिसवासगोड ञवनतना अरू परबू ईसूय दुलारतना अरू बिसवासी होड़कू सुदा अलार-दुलारतेय दोहोनतना, माःआन।

इबरानी 13:3

जेहेलरे सींगतोकू दोहोनता हँकुःआ होड़कू अपे, अले हों सींगतो इदानलेःआ, माःआन ओंगोलकेडखन उहियारगोड अरू अले अँननले संतावतो इदानलेःआ माःआन ओंगोलकेडखन संतावतोकू दोहोनता हँकुःआ होड़कूपे उहियारगोड ञवन।

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।

1 एहुना 3:23

भगवानराः हुकुम ननानाः हवे। भगवानरीग बेटात ईसू मसी एचेरे अबू बिसवासगे लगा इदा। अरू ईसू मसी अबू एचेरेय हुकुमकेरा हनन इया एटाः होड़कू सुदा अलार-दुलारते दोहोन लगा इदा।