1 तिसलूनिका 2:3 - Korwa Bible

³ अले भगवानराः नपाय सरवन तोनोंगाः गारबारते सहे बेलूर ओंगोलते सहे अडिगपे लगा मेरले परसारगरा।

1 तिसलूनिका 2:3 ပူးပေါင်းရင်းမြစ်များ

मूक चेलाकू 13:15

दो भगवानराः नियमकून अरू भगवानराः बड़रा कता होड़कूराः कागद अते बछावनेनखन तयोमरे हना अरजी ओड़ाःरिकुःआ हातपात होड़कू हँकिन एचेरे मी होड़ होड़तेकू एचे होंबोरतेडकिना, “ने वपक बोपोहकिन, नँकुःआ होड़कू कता-बहालकू लगा अबा एचेरे तोनोंगाः बड़रा कता लगा इदान दोबा कताय।”

मूक चेलाकू 4:36

दो उसूप ञावीग लेवी गोतोरीग मी होड़ होड़ दोहोना। हाँय सइपरास डुगुरीग होड़े दोहोना। हाँयराः एटाः ञाव दोहोना बरनाबास, अरू हना ञावते मूक चेलाकू हाँयकू रगेया। (नाःआ ञावराः मतलोब कता बहालगेयीग बेटात, माःआन हवे।)

2 कुरिंती 11:13

नाःआ इयाकुःआ होड़कू लबरा बराहीलकू हवे अरू मसीरिकुःआ मूक चेलाकूराः भेसरे बोबोनाव बुता होड़कू इदानकुःआ।

2 कुरिंती 2:17

एटाः होड़कू इया अँननकूराः नफा लगा, अले भगवानराः सरवनरे मेरले मेसायता, मनदो सताय ओंगोलते भगवान अगीते पवावतो सरवन मसीराः संघरातेले कता उदुःगेता।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

2 कुरिंती 4:5

अले अँननले बदीरे कोवान मनदो ईसू मसी, परबू हवे माःआनले परसारगेता, अरू हाँय लगा अले अपेरिकुःआ सेवकियाकू इदानलेःआ।

2 कुरिंती 6:8

तोनोंग बेला होड़कू अलेकू मान मरजइतलेःआ अरू तोनोंग बेलाकू बेग-हतावालेःआ, तोनोंग बेला अलेकू बदीलेःआ अरू तोनोंग बेला अलेकू भल भलवालेःआ। अले जमा बेला सतायले कताया हों अडिग होड़कू माःआनकू ओंगोललेःआ।

2 कुरिंती 7:2

अले बदीरे अपेराः दुलारपे उदुःगोड। अले तोनोंगीगराः कहिसाः मेरले आडगरा, तोनोंगीग सुदा बेलूर मेरले एचेगरा अरू तोनोंगीग मेरले अडिगगरा।

1 तिसलूनिका 2:11

लइंकूरीग अपात आँयग लइंकू सुदाय एचेयता हनन इया अपे मेमेड होड़ले चेडतेडपेःआ अरू अपेराः इंदरी कुहकाःतेले सलसततेरा अरू अपेले कता बहालतेडपेःआ, अरूले समझावतेरा,

1 तिसलूनिका 4:7

अबू मइलावतो जीव जियाः लगा कोवान, मनदो सुद जीव जियाः लगा भगवान राःकेडबुःआ।

2 तिसलूनिका 2:11

भगवान हँकुःआ होड़कू एचे लहकावकू लगा मीटोंग बिरुवाय वारगोडता अरू हँकू जमा लबरा बड़राकू बिसवासगेता।

2 पतरस 1:16

ईसू मसीराः जंगर बदीरे अरू हाँयराः कुदा वेग बदीरे अले तोनोंगाः तुलात कहड़ीकून मेरले कता बोनावगाडपेःआ। मनदो अले अँननलेराः मेडते हाँय तुमिन मरंग इदानिया हनाले ञेलकेरा।